( ديار مهيّب - العزبه )
سلطان : الجو صار برد متى بنرجع ؟
هذال : ليش مستعجل
سلطان : مو مستعجل بس شوف هذال مايجلس بيمرض
محمد : ماعليه خلاف ياسلطان
رماح : يبا جدي بيخلينا نسوي العشاء ولا بس غداء ؟
مهيّب من وراه : انت وش ودك فيه ؟
رماح : ولاشي ياجدي
مهيّب : رخمه والله
سهم وتحت ذراعه فزاع : ها عجبتك السياره ؟
فزاع بمزح : اشوا ماطلعت قرمبع
سهم : تتشرط بعد !
فهد : والله يبي له تكسير روس
سهم : فهيّد تعال عندي لك موضوع
فهد : ارحب ابو السهوم
سهم : ياخي ماداني الاسم لا تناديني
فهد : خلاص ابشر وش موضوعك ؟
سهم وهو يسحبه لجل يبتعدون : انا عسكري ونراقب مجرم ولا نبيه يحس علينا مع انه كلنا ندري انه مجرم بس ماجانا انه نمسكه ولا نبي نسوي ضجه في الاعلام العسكري
فهد ؛ ايه اسلم
سهم وهو يبعد الشبهات : مثلاً تدخلت معاه بنقاش حاد وسويت ضجه وش عقوبتي ؟
فهد وهو يفكر : خلافات في الدوام ؟ يعني له دخل في العسكريه
سهم : لا يكون عائلي !
فهد : مالك عقوبه في القانون الا اذا فيه ضرب اذا رفع عليك شكوى انك ضربته يكون برا ايطار عملك العسكري
سهم : ذا يكون في المحاكم طيب في العمل ؟
فهد : ينقص راتبك وتوقع تعهد انك سويت ضجه اعلاميه وكشفت المراقبه
سهم : ليلنا طويل اجل
فهد : ليه وش عندك ؟
سهم : لا بس خويي صار له كذا
فهد : علي سهم ! ياسهم عمك محامي واعلامي جاني بس لا تعلم ابوي
سهم وهو يفكر جبينه : والحل ؟
فهد : الحين ليش ضربته صدق ؟
سهم : شتمني وانا كنت متجاهله طول الوقت ماتحملت
فهد : اجل تحمل عواقبها ياسهم المفروض تمسك اعصابك
سهم وهو يضحك : انا امسك اعصابي ؟
فهد : بس كفو والله جيت عمك مو لغريب من اول ماجيت انتظرك
سهم : مشينا لا يحسون علينا
فهد : ابوي بيسألك انتبه
سهم : ازهله ماعليك
- عند الحريم -
وضحى : يماااه نادي عزام ياخذ الغداء
ام سلطان : عزام تعال يمه
عزام : ادخل اخذه ؟
ام سلطان : اي فاضي ادخل
عزام : ساعدني رماح
رماح : جاييك
سهم وهو يرفع ثوبه : اقعد رايح انا
سلطان : هذال سلطان روحوا عند ماما
محمد : ماودك تعرس فهد ؟
فهد يكره ذا السيره ومو طايقها ابد : لا
محمد : وراه ! انت رجال وكفو ومستعد تستقل والف بنتك تتمناك
فهد : زوج عيالك عندك فزاع ورماح
محمد : جايهم الدور بس خلينا في الراس الكبير حقهم
سهم وهو يطرح الاكل : لا كلام على الطعام
عزام : اخس
سهم وهو يجلس جنب جده : سم يالطويل العمر
مهيّب والشياطين تلعب براسه من حركات سهم المكشوفه : وراك علم
سهم : خير خير يامهيّب
مهيّب تأكد ١٠٠٪ انه فيه سالفه : الله يستر
( قصر عايض بن متعب : قسم الرجال )
نواف : الله يكرمك ياعمي
عايض : عافيه عافيه يانواف
سهاج : ودك نروح كوفي؟
تركي : اقعد بس مو صاير لك ساعتين جالس
سهاج : ياتركي انا شغلي خلص خلني استانس
نواف : خلاص بعد الشاهي
تركي : ادمن الشاهي حقنا
نواف وهو يشرب : تلومني !!
عايض وتميم بجهه يسولفون عن اشغال الشركه
سهاج : سمعت عندكم عملاء
تركي : الحمدالله جانا خير والله
نواف : عيال تخيلوا بكره اختبار وانا مو عارف شي في التمريض !
سهاج : قلت لك يارجال ريح بالك منها !
تركي : مسوي مهتم ابوك بيدفع في النهايه
نواف وهو يضحك : خلي الاحساس يشتغل طيب
تركي : شوري ترجع عسكري
نواف : المشكله مافيها دف الا نادر وانا ماداني الشموس
تركي : عطيتك شوري
