-
يتحطم قلب الإنسان عند أول يوم يفقد فيه أمه، ولا يعود أبدا كما كان، يفقد أكثر الأشياء لذة في الحياة، ولا يعود لديه ما يخسره أكثر من أمه، بل إنه تهون عليه الدنيا بملذاتها وشهواتها، ولا أبالغ لو قلت أن الإنسان يفقد كثيرا من
عفويته بعدها.
طلعت الطبيبة وبيده الطفلة
حجي ياسين :- ها بشري دكتورة جابت بنيتنا
الدكتورة :- ماعرف شكولكم بس المريضة انطتكم عمرها
وهاي الطفلة طلعناها مختنكة الحبل السري ملفوف على
ركبتها بلكوه تلاحكنالها اسعفناها وكدرنا ننقذها البقاء في حياتكم
حجية زهرة :- يمة بنيتي ماتتت يبووو
منشوف غير ازاد وكع بالكاع لا حس ولا نفس لتمو الأطباء شالو
ازاد نيمو على السدية واخذو
محمد :- اسراء ماتت لا لا جذب ماصدك انتو هم اطباء
فاشلين انتو موتوها راح احملكم كل المسؤولية
محمد راد يهجم على الطبيبة
الطبيبة نخطف لون وجهه وراحت تمشي سريع دخلت بالغرفة الكدامنه وقفلت الباب عليها
حجي ياسين وهو يمسد على ظهر محمد :- اسكت يبوية الأطباء كامو بواجبهم وماكصرو همه كالو حالتها تعبانة ماتتحمل
يبوية هذا حد يومها انتهت خبزتها من هل دنيا
قضاء الله وقدره لا اعتراض
على حكم رب العالمين
انا لله وانا اليه راجعون
دير وجهك على أولادك مثل ما وصتك المرحومة
وصير قوي لجل عينهم وانا وياك يبعد ابوك ما اعوفنك
هل تشوف ابنك وكع لا حس ولا نفس
ومناك مريم وحيدر بعدهم صغار شلون راح نفهمهم
ومنا عندك طفلة بنت أنفاس نحرمت من امها ومن حنانها الله يعينكم على هل مصيبة
حجية زهرة هيه وتبجي :- الله يعينكم ييمه وينطيكم من صبر مولاتي زينب عليها السلام لجن صعبة فكدان الام صعبة يييممه
وبلشت تنعي وتبجي بنص المستشفى
طلع الطبيب :- هاي شنو هل هوسة هاي مستشفى وبيها مرضى ممنوع الضوضاء رجائا اطلعوا برا
الحجية :- يمه جا هي مستشفى ابوك وتطرد بينا
خسارتنا جبيرة جا شون ما اون اني ع الحنينة
كومي حجية ذكري الله كلنا على هل طريق
ماكو ربع ساعة ولتمو الولد كلها عرفت بموت اسراء
الكل حزن عليها البنية الهادئة الما يطلع صوتها ابد
مالها اذية على احد محد يكرها لا حموات لا نسوان
حما
ظافر :- يمه اخذي الطفلة وروحي للبيت عمار يوصلج خابرت وصيت النسوان يحضرن للفاتحة
احنا نكمل إجراءات المستشفى ونطلعها نغسلها ونجيبها للبيت
حجية زهرة :- اي يمه خلي جهالها يودعوها الله يساعدهم فكدو اميمتهم مو هينة يمة
أخذت الحجية زهره الطفلة وطلعت باوعت بوجهه الطفلة
تشبهه امها نفس الملامح ورسمت الوجهه سبحانك ربي الله
ياخذ وينطي
