- بيت مهيّب ، قبل اللي صار بشوي -
سهم يقفل ازرار ثوبه ولف على صوت جده : لبيه جدي
مهيّب : تعال تعال
سهم دخل الغرفه ومستغرب دموع جهير : هلا
مهيّب : خلها تلبس تعال برا
سهم مد ايده يمشيه : عسى خير ؟
مهيّب : وش قالوا لك بالعسكريه
سهم وهو يشتت انظاره : جيت على الفاضي ماظنيت بتدق
مهيّب : قال لك ابو محمد ؟
سهم : اكيد بيقول لي اجل ترسلني وانت تكلم هنا
مهيّب : انا ادرى بمصلحتك دام مافي غيره خلاص
سهم : خلاص مشينا
مهيّب : جهييير يلا
سهم : علامها جدتي
مهيّب يحرك عكازه : محمد مين غيره ! بيجيب لي الجلطه
سهم : بعيد الشر يامهيّب
مهيّب : العنود - ام جهير - بنتي واغلى من بنتي يكفي انها زوجة الغالي وسمت على الغاليه ! والله اني اغليها ولا ارضى بزعلها
سهم : ماتقصر يامهيّب خذيت حقها وزود
مهيّب : انا مابي احد يضايقها وتروح بيت اهلها وبناتها بعيد !
سهم وهو يمسح على ظهره : ماتسويها لو تبي راحت ولا انتختك!
مهيّب : صدقتك اي والله رفضت ياسهم كثييير خطبوها مني انا وكانها امانه برقبتي شاورتها ورفضت شيوخ عشان بناتها ودور بناتها الان
سهم باستغراب: كيف يعني !
مهيّب : يعني بيرجعون ويخطبون بناتها !
سهم : كويس الله يستر عليهم
مهيّب : يالردي !
سهم عقد حواجبه : افا !
مهيّب : تبي تعطي بنات عمك الاغراب ؟
سهم : وش اغراب يامهيّب كلهم جماعتنا
مهيّب : اغراب عنها حتى من جماعتها ! اختك منيره لو ماغلي عبدالرحمن وابوه الشيخ ماعطيته وتبيني اعطيهم بعد !
سهم : نصيبهم نوقف بوجهه ؟
مهيّب : البنت لولد عمها خلني اسمع غير ذا الكلام
سهم : ابشر ابشر
( قصر عايض بن متعب - الرياض )
جيلان وهي تناظر صور قديمه : لمين ذي ؟
جلس تركي جنبها : ابوي الله يرحمه
جيلان بصدمه وهي تناظر : عمي له صور ؟ ماذكر
تركي : معاه كثييير
جيلان : ليه ماتوريها نجلاء تبي تشوفها !
تركي : لا احسن سهاج مايعرف عن ذي الصور من وين طلعتيها ؟
جيلان وهي تناظر : لقيتها بالدرج اعتذر
تركي وهو يجمعها : لا تعلمين احد تمام ؟
جيلان : تمام ، يشبهك اساساً
تركي بابتسامه خفيفه لانه يشبهونه بافعال ابوه دايم : صدق ؟
جيلان : مررا كمان بس انت صغير
تركي يشيل الكاب : شوفي الشيب ! وين صغير
جيلان : يالله تركي تحب تكبر نفسك ترا باقي صغير والله الشيب عادي
تركي وهو يضحك : افهمي طيب مابي اصير صغير !
جيلان : اوفف ! ليش
تركي : تكبرين وتعرفين
جيلان : اسلوب بابا ! شكلك تتعلم منه
تركي وهو يناظر الشباك : ديالا جات ! مو عندها جلسه ؟
جيلان وهي تركض : بروح اشوفها
ديالا : جيلووو
جيلان تركض من الدرج : وش فيك
ديالا وهي تحضنها : فزت فزت !
جيلان : امانه! الحمدالله
ديالا وهي تبعد وتروح لتركي : ترووك فزت !
تركي : الحمدالله مبروك ياديالا
ديالا وهي تتنفس براحه : اوففف اخيراً
جيلان : ماري فيه كيك ؟
ماري - المساعده - : ايه
جيلان : بسوي حلا تبون معاي ؟
تركي : اكييد تعالي اساعدك
ديالا : انا بغير ملابسي ونادوني اذا جهز تمام ؟
جيلان : ماقلتي كيف فرتي ؟
ديالا : تخيلوا ! انه انسحب باخر جلسه عشان كذا طلعت بدري
جيلان : افا وعلى وصفك توقعت بيوهقك
ديالا : يعقب !
تركي : تعالي يلا
جيلان وهي تطلع الكيك : ماراح ناكل الا اذا جاء بابا لا تستعجل
تركي : طبعاً بننتظره يادلوعة بابا
جيلان وهي تضربه : عندك مانع ؟
