Hoy, Perla!
Sugod elementary wa jud ta nagsabay ug gawas sa school, pero ganina ay! Natimingan jud. Nagduha-duha pako kay basin mag-assume ka ba gihuwatan taka.
Nagsandig-sandig raman ko sa gate sa among balay, pramis! Wala ko naghulat. Sadyang natimingan lang jud na paggawas nimo naa nako sa mood na muadto na ug school.
Naggood morning ko, naggood morning sad ka omg! Tinood ba ni? Wala ko nagdamgo? Gitubag ko nimo? Ikaw, Per, ha! Basin nakacrush naka sa ako ba. I mean, kinsa jud di makacrush sa ako? Gwapo pa, buotan pa, naay sense of humor. Unsa pa may wala sa ako? Naa na tanan diria! Perfect ko na giluwa sa akong mama!
Dayun to, niabot tag eskwelahan. Diretso dayun nako giabre akong bag para kuhaon ang notebook na ako gisulatan sa assignment. Naa naman koy answer unya confident ko ani pero just to make sure, gusto ko mangutana sa imo kung sakto ba jud kay ikaw may pinaka-bright sa Precal diri.
Ready nako mureach out sa imo pero lintek! Naa may wailhi na nisulod ug kalit sa eksena. Unsay pangalan ani niya? Raol? Baol? Unsa to basta kana siya. Nikalit ug duol sa imo ngutana ngutana dayon sa assignment. Unya ikaw sad na buotan, imo pod giexplainan. Unya ang lalaki na papansin, tango-tango sad dayun. Sus! Pusta wa jud na siyay nasabtan, gasayang-sayang raka sa laway nimo, Per. Kung ako pa na, first word mo pa lang isa na kalibrohan akong masabtan.
Pero kay since patience man ko na pagkatao, wala tamo gitandog duha. Tungod sa ako pagkapatience tua abot na nuon si maam. Wa nako kapangutana. Boysit jud nis Baol.
Pagkarecess sad nieksena na sad siya sa imo. Ataya? Uyab nimo si Perla kay sige kag dutdut? Unya ikaw sad, Per, itulak ng nawong ana sigeg tingsi lami kumuton. Languta jud.
Mas makalangot pa jud kay nahibaw-an nako sa isa nako na classmate na bae na nakacrush sa ako kay nakacrush diay si Baol kay Perla. Bagag nawong! Si Perla pa jud ang gipili na icrush!
Sa ako kasapot wa ko kabantay na nagtanaw naman diay ka sa ako. Wa ko kasabot sa imong mga titig. Wa ko kasabot kung sa ako ra raba ka nagtanaw o pati sa akong kaistorya na bae. Pero, hoy! Ayaw baliha ang istorya! Ingna na si Baol na wa ka kaangay sa iya. Ang bagay ra sa imo kay kanang gwapo, humot, buotan, unya naay sense of humor.
Wala ko nagselos ha? Selos-selos man kibali ko wala man ko kaangay nimo. Sadyang samok lang jud ang nawong ni Baol. Busted mo na yan! Pagdali!
BINABASA MO ANG
Hoy, Perla! (A Bisaya Diary)
Teen FictionThis diary is Alex's point of view. If you'd like to read Perla's, check weakdreamer's account. Classmates na sugod pa sa elementarya hangtod ni Senior High, dili kasabot si Alex nganung dili jud siya pansinon ni Perla. Unsay wala sa iya na naa sa u...
