challenge Your Love <3

اولا: انا هغير شويه ف اسماء امهات البويز واخواتهم طبعا بأعتبار القصه بتحصل ف مصر

ومعلش انا نسيت البارت الى فات اكتب مواصفات لبنى سورى
(لبنى بنت عسوله اووى محجبه عندها 21 سنه قد منه ف السن بشرتها بيضه عيونها بنى فاتح وشعرها بنى وعندها غمازات متوسطه الطول)

كفايه رغى بقى ونبدأ البارت
___________________
Callenge Your Love
نهايه Part 1

ارتدت منه عباءه سوداء وخرجت للصالون وسلمت على صديق والدها وبدأ الحديث معها
ياسر : البقاء لله مره تانيه
منه بحزن وكانت على وشك البكاء : البقاء والدوام لله يا عمو
ياسر : بصى يا بنتى انتى عارفه ان ابوكى مكنش بس بيشتغل معايا ف الشركه ده كان صديق عمرى ودراعى اليمين ووصانى عليكى
منه : شكرا يا عمو
ياسر : بصى انا سبتك تهدى كام يوم عشان اجى واكلمك عشان عايزك ف موضوع مهم
منه باستغراب : خير يا عمو ف ايه ؟؟
__________
Part 2
ياسر : بصى يا منه انا هكلمك بصراحه لان انتى زى بنتى بالظبط بصى يا بنتى انتى مينفعش تعيشى هنا لوحدك خصوصا بعد وفاه والدك
منه وسوف تتحدث :........
ياسر بسرعه : لو سمحت متقطعنيش وانا بتكلم اسمعينى للاخر
منه : اتفضل كمل
ياسر : عمر (والد منه ) كان قالى انك متخرجه من كليه صيدله بتقدير امتياز وانا عايزك تشتغلى عندى ف الشركه ف القاهرة
منه : بس انا مش هقدر اسيب هنا وامشى وبعدين بابا كان رافض حكايه انى اشتغل دى خاااالص
ياسر : بس دلوقتى الوضه مختلف تماما انتى مينفعش تقعدى هنا لوحدك وهتعيشى مين من معاش باباكى هيكفيكى اكل وشرب ومصاريفك الى انتى محتجاها وغير كدا ابوكى كان موصينى عليكى ومينفعش اسيبك
منه بحيرة تنظر لياسر فقط ولم تصدر اى حرف
ياسر: ها قولتى ايه ؟؟
منه وسوف تجاوب قاطعها دخول كريمه بصينيه القهوة
كريمه بابتسامه : اتفضل
ياسر ويرد لها الابتسامه : متشكر تعبناكى معانا
كريمه بابتسامه : لا ابدأ لا تعب ولا حاجه عن اذنكوا
ياسر : اتفضلى
خرجت كريمه ونظر ياسر لمنه حتى تكمل كلامها
منه بتسأل : طب انا لو سبت هنا هعيش فين ؟
ياسر : يا سلام هو ده كل الى شاغلك؟؟ ياستى هاخدك تعيشى عندى ف الفيلا مع زوجتى واولادى ولو مرتحتيش هبقى اجبلك شقه لوحدك
سكتت منه ولم ترد ونظرت ارضا
ياسر وهو يقوم من مكانه ويغلق ازرار جاكت بدلته : انا هستأذن دلوقتى وهسيبك تفكرى وياريت تفكرى صح يابنتى
منه وهى تقف : لسه بدرى ياعمو خليك قاعد
ياسر : معلش مرة تانيه عشان بس لسه هسافر للقاهرة وهستنى ردك
منه بابتسامه وهى تتقدمه حتى توصله للباب: ان شاء الله ☺
خرج ياسر واغلقت منه الباب خلفه واتجهت للغرفه وسوف تفتح الباب حتى لحقتها لبنى من الجهه الاخرى وفتحته
لبنى وهى تفتح الباب بسرعه : ها كان عايزك ليه ؟
منه وهى تفوق من شرودها
منه : الله يخربيتك خضتينى يا بعيده
لبنى بفضول : انجزى يا منه كان عايزك ليه ؟؟؟
منه بعند وتخرج لسانها حتى تغيظ لبنى : مش هقولك هسيبك على اعصابك كدا
كريمه وهى اتيه من المطبخ على صوتهم : هو مشى يا منه ؟؟
منه : ايوة يا عمتو
كريمه : خير كان عاوز ايه ؟؟
منه وهى تنظر للبنى التى تقف وتنظر لها بفضول : طب تعالى نقعد ف الصاله عشان احكى
وقبل ان تذهب منه وكريمه كانت قد جرت لبنى الى الصاله وجلست ف انتظارهم
منه بضحك : يلا يا هبله هتموتى وتعرفى انتى صح ؟
لبنى بزهق : احكى بقى يا منه الله
منه جلست : خلاص هقول اهو
وحكت منه لهم كل الحوار الذى دار بينها وبين صديق والدها
كريمه : بصراحه بقى الراجل عنده حق
لبنى : شوفتى يعنى مش احنا لوحدنا الى خايفين عليكى وعايزينك تقعدى معانا
منه سكتت وظلت تنظر لهم
لبنى : طب هتعملى ايه ؟
منه بحيرة : مش عارفه محتارة اوى انا طول عمرى كان نفسى اشتغل ويبقى ليا كيانى وحياتى بس بابا مكنش موافق على كدا خصوصا انى كنت هشتغل ف شركات ادويه والشركات كلها ف القاهرة وعشان السفر مع انى عرضت عليه انى اسافر واجى معاه لانه كان بيسافر كل يوم بس برده مرديش وبصراحه دى فرصه حلوة اوووى ومتتعوضتش
كريمه : خلاص يا حبيبتى فكرى كويس وصلى استخارة والى ربنا عايزة هيكون
منه بابتسامه : حاضر يا عمتو بصى انا هدخل انام شويه وصحينى على الظهر كدا عشان اصلى ونحضر الاكل
كريمه : حاضر يا حبيبتى
دخلت منه حجرتها وفردت نفسها على السرير ولكن ظلت تفكر ولم تستطع النوم
على الجانب الاخر
ذهب ياسر الى شركته فور عودته من الاسكندريه مباشرة ولم يذهب الى منزله دخل مكتب ابنه ولكنه لم يجده اتصل به عده مرات ولكن بدون رد دخل مكتبه وهو ف كامل عصبيته
على جانب اخر
ف فيلا ضخمه بأحد الاحياء الراقيه بمدينه القاهرة فتح باب غرفه مظلمه ودخلت امرأه بسرعه وازاحت الستائر من على شبابيك الغرفه ودخل النور جميع ارجاء الغرفه
بينما كان يوجد شاب يغوص ف نوم عميق لم يسمع صوت هاتفه الذى لم يتوقف عن الاتصال وابتدأ ان يفيق بمجرد دخول الشمس الى حجرته
زين وهو يشد الغطا عليه بالكامل : يا ماما اقفلى الستاير خلينى اكمل نوم
(زين شاب وسيم جدااا عنده 22 سنه شيك بدرجه كبيرة جداااا )
*طبعا كلنا عارفين شكل زين مش محتاجه اكتب مواصفاته *
فريده (والده زين ) : قوم يابنى احنا بقينا الضهر وابوك عمال يتصل عليك وقالب الدنيا من الصبح
زين بتأفف وهو ينزع الغطاء من عليه : ايه البيت المزعج ده فيه ايه يا ماما على الصبح وهو كمان عمال يتصل بيا ليه هو شغله هيقف عليا مفيش غيرى ف الشركه
لم يكمل زين كلامه مع والدته حتى رن هاتفه مره اخرى برقم والده
زين : ايوة يا بابا خير حضرتك عايزنى ليه ؟ :/
ياسر بصوت عالى : انت لسه نايم يا حيوان والله لاخرب بيتك
زين وهو يتمتم بكلام : ايه يابابا فيه ايه ع الصبح ؟
ياسر وهو ف قمه غضبه : حضرتك ناسى ان النهارده ف اجتماع مهم والورق بتاع الصفقه مع سيادتك
زين وهو يخبط على رأسه : اوووف نسيت وراحت عليا نومه ثوانى والورق هيكون عندك
ياسر وصوته عالى ويكاد ينفجر غيظا من برود ابنه : قسما بالله لو الاجتماع بدأ وانت لسه مجتش لخليك تنام طول عمرك على السرير واغلق الهاتف ف وجهه
قام زين مسرعا وذهب للحمام وخرج ارتدى ملابسه سريعا واخذ مفاتيح سيارته وخرج مسرعا من البيت واستقل سيارته وانطلق الى شركه والده
سلمى : ايه ده يا ماما هو زين ماله طاير كدا ليه ده حتى شافنى وانا جايه معبرنيش وجرى بسرعه
فريده : سيبى اخوكى ف حاله يا سلمى باباكى لسه متخانق معاه ف التليفون
سلمى : تلاقيه كان سهران مع الشله الصايعه بتاعته ومن ضمنهم الصايع نايل ده ماهما الاتنين شكل بعض
فريده : يابنتى ده فيه اجتماع ف الشركه والورق مع اخوكى وهو راحت عليه نومه
سلمى بشماته : شوفتى مش انا قولتلك سهران طول الليل وطبعا اتأخر على ميعاد شغله او بوظ لبابا شغل
فريده بنفاذ صبر : خلاص بقى وبعدين تعالى هنا انتى بتكرهى نايل ليه ده طيب وغلبان زى اخوكى
بمجرد ان سمعت سلمى اسم نايل حتى لمعت عينها : اه غلبان غلبان اووووى
فريده تنهدت بصوت عالى : طب بطلى لماضه بقى واكملت ويارب يصلحلك الحال يا زين وترجع زى ماكنت هو اتغير كدا ليه ؟
سلمى : انا بقى عارفه اتغير كدا ليه بس ما علينا حضرتك عايزة منى حاجه انا رايحه الجامعه
فريده : لا يا حبيبتى ربنا معاكى وخلى بالك من نفسك
سلمى : حاضر سلام
على الجانب الاخر ف بيت منه
_____________________________
استوب
كفايه كدا عشان ايدى وجعتنى بقى
بارت طويل اهو
يا ترى بقى منه هتوافق على طلب ياسر ولا لا ؟
وزين هيعمل ايه مع باباه ؟
هتعرفوا البارت الجاى ؛)
ايه رأيكوا بقى ف البارت وعايزة توقعاتكوا للى هيحصل البارت الجاى ؛)