( الديره في بيت مهيّب " الفجر ")
مهيب بحدهّ : وين عيالك ياهذال ؟
هذال يحاول يوقف لجل يقومهم : ذلحين بروح لهم
سهم وهو داخل حوشهم بأستغراب : صاحين !
مهيّب بشوق: يالله حي سهم
سهم وهو يبوس راسه : الله يحّيك اخواني وينهم ؟
مهيب : اخوانك نايمين صحيهم
سهم : ابشر
هذال : توك تجي ؟
سهم : اي والله يبا قبل ساعه مخلص دوامي ومسافة الطريق
هذال بحرص : لا تنام توضى للفجر
سهم : ان شاءالله
مهيب : وين اخوك انت ؟
هذال : والله كل واحد ببيته
مهيب : الباب ذا مفتوح ؟" الباب اللي يودي لبيت محمد وعقاب "
هذال : اي اي
.
.
.
.
سهم يسحب لحاف عزام : قوم ياعزام
عزام : وش جابك انت ؟
سهم : قم قم
سلطان : والله ماشتقنا لازعاجك ياسهم
سهم : نايم مكاني بعد !
عزام : زوجناه ولا افتكينا منه
هذال بحدّه : يعيال !
سهم : عجبكم ابوي ينادينا من اول يلا قوموا
سلطان وهو يركض : بتوضى قبلكم
عزام باستغراب : هاذا وهو اخونا الكبير
سهم : مايعقل
مطلق : متى جيت ؟
سهم : والله توي بنام ان شاءالله بعد الصلاه
عزام : اقول روح مع ابوي للدكان وسلطان للغنم وانا برقد
سهم : اعقب ! قم يلا
.
.
_____________
( بيت عقاب ابو جهير وليالي)
مهيّب : يام جهير
ام جهير : هلا عمي
مهيّب : صلي وصحي البنات يصلون وفطوركم عندنا
ام جهير : ابشر ياعمي
ليالي وهي تبوس راسه: صباح الخير جدي
مهيّب : صبحك الله بالنور يابنيتي صليتي ؟
ليالي : اي ياجدي ودعيت لك
مهيّب وهو يطلع فلوس من جيبه : الله يجزاك خير امسكي
ليالي بانحراج : مانحتاج والله
ام جهير : لا تردين جدك ياليالي
ليالي : ابشري يمه
جهير : صبحك الله بالخير ياجدي
مهيّب : صبحك الله بالخير ساعدوا امكم وتعالوا بيت ام سلطان
.
.
.
( بيت محمد )
مهيّب : يامحمد يافزاع
فزاع وهو يبوس راسه : ارحب جدي
مهيّب : صليت ؟
فزاع : توي بجيكم على المسجد
مهيّب : واخوك ؟
فزاع : عانه وراي
مهيّب : يلا تأخرنا
رماح : حتى المؤذن ماقام من النوم باقي
محمد : والله انت اللي باقي ماقمت من نومك
ام فزاع : الله يهديك يارماح
مهيّب : يام فزاع الفطور عندنا
ام فزاع : ابشر ابشر جايين
فزاع : يمه تبين شي ؟
ام فزاع : الله يحفظكم ياوليدي
فزاع : ولا شاهي ولاشي ؟
ام فزاع : الحين بيجون بنات عمك يساعدوني روح الحقهم
......................
( قصر عايض بن متعب - الرياض )
جيلان : يالله وش مقعدني لين الحين
نجلاء : مدري وش عندك ذي الايام
جيلان : وش عندي ؟
نجلاء : كيف شفتي اخو الجادل ؟
جيلان : عادي
نجلاء وهي تغمز : متأكده عادي ؟
جيلان : اتركي ذي الحركات وقومي نتجهز
نجلاء : يليل مامداني اقول كلمتين وهربتي
جيلان : وش اهرب منه ؟ شخص عادي وابد مو مهم
ديالا : يالله صباح خير
جيلان وهي تسحبها : تعالي ديالا
ديالا : وشو ؟
جيلان : ماسألتي ابوي وين بيروح ؟
ديالا باستغراب : ليه ماتسألينه انتي ؟
جيلان : لا تصيرين غبيه قبل شوي تسولفين معه
ديالا : يقول بروح ديرته
نجلاء : من متى عندنا ديره ؟
سهاج وهو داخل : وش تهمسون فيه ؟
نجلاء : اطلع ياملقوف
جيلان : بسألك سهاج
سهاج : امري ؟
جيلان : حنا عندنا ديره ؟
سهاج : والله مدري مين قال لكم
تركي : اي عندنا
ديالا : يمه وش جابكم !
تركي : سمعتكم وانا ماشي
نجلاء : طيب وينها فيه ؟ وليه مانروح لها
سهاج : وش الطاري عليها ؟
ديالا : ياكثر اسألتكم كمل تركي نسمعك
تركي : كان عندنا بس طلعوا منها ابوي وعمي من زمان
جيلان : ليش ؟
تركي : والله مدري عنهم بس ماظن مهمه عندهم
عايض : ماشاءالله متجمعين
تركي : يالله حي عمي
عايض : الله يبقيك يابو مساعد
نجلاء : عمي عندنا ديره حنا ؟
جيلان وهي تقرصها : ياملقوفه خلاص
عايض : خليها خليها ، اي عندنا وبروح لها الصباح بأذن الله
جيلان : بروح معك
ديالا : وش تبين في الديره ؟
جيلان : فضول تعالوا معي
عايض : لا يابنتي الديره مافيها احد ومهجوره من زمان
جيلان : دام ماعندنا سفره ذا الشهر نروح الديره يبا
ديالا : والجامعه ؟
جيلان : بروح اليوم واذا رجعت بروح مع ابوي الديره
عايض : يابوي مايصير الجامعه اهم
جيلان : عادي يبا برجع لها يومين ونرجع
تركي : عمي تحتاج اروح معك ؟
عايض : اللي ودكم اذا تبون تعالوا بس اعلمكم تراها مهجوره
سهاج : لا انا بقعد
نجلاء : انا مع سهاج
ديالا : عمي انا عندي شغل بقعد
عايض : اقعدي معهم ياجيلان
جيلان : يابوي والله ماعندي شي بنروح انا وتركي معاك
تركي : اي دام ماعندك شي عادي
عايض بتوتر يواجه اهل نجد : الله يستر بس هيا على الصلاه
تركي : يلا ياعمي
سهاج : بتوضى والحقكم
ديالا : جيلان وش تبين في ذا الروحه ؟
جيلان : ياخي مستحيل اقعد بالبيت شهر بنطلع يومين ونرجع
نجلاء : هو بخاطري اشوف الديره بس معصي مهجوره
جيلان : لا مو مهجوره بس يخوفنا سمعته يكلم انا
ديالا : الله يستر بس
نجلاء : طيب شرايك اللبس ذا للجامعه ؟
جيلان : اي كويس
نجلاء : بس لبسته الاسبوع اللي راح
جيلان : ماعليك بروح ادق على الجادل انا
ديالا : صدق فاضين
نجلاء : اقول وريني من فساتينك الجديده !
ديالا : يالله دوب بكره بتخلص وبتشوفينه تاخذ العقل
نجلاء : تم اخذ لي واحد لعرسك
ديالا : وجع عرس وش
هربت نجلاء وهي تضحك
جيلان وهي تدق : ايه جهزتي ؟
الجادل : باقي لي شوي
جيلان : تجهزي بدري بنروح كوفي وبعدين الجامعه
الجادل : خلاص تم
