سلمى باستغراب : بتسأل ليه ؟؟
زين يقول ف سره (منك لله يا هارى الكلب اديها تنحت اهى )
زين : لا عادى بسألاصل اول مره اشوفها ف الشركه
سلمى : اه ماهى بنت عمه منه
زين باستغراب : وايه الى جابها الشركه دى ده مكان شغل
سلمى : ماهى كانت جايه تاخد منه عشان يروحوا سوا
زين بضيق: اها جايبه قرايبها كمان الست هانم ماهو سوق بقى
سلمى بنرفزة : زين لو سمحت متشتمها وبعدين انت مبطقهاش كدا ليه هى عملتلك حاجه
زين : مزاجى
سلمى : خلاص لو عايز تشتمها يبقى مش قدامى
زين : خلاص ده انتى ناقص بتضربينى عشانها ده انا اخوكى يا جزمه
سلمى بطيبه: بس هى صاحبتى وطيبه اوى وانا بحبها اوووى
زين يتريقه : يا حبيبتى
سلمى : -_-
زين : برده مقولتليش هى اسمها ايه ؟
سلمى : هى مين ؟
زين : البنت دى ؟
سلمى : ااه لبنى
زين : امممم طب بقولك
سلمى : ايه تانى ؟
زين : هى صاحبتك صح ؟
سلمى : اه صاحبتى اتصاحبنا على بعض النهارده وحبتها اوى
زين : طب محكتلكيش على حاجه حصلت معاها موقف حادثه
سلمى باستغراب : زين قول انت عاوز ايه من الاخر
زين بتنهد : طب بصى انا هحكيلك بس توعدينى لو تعرفى حاجه تقوليها وبشرط متقوليش لحد
سلمى : ماشى اتفضل
زين : اوعدينى
سلمى : اوعدك
حكى لها زين كل ما قص عليه هارى
زين : ها بقى تعرفى حاجه
سلمى : هههههههههه
زين باستغراب : بتضحكى على ايه ؟
سلمى : اصله طلع هارى فعلا
زين : سلمى انا مش فاهم حاجه جيبى من الاخر
حكت له سلمى كل ما قصت عليها لبنى
زين : احلفى يعنى عرفته من البرفان
سلمى :اه والله شوفت
زين : الله يكسفك يا هارى فاضحنا ف كل حته كدا المهم انتى قولتلها ايه ؟
سلمى : قولتلها ان هارى زوق واستحاله يعمل حاجه زى دى بس طلع عمل فعلا
زين : كويس انك قولتلها كدا عشان متعرفهوش ومتتخانقش معاه
سلمى : امممم دى مش طايقاه اصلا دى بتقولى لو طولت اموته هموته
زين : هى حركه تضايق فعلا المهم زى مقولتلك متقوليش لحد فاهمه
سلمى بخبث : فاهمه
زين : طب انا هقوم انا بقى عشان اكل وانام
سلمى : ماشى
خرج زين من غرفه سلمى وما ان خرج حتى اتصلت سلمى بمنه واخبرتها وطلبت منها الا تخبر لبنى ووعدها منه
*السوسه قالت برده 😂*
فالمساء كان يجلس كل من زين ونايل بأحدى الكافيهات الشهيرة والفخمه
نايل : يالهووووى داانا هموت والله ابوك ناوى يجيب اخرى ويعجزنى بدرى بدرى
زين : نايل ابوس ايدك ماتجبليش سيرة الشغل خالص خلينا قاعدين ننبسط وخلاص
نايل : بقولك ايه ياعم خلينا ننمشى بدرى النهاردة عشان نحضر الاجتماع بدرى بدل ماابوك يرفدنا
زين : تتك القرف بتسد نفس الواحد انا خارج من جوالبيت والشغل والقرف وجاى عشان اروق وانت لازم تعكنن عليا مش كفايه البت الى هيخليها تحضر الاجتماع دى كمان
نايل: زين فكك منها انت حاططها ف دماغك ليه هى مش هتضرك ف حاجه انت ايه مضايقك مش فاهم
سكت زين ولم يرد
نايل بخبث : ولا عشان مش مدياك اى اهتمام
زين بعصبيه : نعم !! مش فاضل اللى دى اللى استنى منها اهتمام
نايل :طيب ياعم اهدى مالك اتعصبت كده ليه
زين : تتك القرف حرقتلى دمى
نايل : احسن
زين : فين المخفى هارى
نايل : قالى مش هيجى النهارده وابقى قوله عملت ايه بكره ف الشركه اه صحيح انت اختك قالتلك ايه؟
زين : اسكت
وحكى له زين
نايل بضحك : الله يخربيتك اهو اتفضح بس تفتكر اختك مش هتقولها
زين : معتقدش دى اختى وانا عارفها بس عادى يعنى حتى لو قالتلها هتعمل ايه ؟
نايل : على رأيك
ثم صاح نايل فجأه : اوباااااا الحق يا زين الموزة بتاعة المرة اللى فاتت جاية علينا اهى
اقتربت الفتاه من مكان جلوس زين ونايل وكانت مثيرة وفاتنة للغاية (كانت فتاة رشيقة جذابة ترتدى فستان قصير مفتوح يظهر اكثر مما يخفى وتستدل شعرها على ظهرها وتتقدم بخوات مثيرة تجاههم )
الفتاة :هاى ازيكواااااا
نايل بتسبيل: اهلا بالمزز الجامده
زين بغزل : ياالف اهلا والف سهلا
الفتاة بمياعة :ايه بقالى كتير مش شفتكوا ليه مش بتيجوا تسهروا زى الاول
نايل بتسبيل : ياخبر ابيض ازاى تقولى كدا داحنا نجيللك مخصوص
زين : بقولك ايه ماتيجى نرقص ؟؟
الفتاه بمياعه : اوك يلا
نايل هو يغمز : ايوة يا عم الله يسهلوا عقبالنا
.ثانى يوم بدا الاجتماع بحضور اعضاء الشركتين وحضر زين مبكرا على غير العاده
جلس الجميع وجاءت منه بأوراق الاجتماع التى طلب منها ياسر ان تتفحصها
بدا الاجتماع وانبهر الجميع بطريقة منه الواثقة فى عرض ملفات الصفقة كلما تحدث زين محاولا شرح اى بند بخصوص الصفقة كانت تلحقه منه بالكلام
انتهى الاجتماع وتمت الصفقه وخرج الجميع وخرج زين ايضا الذى كان مشتعلا غيظا من منه التى كانت تقاطعه ف الكلام ويعتقد بأن والده اعطاها منصب اكبر من منصبها
نايل بانبهار :ايه البت دى دى فحمتهم فى الاجتماع معقولة دى مااشتغلتش فى اى شركة قبل كدا !!
هارى : عنده حق ابوك يتمسك بيها دى دى جبارة
نظر لهم زين بضيق ولم يتحدث
نايل : ايه يابنى مالك منطقتش بولا كلمه من ساعه ماالاجتماع خلص ؟
سكت زين ولم يتحدث
هارى : زين ؟؟
زين : بقولكوا ايه اطلعوا من دماغى انتوا الاتنين انا مش طايق حد .. سلام
نايل وهارى : سلام
غادر زين وهو ف قمه غضبه بينما تركهم الاثنين وهما ف قمه الحيرة
هارى باستغراب : ماله ده ؟؟
نايل : معرفش
