البارت 17
طبعاً العيال زي كل مره يلعبون دبكه وكان معلم الدبكه عندهم خالد بس يمشي و يدبك
فهد:خالد يلا قمم دبكه
خالد:والله مافيني ادبكوا انتو مابي
جاء فهد وجلس جنب خالد و قال:اذا سالفة بنت خلها على جنب اليوم خطبة خالنا عيب قم
خالد:تم قم يلا
والعيال بدوا يدبكون
عند البنات
نجد كانت بتروح و امسكتها الجواهر وقالت لها:نجد انتِ وش فيك لك فتره متغيره
نجد:مافيني شي بس تعبانه بروح انام
الجواهر:على الاقل تعشي معنا بعدين نامي
نجد:مالي نفس والله بالعافيه عليكم
نزلت نجد و البنات تضيقوا لان ماحد تعود على نجد كذا
غنج:انا بروح اكلم خالي و اجي
نزلت غنج و ارسلت لى خالها سعود يجي
سعود:غنو وش فيك؟!
غنج:خالي نجد له فتره ماهي نفس اول متغيره مره هدوها صار يخوف حتى قبل يومين جاء خالي خالد وجلس يهاوشها و يصارخ في وجهها وهي ولا حركه حتى ولا كلمه اول ماخلص خالي كلام راحت ولا كان فيه شي صايره اخاف عليه يجيها شي
سعود:وينها الحين ؟
غنج:راحت الغرفه تقول بنام بس تحسب انه مشت علينا
سعود:انا بروح اشوفها
طلع سعود و دق باب الغرفه ودخل على نجد و شافها لابسها سماعه و حاطه يدها على وجهها ولا انتبهت لى سعود قرب منه سعود ودقها على يدها وهي فكت السماعه
نجد:عمي متى جيت
سعود:تو جيت بس وش فيك ياحبيبة عمها فتره ذي زعلانه البنات قالوا لي
نجد:مافيني شي بس... ولا شي
سعود:عادي وانا عمك قولي بس وش
نجد:بس تعبت مافيني حيل أجادل ولا أناقش تعبت ولا عاد لي خلق لى شي لا اكثر
سعود:طيب لو شافك سلمان الحين ترا بيزعل جالسه في الغرفه ولا تحتفلين مع البنات في يوم خطبته
نجد:عمي بنام ممكن
سعود: لا مو ممكن قومي قومي يلاا
نجد:عمي مابي والله مالي خلق
سعود:كل هذا الكشخه وتبين تنامين بعد قومي يلا بعدين حنا باقي بنسولف و نضحك قومي يلا
نجد:قلتها عمي حنا يعني انتو يا العيال حنا وش دخلنا
سعود:قومي يلا بس
قامت نجد و كانت بتنزل حافيه
سعود:وين رايحه بدون كعب تعالي اللبسي
رجعت نجد ولبست نجد الكعب
____________________________
عند العيال
خالد: دقيقه اخوان العروس ما رقصوا معليش يبيلهم شوط يلااا
صقر:وش الي شوط طباين عندك ابعد عني
خالد وهو يسحب صقر:اقول امش خطبة اختك
______________________________
عند البنات
ريم كانت تو قايمه و لقتهم مجتمعين في سطحها وقالت: وش عندكم في سطحي
ريناد:بنات الي يسحبهم خالد من؟! ماشوف
ريم:وش تشوفون انتو
اريام:صباح بيروت اليوم خطبة خالي سلمان روحي اللبسي و تكشخي امي تقول في رقص وحريم بيجون
ريم:وليه انا اخر من يعلم
الجواهره:لانك كنتي نايمه يامي
ريم:قبل لا انزل باخذ نظرها
وشافت ريم خالد وهو يسحب احمد و صقر بالغصب عشان يرقصون
ريم:هو ليه يسحب صقر واحمد بذات مافهمت؟!
رهف:غبيه انتِ ماخذ اختهم
ريم:اختهم مين!!!!!
انجود:اختهم نوره قولي لى البنت مبروك انتِ و الشاهي حقك
ريم:انجود لاتغلطين على الشاهي تحسبون العالم كلهم نفسكم يحبون القهوه السودا
رهف:ريم كم مره اعلمك اسمهV60. مو سودا
ريم:الي هي بروح أتجهز
نزلت ريم وكل عاده اخذت من فساتين رهف كان الفستان ابيض قصير وعلقي وكان يناسب جسم ريم مرهه ولبست معه كعب
وردي حلو و ماسوت في شعرها شي لان طبيعته نعام و في لفه كان ويفي يعني وحطت مكياج خفيف ونزلت عند امها تدور عطرها
وامها كانت جالسه مع الحريم في الجالسه الي برا وعشان تروح لازم تتعد باب المطبخ الي قريب من قسم العيال طلعت عند امه تركض عشان ماحد يشوفها
ريم:اميي
ام رهف:وش فيك تصارخين بعدين ليه طالعها بدون حجاب لو شافك واحد
ريم:امي من بيشوفني يعني بس اسمعي عطري الي اخذتيها وينه
ام رهف: في غرفتي في الشنطه بس قبل لا تروحين روحي جيبي الولاعه من المستودع
ريم:امي لابسه ابيض بيروح كلها غبار
ام رهف:ايه و جيبي معه الولعه حقت النار
ريم:طيب بروح
راحت ريم تدور الولاعه و الولعه
وكان خالد يدخان عند المستودع عشان ماحد يشوفها طبعاً
ريم شمت ريحة الدخن بس ما اعطت اهميه كبيره وجلست تدور
وخالد سمع صوت في المستودع و دخل المستودع وشاف وحده لابسه
فستان قصير وشعرها مفتوح و تتحلطم
خالد وهو يضحك: لي الحين تتحلطمِ
لفت ريم بسرعه و خوف وشافت خالد وقالت:خالد! انت الي تدخن صح
خالد:مايفوتك شي
ريم:شكلك ناسى ان عندي قوة ملاحظها
خالد:لا مانسيت لا تخافين وش تدورين هنا
ريم:وش دخلك بعدين اطلع قبل لا يجي احد صدقني جالسه استحملك بصعوبه
خالد: بطلع لا تخافين
طلع خالد و شاف ام ريم جايه وهو يرجّع بسرعه المستودع
خالد:ريم امك جايها هنااااا
ريم:الله ياخذك يحمارر وش نسوي الحين
خالد سحب ريم و انخشوا ورا رفوف الحديد
دخلت ام ريم وقالت:انحاشت هي و فستانه الابيض الي ازعجتنا فيه
خالد بهمس:امحق فستان
ام ريم اسمعت همس وقالت:ريم؟ هاذي انتِ؟
ماجاء رد وكانت جايها عندهم الا فجاه......
