البارت التاسع
نجد: بتتكلمين ولا شلون
اريام: اتكلم عن وش
نجد: ليش مبتسمه
اريام: حرام ابتسم ولا كيف؟!
رهف: مو حرام بس.. الابتسامه ذي وره شي تكلمي
اريام: اضحك على مقطع شفته خلاص ارتحتي
نجد: اصبري انتِ اعرف كيف اخذ الكلام منك
بعد ساعتين ناموا البنات الا نجد ماقدرت تنام من التفكير ونزلت تحت وطلعت لى الغيد وجلست عنده
نجد لى الغيد: حتى ابوي طلع يكذب في حبه لي الله واعلم كم باقي شخص ماطعني في ظهري يعني وش سويت انا عشان الكل يكرهني اخخ يا الدنيا لو تضحكين في وجهنا شوي
راكان: غلطانه مو الكل يكرهك عندك اخو يموت فيك ويحبك جحدتني
نجد: ماجحدتك اكيد اتكلم بشكل عام
راكان: يلا قومي
نجد: وين
راكان: نمشي شوي بعدين خلاص واضح الغيد بينام بكره نجي امشي
نجد: يلا اجل
وهم يمشون
راكان: نجد.. انا قلت لى اريام كل شي
نجد: وش تقصد ب كل شي
راكان: اني احبه
نجد: يعني هذي سبب ابتسامتها الجميلة قبل شوي
راكان: نجد ليه كذبتي علي ياخي والله بغيت اموت من التكفير ترضينا اقول لى فهد كذا
نجد: اي أرضى لان مافي شي بين
راكان: ايه صدقت صدقت المهم ترا شسمه خطبنا رهف لى تركي تدرين ولا لا
نجد: لاا! متى صار الكلام ذا
راكان: قبل شوي ابو محمد تكلم
نجد:معلينا عندي موضوع اهم الان
راكان: وش!
نجد: ريم وخالد
راكان: وش فيهم بعد
نجد: خالد يحبه وهي مادرت عنه ولا طقت خبر
راكان: وش اسوي انا احد قايل لك اني ام عباس
نجد: سامج بتساعدني طبعاً اخوي على الفاضي
راكان: صاحيه انتِ هي بعد اختي
نجد: مافي الا طريقه وحده هي غلط ادري بس مافيه غيره وش اسوي
راكان: الله يصبرني وش قولي
نجد: نقفل عليهم
راكان: وين!؟
نجد: في جيبي غبي انت اي مكان ولا انه نحاول نجمعهم بس من بعيد وش رايك
راكان: الثانيه الاول مرههه ماتنفع اختي ماراح اخليها مع غريب
نجد: لاا ياشيخ على الاساس تركي ولا خالد بيسمحون لك تشوف اختهم !!!!
راكان: هم ما يدرون بس انا ادري
نجد: على شحم راكان عشان لا أدفنك بنسوي الثانيه الاول ماتنفع صح
______________________________
اليوم الثاني الصباح
في المطبخ البنات جالسين يأكلون دخلت ام خالد
ام خالد: يا بنات ترا اليوم بيجون خطاب لى رهف
رهف: انا!! من؟
نجد وهي تبتسم: معليك مزيون
ام خالد: وش عرفس انتِ
نجد: عيب عليك امي تسون شي وانا مدري مستحيل!
ام خالد: اجل يا ام مستحيل قومي نظفي المشب يلا
نجد: بيخطبوني ولا يخطبونها وش دخلني حلوه ذي
ام خالد: تخلصين الاكل بعده على المشب يلاا انتِ و اريام
أريام: لا دقيقه وش دخلني
ام خالد وهي رايحه: انا علامتكم
اريام: كله منك
نجد: اريام ترا بكب عفشك خليك ساكته ابرك
اريام: اقول انا بروح المشب اللحقيني
دخلت اريام المشب وبدت تنظف وجاء خالد عنده
خالد: رورييي حبييي
اريام: وش تبي اخلص
خالد: بس بين ها
اريام: قول قول بس
خالد: ابيك .. تنادينا ريم
اريام: كيف أناديها مشغوله و تتغطى منك بعدين مافيه لا
خالد: رورييي تكفيننن
اريام: لا لا لا
خالد: واجيب لك كندر😉😉
اريام: بس مقدر ابيع البنت عشان كندر
خالد: صاحيه انتِ ماني مسوي فيه شي بس بهرجها
اريام: بس تكلمه تسمع
خالد: تماممم
عند البنات
اريام: ريوم تعالي دقيقه
ريم: ليش!
اريام:تعالي
قامت ريم وراحت عند اريام و وصلوا المشب
اريام: يوههه شفتي نسيت البخاخ ادخلي وانا بجي الحين
ريم: قولي وش تبين بعدين روحي
اريام: اصبري دقيقتين ماراح تموتين
راحت اريام وطلع خالد من ورا الباب جت تنحاش ريم و مسكها مع يده
خالد: اصبري بكلمك
ريم: اتفقت انت واختك علي
خالد: لا ماتدري عني اني فيه بس اسمعي
ريم: وش تبي
خالد: ليش حاقده علي انتِ الحين؟!
ريم: ماني حاقده
خالد: لا ياشيخه كاني معرفك انا
ريم: لا ماتعرفني بعدين وش تبي رح كلم حبيبتك انت وش تبي فيني
خالد: جالس أكلمه أساسا
ريم وجه راح احمرر وستحت مره
ريم: فك يدي بروح
خالد: ماني فاك قوولي ليش حاقده
ريم: ماني حاقده فكك يدي جالس توجعني ترا
خالد: خلاص بفك بس قولي
ريم ضربت خالد على بطنه وفك يدها وطاح على ركبته
ريم: اح خالد تعورت قلت لك فكني مافكيت
خالد وهو مسوي يتعور: وش يدرني انك بتسوين كذا اخخ
ريم : افف منك بتذبحني الحين بتجييي اريام
ريم كان وجه قريب من خالد و خالد يتأمل بصمت
خالد: انتِ صدق جميله كذا
ريم: خالد مو وقتك قم يلاا
خالد: مقدر بطني يعورني
ريم: خلاص انتظر تجي أختك تساعدك بروح انا
خالد باس ريم مع خده بسرعه وقام يركض
ريم: يععع حيوان استغلني الكلاب
جت اريام
اريام: جيتتت
مسكته ريم مع يدها
اريام: بسم لله وش فيه
ريم: تعمدتي تخليني معه صح
اريام: مع مين!!!
ريم: لاتسوين جنون البقر الحيين
اريام: يابنت انا مدري عن وش تتكلمين بعدين كان في احد فيه هنا!؟
ريم: لا ماكان في احد خلاص وش تبين
اريام: فجعتني مدري وش كنت بقول
راحت ريم وجلست مع البنات ينظفون
بعد التنظيف
رهف: غنج وش المكياج ذا بطلع قدامه كذا انا
غنج: غبيه انتِ اكيد بتطلعين كذا خطبه و شوفه شرعيه ترا
رهف: ياخي احس الفستان مرهه اوفرر
نجد: لاا معليككك قمررر
اريام: بناتت الفستان مو كانّه ماسك شوي من عند الخصر
نجد: طيب عادي خصرك حلو انتِ بعدين حرام تغيرين الفستان عشان بس ماسك مع الخصرر
اريام: بس الاحمر لايقق عليكك مرههه
نجد: صدققق؟
رايام في أذنه: اذا انا تخرفنت شلون فهودك
نجد: ضربت اريام مايضحك بعدين ماراح يشوفني ترا تركي الى بيخطب مو فهد ركزيي
اريام: عاديي المهم انهه يجنننن
جتت انجود: بنات كيف الفستان
رهف: نجودي يجنننن الفستان عليكككك
نجد: انتبهي لا يجونك خطاب
أنجود: هاها مايضحك بعدين مابي اتزوج انا
غنج: قالوها قبلكك كثيرر وهذي وحده منهم الا اقول لكم وين ريم
انجود: اخر شي كانت تقول ادور لي فستان
اريام: انا بروح اشوف وينه دقيقه
دخلت اريام وشافت ريم لابسه فستان اسود فاتح من فوق الركبه وماسك و مفتوح شوي مع الظهر
اريام: ريمم تجنيننن
ريم: ياخي مالقيت الا ذا الباقي كله مفتوحه مع الظهر كله وتعرفين حريم الديره
اريام: لااا معليكك يجننن وشعركك مرههه حلووو تعالي البنات يدورونك
ريم: يلا مشينا
جلسوا البنات كلهم حول رهف
نجد: السنه الى راحت كانتي تقولين ماراح اتزوج والحين انتِ اول وحده فينا تنخطبين
رهف: بنات ترا ذا ماعجبني برفض
نجد وهي تضحك: معليك بيعجبك بيعجبك
رهف: وش دراك
نجد: تشوفين شوي
دخلت ام رهف عليهم
ام رهف: بسم لله عليك وانا امك تجننينن الله يحفظك من العين يلا ننزل
رهف: جاء؟!
ام رهف: ايي من زمان بس انا قلت لاهم لا يعلمون عشان لا تتوترين يلا انزلي
نزلوا البنات كلهم مع ام رهف و رهف
نجد: بنات يلا امشو نروح المجلس المقابل له
البنات: يلا
راحوا المجلس وجلسوا يطالعون
انجود: بناتت ريقي نشف بروح اشرب مويه
نجد: تمام
دخلت انجود المطبخ واخذت كاس فيه مويه وجلست تشرب و معطيها ظهره الباب دخل محمد وجلس يطالع في انجود وهو مصدوم لفت انجود تبي تطلع وشافت محمد
انجود: خيررر ان شاءالله تطلع فيني اطلع براا قليل ادب ترضى احد يسوي كذا في خواتك وجععع
محمد طلع بدون لا يقول ولا كلمه وهو مصدوم من جمال انجود
دخل محمد وجلس عند راكان
راكان: عسى ماشر وش فيك
محمد: ياولد صاروخ
راكان: منهيي!؟؟
محمد: اقصد صاروخ صاروخ شورما
راكان: ايي والله وقته قم نشتري لنا
محمد: تم بعد الشوفه
عند رهف و امه
رهف بتوتر: امي خلاص ما ابي بطلع فوق
ام رهف: ماهي لعبه سرعه الرجال ينتظر داخل
رهف: طيب من ذا الرجال لكم ساعه الرجال الرجال وش اسمه
ام رهف: ادخلي وشوفي من هو
رهف وهي ترجف دخلت وشافت اخوانها و شافت راكان اول شي
رهف: راكان مابي خلاص
راكان وهو يضحك: انتِ ماشفتيه حتى روحي سرعه اجلسي جنبه
رهف: مابي خلاص
طلعوا اخوانه و جدها
رفعت رأسها تشوف من هو الا وتشوف تركي قدامه
تركي: ارحبي رهف
رهف: تركي
رهف لا إرادي ضمتها
رهف: افف اشو انه انت مو غريب بغيب اموات من التوتر
تركي وهو يضحك : رهف ماكنك تحمستي شوي
رهف: اي صح معليش
بعدت عنه رهف
رهف: وش اسوي متوتره
تركي: الصدق يا رهف من يوم شفتك ذاك اليوم وانا ابيك وقلت لى ابوي اني أبيك وشاريك ولا ابي شي بل حرام
رهف هزت رأسها بايجاب انه ايه
تركي ضحك عليه: وش ماعندك شي تقولينه لي!
رهف: الصدق انا كنت احبك يوم كان صغار بعده كبرنا وكلنا رحنا في طريق ونسيت شكلك بس طلع الصدق ان حب الطفوله مايروح
تركي: رهف انسى العرب كلهم ولا انسك شكلكك
دخل راكان و فهد
راكان: ماشاءالله جالسه جنبه بزياده ابعدي بجالس
فهد: وين تجالس صاحي انت اهجد
راكان: كيفي ابعد انت عن اختي ابعد
تركي: أختك خطيبتي ترا
راكان وهو يضم رهف: لا باقي ما وافقت ابعد
فهد: ولد مانت بزر ابعد عنه
رهف:خلها وش غرت منه
فهد: ايي غرت
رهف : تعال ياغيور تعال
راكان وهو يطالع في تركي :يلا خلاص خلص وقتك اطلع
تركي: لا ياشيخ
راكان: ايه يلا يلا
قام تركي وهو يضحك
رهف: خلاص حتى انتو خلاص وقتكم قوموا يلا جوعانه باكل
فهد: وصخه عشان اكل سحبت علينا
راكان: عقبال ماتتزوج أنت وتفكني
فهد: ماني رايح باجلس على كبدك
________________________________
وخلص البارت هوا احتمال انزل واحد ثاني اليوم تعالوا إنستا وارسلوا تشبيه على إنستا انتظركم ❤️🔥❤️🔥❤️🔥❤️🔥❤️🔥❤️🔥❤️🔥
