البارت الثاني عشر
وصلوا البيت
نجد: يليل ذا ماراح
فهد: نجد من الحين اقول لك الدكتور قال اليومين ذي غلط تعصب و ممنوع تطلعي برا في البرد يعني اذا قال شي اسحبي و امشي تسمعين
نجد: طيب طيب
فهد: دقيقه اجي امسك لا تطيحين اصبري
نزل فهد واخذ نجد وقفل على السياره
ابو نجد: هذا كله مستشفى
نجد: وش عليك انت ها؟
فهد سحب نجد ووصلوا عند الباب
فهد: زي ماقلت حركات انك تعصبين مافي ولا اشوفك جالسه في البرد
نجد: يلا اجل روح انا بجلس هنا الجو حلو
فهد: نجد بلا استهبال قلت لك لا يلا ولا تدرين امشي ادخلك بنفسي
نجد: اففف
دخل فهد البيت و شاف خالاته و جدّدته مجتمعين
فهد: يلا اطلعي الغرفه يويلك تطلعين منه
نجد: ايهه ايهه معليك
طلع فهد ونجد راحت اجلست الصاله وسمع صوته ورجع
فهد: نجد اظن اني قلت الغرفه مو الصاله
نجد : ياخي مابي طفشش
فهد : يعني عناد الموضوع ريم قومي طلعيها الغرفه قدامي يلا
نجد: ياخي وش تبي انت بجلس كيفييي
فهد: نجدد😠
نجد: اففف
قامت نجد وطلعت الغرفه وهي زعلانه
جت ريناد عند نجد
ريناد: افا من مزعل النوني
نجد: ولد اختك المعتوه
ريناد: فهد ؟!
نجد: ايوه حيوان قال ايش ممنوع اطلع من الغرفه عشان البرد هو كلها دوخه وكبر الموضوع
ريناد: خلاص عادي ولا تزعلين بروح اسوي لك اكل
نجد: ايي تكفين جوعانه
نزلت ريناد المطبخ وبدت تسوي اكل لى نجد وهي تهواجس ودخل احمد وكان يحسب ريناد هي الجوهره لان بينهم شبه كبير وحضنه من ورا
احمد: ارحبييي جوهرتي ماشفتك لي يومين
ريناد انصدمت ولفت بسرعه عليه تتاكد اذا هو احمد ماغيره ولا لا و اول ماشافه احمد بعد عنه
احمد: ابك انتِ مو الجوهره!!!!
ريناد: لا يشيخ مسوي مجنون ولا كانك تعرفني
احمد: يبنت وش يعرفني تشبهين الجوهره وش ذنبي انا
صاروا يطالعون بعض ابو دقيقه دقيقتين ودخلت عليهم غنج
غنج وهي تطلع في الجوال: ريناد تخ..... اتوقع اني جيت في وقت غلط
ريناد: بالعكس الوقت الصحيح
راحت ريناد تركض لى غنج
ريناد بهمس: امشييي بسرعهه
غنج: وش فيك بعدين ليه قريب منك مره ذا
ريناد: مدري امشي
راحو عند نجد
نجد: هييي وينن اكلي جوعانه اناااااااا
ريناد: اوففف انا نسيتك
نجد: دقيقه وش الشي الي خلك تنسين
غنج: كانت مع احمد
نجد: امانههه ولا تقولون ليي عيبب والله
ريناد: لااا غنج فهمت غلط
غنج: لاحبيبتي وش فهمت غلط الرجال شوي ويدخل فيك مو طبيعي كان قريبب مرهه
ريناد: اصبرووااا بقول لكم دقيقه خلوني اسكر الباب و اطفي اللمبه ذي
جلست ريناد
ريناد: ياخي كنت اسوي لك اكل تمام وهو دخل المطبخ وضمني من ورا يحسبني الجوهره لاني اشبه وغنج دخلت وحنا واقفين بسس!
نجد: دقيقه دقيقه يوم ضمك وش قال؟!
ريناد: ارحبيي يا جوهرتي لي يومين ماشفتك
نجد: بسم لله نبدأ تحليل اخر مره شافك احمد قبل يومين
ريناد: دقيقه وش عرفك
غنج: عيب عليك اقدر اخبي عن نجد شي كملي
نجد: نكمل اخر يوم شافك قبل ليلتين تمام جوهرتي مو شرط تنقال لى الجوهره عادي ثالث شي يعني هو مو غبي ويعرف نظام اخته ويعرف انه نايمه يعني كانت مقصوده ياحبيبتي مو بالغلططط
ريناد: يعني الله يعطيني تفكيرك الغريب ذا لا تدخلين في نيته على طول
غنج: هاا بدا الدفع بدا
ريناد: مادافع بس مابي ناخذ ذنبه بعدين قومي غنج بنطلع عند البنات
نجد: وانا معكم صح!؟
ريناد: لا طبعا انتِ اجلسي هنا عن البرد
نجد: يليلل سكري الباب معك
نزلوا البنات تحت وجلست نجد الوحده في الغرفه
البنات شافوا غنج و ريناد جاينا
نوره: ارحبوواا الجالسه بدونكم ولا شي تعالوا
غنج: وضعك حلو اخت زوجك تحبك
ريناد: غنج على شحم
نوره: وش فيكم تتهامسون
ريناد: مافي شي
جلسوا البنات سوالف وحش وضحك وكل شوي يفقدون نجد لان هي الي دائما تعطي الجالسه حقه و تضحك و تسالف
بعد ساعتين الساعه 1 الليل
جاء فهد يسأل ويشوف اذا نجد معهم ولا لا
وجاء معه سعود، ثامر،سلمان :
سلمان: السلام عليكم نعتذر نحسب بس بناتنا طلعتوا فيه معليش
نوره: لا عادي البيت بيتكم حنا بنقوم
اريام: يعني عادي يقدرون يجلسون اذا تغطيتوا صح؟
نوره: مدري
صقر: ايي تقدرون دامني موجود
نوره فزت تسلم على خوه يوم سمعت صوته
جلسوا العيال في الجهه الثانيه بعد شوي عن البنات
سعود: حبيبتي وين
ريم: حبيبت قلبك جالسه في الغرفه لانه تعبانه
سعود: ايه زين ماراح تجي
فهد : لا الدكتور قال ممنوع تجلس في البرد يضرها ويجيها هبوط
سعود: يويلي عنه
_________________________
عند نجز الي كانت مقفله جواله من الطفش و تطالع في السقف الا فجاه تجيه رساله شافت نجد الرساله وكان رقم غريب بحثت نجد عن الرقم وعرفت انه فهد وكان كاتب( غريبه مانزلتِ وكسرتِ كلمتي زي دائما) ردت نجد عليه ( اسكت كله بسببك جالسه و طفشانه ولا عندي احد اسالف معه)
فهد(متاكده؟!)
نجد(من وين جبت رقمي؟!)
شاف فهد الرساله ولا رد
________________________
قام فهد من الجالسه
ثامر: فهدان على وين
فهد: بروح البقاله واجي
ريم: جيب لي شوكلاته
فهد: لا
ريم: خالل شوفه
ثامر: ياولد جيبه لا تشهر فينا بكره تقول انه خوالي مايحبوني
فهد: والله النشبه صدق امشي قومي معي
ريم: الله بجي صدق
فهد: تجينا ولا رحت وخليتك
ريم : لاا لاا جيت قامت ريم وراحو البقاله
فهد: ارحببب أبو مقرن كيفك
ابو مقرن: بخير ان شاءالله وش بغيت
فهد: في طراطيع
ابو مقرن: فيه فيه بس ليش طلبتها ياوليدي
فهد: لجل خاطرها
ابو مقرن فهم عليه لان ابو مقرن دائما يتكلم له فهد عن حبه لى نجد وكيف يغليها
ريم: خلصت
فهد: عطني 10 تمام
ابو مقرن : تم بس راح وتعال لان ابي اكلمك في موضوع
فهد: على ذا الخشم
نزل فهد ريم و رجع لى ابو مقرن
فهد: لبيه وش بغيت
ابو مقرن:لبيت حاج من زمان ماتكلمت عنه
فهد: والله ماجت فرصه والان جيت اخذ طراطيع له الدكتور منعها من الطلعه في البرد وتقول طفشانه قلت اشغل له طراطيع اشوف ضحكتها على الاقل
ابو مقرن: بتروح ب طراطيع بس؟!
فهد: يعني هذا الي فكرت فيه
ابو مقرن: لا هو زين بس خذ معه شي
فهد: وش اخذ انت ساعدني
ابو مقرن: ورد ولا شف اخذ له شكولاته انواع و اشكال
فهد: ورد لا طبعا
ابو مقرن: فهد الكبرياء ذي ماهي موصلتك مكان خذه من واحد مجرب
فهد: طيب وش اخذ لون ورد
ابو مقرن: لا مو الحين الحين مافي احد فاتح الحين اخذ طراطيع و شكولاته ورح وبكره تعالي لي
فهد: لبى كبدك يا ابو مقرن يالله في امان الله
طلع فهد وجلس يدور شباك البلكونه حق نجد وحصله وجلس يثبت الطراطيع في الارض
ونجد جالسه تطالع في السقف وتفكره وجته الرساله وفتحت على طول الرساله( إطلعي البلكونه) طلعت نجد و واقفت تنتظر الا وفجاه تشوف الطراطيع الي جالسه تشتغل و فهد إلي يتأمل جماله من بعيد وجمال ضحكتها
فهد اشر له انه تفتح باب المطبخ الخلفي نزلت نجد تركض و افتحت الباب وشافت كيس معلق مليان شوكلاته كل الانواع وداخل في رساله اخذت الكيس وطلعت غرفتها
المكتوب في الورقه ( ها لي الحين طفشانه؟!) وجلست نجد تبتسم وصورت له الورقه وكتبت له (الان لا بس عاد بعد شوي الله وعلم) ارسل فهد ضحكه وكل واحد كمل يومها
________________________
ونزلنا لكم بارت في ناس كثير تقول ليش البارت الي قبل عن فهد ونجد بس لإنهم الأبطال ولازم يكون فيه بارتات خاصه فيهم❤️🔥❤️🔥❤️🔥
