Hoy, Perla! (A Bisaya Diary)

5

Hoy, Perla!

Hoy! Wala jud diay ko namali. Naingnan ko ug himala sa akong mama. Pero unya nana kay di na mao akong gusto irant karung adlawa. Tungod ni sa imo, syempre tanan man sulod ani na notebook para sa imo. Grabe ka, Per. Gipakuratan ko nimo. Wa ko kaexpect na ubanan diay ko nimo magpalit sa materials.

Unya samtang nagbaktas ta sa siyudad, nagtry kog istorya sa imo. Tanawon nato kung di gihapon ka mamansin. Kay kung dili jud tas kita ra duha, buot pasabot ana, di jud ka ganahan sa ako.

Nangutana ko, "Nganung giubanan ko nimo?" Naghulat pako pila ka segundo. Tinuod na nagihap jud ko taman five. Pag-abot sa five aysa paka nitubag.

"Gusto nako makita ang materials mismo. Basin mali imo mapalit," ana ka without looking at me. Sa una, happy ko kay nitubag ka pero taod-taod karealize ko ug kalit sa imo giingon.

Unsa? Basin mali? Grabe man ka, Per. Unsa diay pananaw nimo sa ako way buot kay di kabalo mupalit? Kasayod man ko na mali pirme ang lalaki pero di pod guro ni applicable diri noh.

Mao to wa kapugong akong baba, giingnan taka. "Pirme man sayop sa mga laki pero promise dili ni mahitabo diri."

Unsa imo gitubag? Nikatawa raka! Gikataw-an rako nimo! Langot kaayo ka ba. Kataw-katawa sad ka mura raba ug di makatunaw imong smile. Bungol-bungol ko na pagkatawo pero murag naka-loud speaker ako dunggan ganina sa imo katawa. Ayaw ana, Per. Matunaw ko. Langot pa jud ning init, murag ako ray giigang ug natusta diri nahimong alimuot na barbeque, pero ikaw? Nisiga ug samot imong puti na panit. Klaro kaayo nako imong brown na Iris. Unya with the palid-palid effect pa jud imong hair sa hangin. Grabe namani pag-alisputa sa ako.

Samtang ako murag gipatay sa kainit, sa imo ra jud ko nakatitig. Kaunfair nimo, Perla. Tan-aw sad sa ako.