ورا ساعتين دخل ابوية للبيت تلكينا
ميثاق :- ها يابة بشر
ابو ميثاق :- حليتها بوية حليتها الف الحمد والشكر الك ياربي
ام ميثاق :- شصار احجيلنه
ابو ميثاق :- رحت للرجال الي دلوني عليه والتقيت بيه
وقبل يأجرلنا بيته كالي هل تكدر تدفعه خير وبركة
الحمدلله من اكو ناس لسة ضميرها صاحي وتساعد
الناس المحتاجة
ام ميثاق :- الحمدلله والشكر
ميثاق :- يابة شوكت ننتقل
ابو ميثاق :- من باجر نروح يلا حضرن روحجن كومن لمن
غراض البيت
ياقوت :- بدينا نلم غراض البيت نكسر ظهري ل ١ بالليل ياله
خلصنه
يمه اني باجر ماداوم تعبت حيل
ام ميثاق :- اي يمه اذا ماعندج شي مهم لتروحين باجر هم ورانه شغل بالبيت الجديد روحي نامي هسه ورانا يوم متعب باجر
..رايحة يمه رحت مددت واني ادعي ربي بلكي تتغير حياتنه للأحسن بعدها غفيت
كعدت ب ٧ كعدتني امي :- يلا يمه ياقوته كعدي يلا ورانا لم الغراض ب٨ تجي السيارة كومي ماضل وكت
كمت لملمت اني ونور ويا امي الباقي وخلصنه ننتظر السيارة ل ٩ ولسه ماكو
.. يمه شو لسه ما جتي السيارة
ام ميثاق :- ابوج اجر سيارة حمل اتفق ويا صاحبها ب ٨
وين تأخر
ورا نص ساعه طب ابوية للبيت وويا ولد ثنين وميثاق وعلي
شالو الغراض لملمنا كولشي فرغ البيت
ام ميثاق :- يلا يمه امشن التكسي واكفة يلا نورة ستعجلن
طلعنا من البيت صعدنا التكسي حوالي ثلث ساعه وصلنا المنطقة الي راح نكعد بيها نزلنا البيت حلو ومرتب من برا
اول ما دخلنا
حديقة صغيره بيها حشيش اخضر وورود عباد الشمس صح صغيرة بس تجنن
اول ما فتنا فتح بابا الباب بالمفتاح وراحو ينزلون بالغراض
اجه بوجهنا الهول مرتب بي تخم لونه بيجي سادة وطاولة بالوسط خشب عليها مزهرية بنصها ورد صناعي وتلفزيون شاشة لو ماجايبين غراضنا اشرفلنه لان تفشل
اكو باب بصف باب فتحت الأولى
مطبخ بي كاونتر بسيط شلون بيت مرتب
وراها غرفه فارغه مابيها شي
لهناك اكو ممر وهم اكو غرفة وبصفها حمام
غرفتين بس بالبيت واستقبال وحمام ومطبخ
نور :- يلا ياقوت انتي تنامين بالشارع ماكو بس غرفتين ههههه
ياقوت :- انام بالصالة عادي اهم شي لكينا بيت يحوينا حتلو بالمطبخ هم انام
دخل ابوية وجهه يضحك فرحان شكد افرح من اشوف ابوية
مرتاح ويضحك
ابو ميثاق :- الحمدلله بيت احلى بالف مره من الجنه عايشين بيه
