البارت 15
الا فجاه تشوف احمد كانت تبي ترجع بس احمد شافها وكان قريب وجاء عندها
احمد وهو يبتسم :ريناد وش تسوين
ريناد بتوتر:جايه عند اخوي حرام
احمد:أعصابك لايطق فيك عرق
ريناد:خلاص طيب يلا ابعد بروح عند اخوي
احمد:اخوي و اخوي اخوك من
ريناد:سلمان
احمد:ايه وش تبين فيه
ريناد:بتناقش معه في موضوع بعدين وش دخلك وليش جالسه ابرر لك انا ابعد
راحت ريناد الدكه وشافت سعود جالس و جلست جنبه
ريناد:ايه تقولي تبي تخطبها
سلمان:ريناد جايبك عون مو فرعون تذكري
ريناد:خلاص امزح بس خذها نصيحه اذا ماتبي الزواج لا تروح لان اذا دخلت الطريق ذا مافي رجعه
سلمان:بس ياخي مدري ابوها طلع رجال يفقع الكبد وقدامنا بناتي و بناتي وهو كذاب
ريناد:ياحظك يا سلمان
سلمان:ياحظي في ايش
ريناد:يقول ياحظيي في ايش البنت مأخذها ماجستير وفوق هذا جمال ويقول على ايش
سلمان:لهذي درجه جميله!
ريناد: اجمل من مما تتوقع
سلمان:يابنت الحلال راسي صدع ماعاد ادري وش اسوي
ريناد:اسمع وانا اختك فكر زين وترا البنت ماقالت اكيد خلني بكره اشوف وش تقول ولا تستعجل
سلمان:اسمعي جو الحريم من العزيمه
ريناد:لا جاين في الطريق
راحت ريناد غرفته وهي شايله هم سلمان و نوره
و وصلوا الحريم نزلت نجد وهي كانت كاشفه والبنات بعد لان البيت كان شبه فاضي
نجد:بنات حرفيا تعبت من الرقص
غنج:لو ان جالسين ازين والله
نجد:اي والله
انجود: بنات غاده نامت وش يقومها الحين
ثامر:ابك اعجلنا خلنا السوالف عنكم الريجيل بيجون
نجد:عمو أعصابك
نزلوا البنات و نسو موضوع غاده راح ثامر يوقف السياره وهو نازل شاف غاده
ثامر:ابك ذي منهي
راح ثامر يركض لى الباب الثاني و فتح الباب وتطيح غاده على يده
ثامر ببتسامه :ذي هي نفسها... بلا كلام فاضي ثامر
ركبها ثامر السياره وقفل الباب ودق على نجد
ثامر:سيده نجد
نجد:لبيه عمو
ثامر:ابك البنت ليه مانزلت معكم
نجد:مين البنت
ثامر:هي غاده
نحد:ابك ذي ماقامت والله عمو هذي لو نموت لو يصير زلزال ماقامت بس دق على اخوها يجي يشيلها يطلعها الغرفه
ثامر:خلاص يلا توكلي
دق ثامر على صقر
ثامر: صقران
صقر:هلا
ثامر:تعال شيل اختك
صقر:وش الي شيل اختك علامه
ثامر: ارقدت في السياره ودقيت على نجد تقول خل اخوها يشيلها تعال
صقر:يويلي من غاده بتكسر ظهري كل مره نفس الحاله
ثامر:ليتك تفلح في الفعل كثر ما انك فالح في الهرج امش
جاء صقر
صقر: ماودك تلف انت البنت كاشفه
ثامر:يليل يلاا
شالها صقر وراح البيت و شاف غزيل
صقر:غزيل ذي وين تنام
غزيل:الحين عشان تعرف باقي ما رحنا البيت الجديد حق خالتي يعني تنام مع غنج ف يعني تنام عند غنج
صقر:ياكثر هرجك كيف اوديها والبنت في الغرفه
غزيل:تعال معي بقول له تتغطى
دخلت غزيل وقالت لى غنج و غنج دخلت في الدولاب راحت غزيل
غزيل:خلاص ادخل
دخل وحط اخته على السرير وطلع طلعت غنج وكانت تفك عباية غاده و جزمتها
غاده:غنج
غنج:هلا
غاده:يابنت الغرفه بارده مره ليش
غنج:غاده بس الغرفه دافيه ليكون ارتفعت حرارتك
راحت غنج تجيب مقياس درجة الحراره وهي نازله مع الدرج شافت صقر واقف يكلم و معطيها وجه جت غنج تبي ترجع بسرعه و التوت رجلها وطاحت
صقر وهو ماسك غنج :يعني معتوه و ماتشوفين الله يعيني عليك
غنج:صقر.... ماعمره احد قلك انك بجيح
صقر:لا لان البجاحه تطلع عندك بس لا تخافين
غنج:خلاص فك اقدر امشي من نفسي
فكها صقر وكانت تمشي بصعوبه لان إصابة رجلها كانت قويه
صقر:خليني أساعدك ماراح تقدرين تنزلين الوحدك..بعدين غرفتك فوق ليش نازله
غنج:بجيب لى غدو مقياس الحراره
صقر: امحق غدو اسمه غاده بعدين ليش حرارته مرتفعه
غنج:انت كيف اتخرجت عجزت افهم يعني اذا مو مرتفعه وش ابي فيه
صقر: اذا قالت انه بردانه ترا طبيعي غاده تبرد بدون سبب يعني لو ترجعين تطلعين احسن لك
غنج:خلاص ابعد طيب بطلع
صقر:الي يسمعك يقول كبر الباب
غنج: وانت كذا
صقر:هذي عضلات مو شحوم ياغبيه
غنج:قليل ادب ابعد
غنج كانت تتسحب عشان تطلع وجاء صقر مسكها عشان يسعدها
غنج:شكرا ما احتاج تكفي حقت الدرج
صقر:يليل من عنادك اسكتي واطلعي
غنج وقفت:صقر يابوي ترا اعرف اطلع الوحدي ابعد خلاص نشبه صدق
صقر:ها يلا سوي الي تسوينه
نزل صقر وكانت غنج تتألم وصقر جاء تأنيب ضمير وراح شالها
غنج:صقر الله لا يعطي عدوك عافيه نزلني لا تجي اميييي
صقر:انتِ ماتفهمين الا كذا
دخلها الغرفه وكانت غاده صاحيه
غاده:ماشاء الله متى صرتوا عصافير حب
صقر:غاده بلا كلام فاضي التوت رجلها وطلعتها لا اكثر بعدين انتِ مو كنتِ نايمه
غاده:كنت فعل ماضي
طلع صقر من الغرفه
غاده:ايي قولي وش صار
شافت غنج تبكي
غاده:غنج !!!! ليه تبكين
غنج:رجلي توجععع
غاده:طيب نروح المستشفى
غنج:صاحيه انتِ مستشفى الساعه 1
غاده:ايه عادي قومي
غنج:مستحيل احط كريم ويروح الألم
غاده:وينه طيب
حطت غنج الكريم و نامت وهي ألألم يلعب فيه لعب
______________________
