Part 1
فى احدى شقق مدينه الاسكندريه عروس البحر المتوسط وبغرفه ما بالتحديد كانت تجلس فتاه ف اوائل العشرينات يبدو عليها الحزن الشديد ويوجد اسمرار تحت عينها ويغلب اللون الاصفر على ملامح وجهها وترتدى ملابس سوداءكانت تجلس بغرفتها تسترجع كل ذكرياتها مع والدها تشعر انها بلا روح كانت تحمل صوره له بين يديها تحاول ان تمنع نفسها من البكاء حتى دق الباب
منه وكتمت دموعها : ادخل
(منه بنوته زى القمر محجبه عندها 21 سنه شعرها لونه بنى بشرتها بيضه وعيونها عسلى متوسطه الطول )
انفتح الباب ودخلت منه امراه
منه بابتسامه حزينه : تعالى يا عمتو
كريمه (عمه منه ): ازيك يا منونه عامله ايه دلوقتى يا حبيبتى ؟
منه : الحمدلله يا عمتو
كريمه : يابنتى قومى بقى ماينفعش الى انتى فيه ده يعنى ابوكى و شافك هيبقى مبسوط بمنظرك ده
منه وعيونها بدأت تتجمع الدموع بها واحمرت : مش قادرة يا عمتو مش قادرة اتخيل حياتى من غيره وهو مش فيها (بعيد الشر طبعا ) وحشنى اوى
كريمه وهى حزينه على حالها : ووحشنى انا كمان بس ده قضاء وقدر قومى صلى واقرأى قرأن وادعيله
منه بابتسامه حزينه : حاضر
كريمه : وبعدين يعنى ماانا معاكى اهو
منه بابتسامه وهى تحتضن عمتها : انا بحبك اوى يا عمتو ربنا يخليكى ليا
كريمه : وانا كمان بحبك اووى هو انا عندى حد غيرك احبو
لبنى وهى تدخل من الباب : يا سلام يا ست ماما وانا رحت فين ان شاء الله :/
(لبنى بنت كريمه وقريبه جدا لمنه مش عشان بنت عمتها لا عشان كمان صحبتها الوحيده رغم ان منه عايشه ف اسكندريه ولبنى ف القاهرة بس علطول مع بعض بالتليفونات اول بأول )
كريمه : خضتينى حرام عليكى انتى جيتى امته ؟
لبنى وهى بتقعد ع السرير : من بدررررى
لبنى : كملوا كملوا انتوا كنتوا بتحبوا ف بعض من شويه
منه بضحك وهى بتحدفها بالمخده : يلا يا ساقعه اطلعى بره
لبنى وهى بطلع لسانها وبتضحك : وانتى مالك انتى انا واقفه ف ارض الحكومه
منه بضحك : لا بقى ده بيت ابويا وانا حره فيه اطلعى بره
لبنى : طب مش طالعه بقى ها
كريمه بضحك على منظرهم : بس بس انتى وهى انا الى طالعه
وقبل ما تخرج من الباب التفت لمنه وقالتلها
كريمه : منه صحيح اعملى حسابك عشان هتيجى تعيشى معانا ف القاهرة
منه بصدمه وبترفض بشده : لالالالا يا عمتو مستحيل
كريمه باستغراب : هو ايه الى مستحيل ؟
منه: مستحيل اسيب البيت الى اتربيت فيه طول عمرى
لبنى وهى بتعقد حواجبها : وفيها ايه يعنى يا منه ؟
منه : البيت ده ليا فيه ذكريات كتير وانا مستحيل اسيبها
كريمه : بصى يا حبيبتى مينفعش تقعدى هنا لوحدك خصوصا ان الناس هنا كلامهم كتير وكلام الناس مبيرحمش انتى هتقفلى البيت هنا وهتيجى تقعدى معانا ف البيت وف الصيف نبقى نيجى وهتقعدى مع لبنى ف الاوضه وتونسوا بعض
لبنى بضحكه خبيثه : الا بقى اذا كنتى انتى مش عايزة تقعدى معايا
منه وسوف ترد قاطعهم صوت جرس الباب
كريمه : خليكوا انا هروح افتح
فتحت كريمه الباب ولا تعرف الطارق
...... : السلام عليكوا
كريمه : وعليكم السلام
........ : الانسه منه موجوده ؟
كريمه :ايوة مين حضرتك ؟
...... : انا ياسر مالك صديق والدها وصاحب (مالك جروب )
كريمه بتفكير : اه اه اهلا بحضرتك اتفضل ثانيه واحده
جلس ياسر بالصالون وذهبت كريمه لغرفه الفتيات وقبل انا تسأل منه
كريمه : منه البسى واطلعى
منه باستغراب : ليه مين الى جه ؟ :/
كريمه : ياسر بيه صاحب بابا
منه بتعجب : عمو ياسر جى ليه ده ماهو خلاص عزانى يوم العزا :/
كريمه : معرفش البسى واطلعى عما اعمله القهوه
ارتدت منه عباءه سوداء وخرجت للصالون وسلمت على صديق والدها وبدأ الحديث معها
ياسر : البقاء لله مره تانيه
منه بحزن وكانت على وشك البكاء : البقاء والدوام لله يا عمو
ياسر : بصى يا بنتى انتى عارفه ان ابوكى مكنش بسبيشتغل معايا ف الشركه ده كان صديق عمرى ودراعى اليمين ووصانى عليكى
منه : شكرا يا عمو
ياسر : بصى انا سبتك تهدى كام يوم عشان اجى واكلمك عشان عايزك ف موضوع مهم
منه باستغراب : خير يا عمو ف ايه ؟؟
_______________________________
استوب
يلا بقى عايزة اشوف رأيكم ف البارت وتتوقعوا ياسر هيطلب منها ايه ؟؟
والبويز هيبدأ يظهروا ان شاء الله من الحلقه الجايه
