البارت الخامس
الى فجاه شافوا خالد مسك سلمان خالد
سلمان: والله يا نقال العلوم يطلع علم لا اتوطى في بطنك تسمع
خالد: ياخي عيب عليكم من كذب عليكم قال اني انقل علوم؟!
سلمان: انا علمتك وترا مو بس عندك علوم لنا حتى حنا ها خلك عاقل ازين لك
خالد: ايي علوم!!؟
سلمان: انت تعرف اي علوم
_______________________________
عند الحريم
ام انجود: وش رايكم نخلي العشاء في الجالسه الى برا والجو زين بعد
انقزت ريم من مكانه
ريم: معلليش والله ذي جلستنا مانقدر نعطيكم إياها
ام خالد: معليس ماحد ماخذه الجو بيرد على حصه ماتقدر وانا امك تعرفينها
ام انجود: الى يريحك يا امي
ريم بهمس: انجود انجود
انجود: وش!؟
ريم: وش رايك نطلع الساعه 11 لى الجالسه😉😉
انجود : تمم قومي نروح لى البنات
قاموا البنات
ام خالد: على وين
ريم: ن خليكم مع سوالفكم الى جميلههه جدا
ام خالد: الا ياقليلة الادب امشيي
ريم: اف وش قلت
راحوا يركضون وصلوا عند البنات
انجود: بناتتتتتت
نجد: ابكك علامك
ريم: قررنا نطلع لى الجلسه الساعه 11 مانقبل اييي اعتراض بروح نجهز الجلسه انقزي نجد معي
نجد: تعرفين ما اقول لا تمم
راحو يعدلون الجلسه
نجد: ريم
ريم: لبيهه ياعيون ريم
نجد: تسلم عيونك بس آسمعي بسألك بس قولي بكل صدق مافي غيرنا تمام
ريم: ؤش خوفتيني
نجد: ريم... انتِ تحبين خالد؟
ريم: ااا شسمه من وين تجيبين الكلام ذا طبعا لا
نجد: ريم لاتكذبين علي قولي عادي ترا
ريم: ياخي مدري مدريي
نجد: كيف ماتدرين الواحد مايعرف اذا يحب احد ولا لا
ريم: مع الاسف انا
نجد: روحي قولي لى البنات نجد راحت الإسطبل الى بتجي تاخذ له شرشف
ريم:طيب
ريم راحت قالت له وقامت ريناد وراحت له معه شرشف و نجد وصلت عند الإسطبل
نجد شافه الغيد وجاء يركض له
نجد: ارحبييي بي الغيد كله ارحبيي
راحت نجد لبست لبس الخيل و ركبت فوقه وجلست تعلب عليه وشعرها كان مفتوح و طويلل بني
و فهد يطالع فيه من بعيدد يوم شاف ريناد جت انحاش
ريناد: النونييي
نجد: لبىى النوني هلا
ريناد: تعالي خلاص الهواء لا يوجعك الحين
نجد: ابشري
نزلت نجد من الغيد و دخلته الإسطبل داخل
و لمحت ان في احد تحسبه حرامي و تسحبتت نجد لي وصلت و حاولت تضربه ب العصا الى معه
ويمسكه فهد انفجعت نجد
نجد: فهددد
فهد: صاحيه انتِ تبين تذبحيني
نجد: وش دراني انه انت ماغيرك
نجدّ أستوعبت قرب المسافه الى بينهم
نجد: خلاص فك ماني مسويه شي
فهد: واذا مافكيت وش بيصير
نجد: ياليل الطفل ياحبيبي فك اعجل علي
فهد: اسمعي الكلمه والله طلعت بالغلط ولا انا من حدي اتكلم فيك؟!! لا طبعا مو حدي بعدين انتِ تو وش قلتي
نجد: ماقلت شي فكني بروح قبل لا ريناد تجي وتفهم غلط
فهد: ماني فكك لي تقولين انك مسامحتني
نجد: خلاص طيب سامحتك بس فك
فهد: من قلب ولا عشان بس افكك
نجد: خلاص والله من قلب سامحتك ابعد
راحت نجد وهي تركض وتنادي ريناد تتاكد هي فيه ولا راحت
ريناد: لبيه وين رحتي
نجد: تعرفين الغيد ماخلتني اطلع يلا مشينا الجلسه
ريناد: اي صدق ترا البنات دقوا علي و قالوا انهم في الجلسه بس ماحد يعرف يشغل النار
نجد: والله من الرفاله الى فيهم الحين اشغلها معليك
وصلوا ريناد و نجد
نجد: ولا وحده فيكم كلفت على نفسها وشغلت النار
ريم: يقلون الخيل من خياله و النار من شببه
نجد: ترا مره يعع المقوله لاعاد تقولينه
ريم ماعاد اقوله خلاص بس ولعي النار وتعالي بكلمك
نجد: يلا
ونجد تشغل نار شافه عمه سعود
سعود: حيي عين بنتي شفتوا عشان كذا احب النوني اكثر منكم
ريم: يعني الحين جبت شي جديد يا خال
سعود: ايه ليه بنسبه لكم مو شي جديد؟!
البنات هزوا روسهم بمعنى لا
نجد: معليكم منهم يا عم ذولي يالله يطبخون تبيهم يشغلون نار
سعود : تعالي وانا عمك جنبي البرد لا يذبحك
جلسة نجد ودخله خاله الفروه عشان البرد وطب عليهم راكان و عزام و ثامر و سلمان
راكان: افف يا العشيره تسوين جلسه ولا تندين اخوك الصغير
ريم: امش بس اجلس امش
جلس راكان جنب ريم
راكان: وش عندك جديد سيده ريم
ريم: ابشرك
راكان: وش عاد انتِ تروعين لا قلتي كذا
ريم: وجع احمد ربك بعد اني مهتم لى موضوعك
راكان: ايه يلا قولي وش عندك ابهريني
ريم: لقيت لكك عروسهه
راكان: ليتك راقده بعدين توي صغير وش ابي في الزواج انا
ريم: وش صغير دخلت ثاني ثانوي
راكان: توي في سن الزهور يا اخته
ريم: ايي زهور وانا قفطتك امس تد..
يضربه راكان على راسه
راكان: ريم على شحم وانا اخوك
سلمان: قفطتي وهو ايش!؟
ريم: ابد كان يشرب اا ردبل
سلمان: بس وانا عبالي شي مهم
راكان بهمس: ريم لاتخليني انثر العفش اسكتي
ريم رفعت صوته: اييي عفشش
راكان: الله يفضحك .. اقصد عفشك مانزلتيه
ريم: ايهه تنزله انت عادي
______________________________
عند فهد الى كان شوي و يذوب من الجمال الى شافه
فهد: ابك الى شفته صدق ولا كذب وهئ سامحتني صدق ولا عشان بس افك يده وتروح
تركي: لامعليك سامحتك
فزز فهد من مكانه
فهد: وش تسوي هنا انت بعدين تتسمع لى كلامي ليه
تركي: ترا شفتكم بعدين الواحد مايصير دفش اكلت البنت بعيونك وش ذا
فهد: ياولد والله ياهي مزيونه
تركي: صباح بيروت ترا حتى يوم كنت صغير كنت تجي هينا وتتكلم عنه ياخي فهد دامك تحبه من يوم انه صغيره لى تعيرها
فهد: ياولد مدرييي كنت مغبون اول مره اطيح على وجهي سويت ذا كله عشان أكرهه ولا قدّرت ياتركي
تركي: اسمع الحين كلكم تخرجتوا ودخلتوا الجامعه راح أخطبها من ابوها
فهد: صاحي انت وشلون اخطب وحده ماتحبني
تركي: ياغبي دامها سامحتك يعني طاحت على وجهها وبكره تشوف
فهد: كيف بكره اشوف!؟
تركي: اسمع البنات دايما كل عزيمه يطّلعون السطح وانت تعرف جدي مو بس عازم رجال خالتي حصه عازم رياجيل انت بكره قم وارقص الدحه عاد الكل يدري انك اطلق واحد فينا يرقص دحه انت وانا بسحب كلام من البنات ونشوف حبتك ولا بس تسلك
فهد: امش يا كئيب البيت والله وطلعت تعرف كل شي
جلسوا يضحكون
__________________________
عند البنات
راكان لاحظ ان نجد ماهي معهم وتهوجس وتضحك واجدد
ولا احد لاحظ كلهم يضحكون ويهرجون
راكان: نجد تعالي روح عند الغيد ماشفته اليوم
نجد: تو جيت من عنده
راكان: ياخي تكفين قومي عشان هي تعرفك ان رحت أنا استنكرت من انا و بروح فيه
نجد: خلاص باجي
ريم: دقيقه دقيقه وانا باجي
راحوا كلهم عند الغيد
ريم: راكان راح طلع انتظر عند الغيد سرعه
راكان: ما ابي
ريم: راكان راح ولا مهو حصل طيب
راكان: خلاصص وجعه بروح افف
نجد: لحظتي وش قال
ريم: لا!؟
نجد: قال وجعه زي خالد
ريم: خليك من خالد الحين يوم جيتي الجلسه يدك كانت حمراء ليش
نجد: ولا شي بس عصبت من الغيد كانت مو راضيه تخليني اطلع
ريم: نجد لاتكذبين علي قوليي
نجد: طيببب بقول انا لمحت احد داخل الإسطبل واخذت عصا عشان اضربه على راسه يوم قربت بضرب صدها فهد وكان مو راضي يفكني وجلس يبرر الكلمه الى قاله وقال ماراح افكك لى تسامحيني وانا سامحته
ريم: امانههه يعني الحين نقدر نقول ان انتِ و فهد يمديك تحبووون بعض
جلست تنقزز ريم وتضم نجد
نجد: هادىء من قال اني بحبه سامحته عشان يفك يدي
ريم: ايه معليكك صدقت امشي بس نروح عن الغيد
______________________________
تأخرت عليكم اليوم🫣🫣🫣🫣 بس كان لازم ارتاح شوي واخذ وقتي في التفكير ❤️🔥❤️🔥❤️🔥❤️🔥
