في المطبخ - بيت مهيّب
عذيه : بنات كلمت فهد بس مشغول
ام سلطان : وش تبون منه ؟
وضحى : نبي شويات اغراض
جهير : اي والله بس مايمدي بيجون ضيوف
ام فزاع : ماشاءالله ليالي خلصتي ؟
ليالي : اي خالتي خلصت تنظيف الغرفه والصاله
عذيه : سنعه سنعه مو مثل جهير ساعه تسولف
ساره : والله اللي يشتغل مع وضحى وجهير مستحيل يخلص بدري
وضحى : ايه اقلبوا علينا ! ساره من بداية الشغل وهي تسولف مع سلطانووه
ساره بفشله : اعوذبالله منك كلمه ورديتي بعشره
عزام وهو يهاوش مع رماح : ياعذيه تعالي خذي الاغراض بسرعه
عذيه طلعت للحوش الخلفي وهي تناظر الاغراض : مو كامله !
عزام : بالله عليك ! ادري طيب الباقيه شوي وبروح لها
شالتها عذيه وهي تناظره بنص عين : وينه سهم؟ هو اللي بينصرني
عزام : سهم عجبته اجواء الرياض سردادي مردادي عليها
ام سلطان : بس بس انت وياها ورانا اشغال اتركوا السوالف
سلطان نزل هذال من حضنه : روح روح لعمه عذيه
عذيه : الله ينصر عمه عذيه تعال بوديه لامه
سلطان : تعبانه ساره ؟
عذيه : ماشاءالله عليها مثل الحصان
ساره وهي تسمعها : يهبا ياوجهك انا مثل الحصان !
دخلت عذيه : خذي ورعك بروح اسوي شاهي لجدي
ليالي : جهير ماخلصتي !
العنود : يابنات
لفوا كلهم عليها ، الجده جهير بطقطقه : الله يام فزاع وام سلطان بنات انتوا ؟
العنود : ايه بنات باقي اقصدهم انا
ام سلطان : اي بنات قولي العنود وش تأمرين ؟
العنود : انا اقول ندخلهم بالسطوح ازين
وضحى : انكسر ظهري وانا انظف في البيت وتحطونهم بالسطوح؟
عذيه : ايه ازين بالسطوح عشان يكفيهم ونبعد عن عمي محمد يرتاح
ام فزاع : اي والله صدقتي
العنود : اجل كلموا الرجال ينظفون السطوح البنات تعبانين
وضحى بضحكه : والله ماينصرنا غيرك ياخاله
العنود : افا عليكم بروح الان اجيب الحلا اللي يعجبك
الجده : وين بتروحين مافي حلا هنا !
العنود : بروح محل اخوي فيصل قريب بالرياض
الجده : اجل بكلم مهيّب ياخذك واحد من الرجال
لفت العنود على ليالي المتكتفه بطفش : تروحين معي تسلمين على خالتس ؟
ليالي فزت بفرحه لانها تحب خالها فيصل من هي صغيره : يلا
العنود : جهير عاوني بنات عمك والمره الجايه باخذك
جهير : ابشري يمه
عذيه : روحي معاها حنا كثير وبنكفي
جهير : لا والله قابلته خالي قريب وبخلص شغلي ماخلصت
عذيه : براحتك
( قصر عايض بن متعب - الرياض )
جيلان برعب : يمه ! مننن انت
مصلح : امك ماتت وشبعت موت وابوك ماهو موجود بتروحين بالطيب والا بالغصب معي !
جيلان وهي ترمي عليه قزازه : والله لو ماتبعد لا ادق على بابا
مصلح بضحك : دق عليه لو فيه خير ماطلع وخلاك !
جيلان ركضت لدرج بسرعه : ماااري
ركض مصلح وراها وهو يسحبها : يادكتوره انّ ودك بالغصب والله تبشرين به مالك قوه !
رفسته جيلان بصدره ، مصلح يحلق انفاسه من الكتمه اللي جاته : مافي مفر والله يادمك يادم ابوك اليوم مايكفيني
-
نسى سهم مفاتيحه بالمجلس بملل وفتح الباب : الله يقلع ذا العقل ياسهم بتخوفها ، لف على الصراخ وصوت مصلح اللي يميزه من خشونته لو بين مليون صوت مسك سلاحه وبخطواته ثابته وانصدم من جيلان الجالسه ومصلح يلاحق انفاسه : مصلح !
لف مصلح عليه بغضب وهو يسحب جيلان درع له : لولاك عرفت مكان بن متعب ! والله لا اندمه
سهم طلع سلاحه وعينه بمصلح : لو رجال قابل بن متعب لا تروح للحريم ياواطي
مصلح ضحك : دورت دورت بس عايض مامعه اهل ! زوجته شبعت موت وقاتله مات وماله الا الجيلان !
سهم : فكها يامصلح انّ ماودك الموت
مصلح : انا ماجيت الا ذابح ولا مذبوح ذبحت عمك وبذبحك وبذبح مهيّب وعايض ولا بخلي فيك نفر صاحي !
سهم بحدّه : والله يعقب شاربك ياورع فكهاااا
ماري ضربته بزينه على الطاوله : ياكلببب
ابعدت جيلان عنه من طاح : ماري !
سهم مسكه وخنقه والسلاح بجبهته : اخرتك على يدي يابن مصلح !
قاومه مصلح وهو يحاول يتنفس بس حاله ماكان يساعده راحت كل قوته بالسجن ومشكلته بالتنفس كبيره ، جيلان : سهم لا تذبحه
سهم : حقّه الموت
ركضت وهي تدق على ابوها وتقفل في غرفتها وماكان اي رد من ابوها : سهم تكفى !
سهم تراجع وناظر وجهه وهو يتقلب احمر واسود وتذكر منصبه وعمله شاله من بدلته مع الدرج : عرفت الدرب واذا رجعتك والله والله ياموتتك هنا
ماكان من مصلح اي ردة فعل سحبه سهم وهو يطلعه برا البيت : قم !
قام مصلح بتثاقل وهو يتوعد بسهم لا سلاحه معه ولا سكينه
سهم رجع لجيلان ركض : جيلان !
كانت جالسه وهي تغطي عيونها ومحتضنه رجولها انصدمت من خبر موت امها من مصلح وابوها يقول انها عايشه وتحتريك ياجيلان
توقع سهم خايفه من مصلح : خلاص راح راح ! وين ابوتس؟
جيلان مسحت دموعها بغضب : مايرد علي
ماري كانت جنبها وهي تهدي عليها : وين حارس ؟
سهم رفع كتوفه بعدم معرفه : اطلعي دوريهم
جيلان برجاء : سهم لا تروح
سهم : ابشري بوجهي وشنبي وانا من صلب مهيّب
تذكرت جيلان تركي وطلعت جوالها وهي تدق وكان تركي يرد اول باول على جيلان الا ذا المره من زعله ، جيلان : تركي تكفى رد !
مسح دموعها سهم : معك انا ! مابروح والله
جيلان ضعفت ونادر تمرّ باذا المواقف ودايم يغمى عليها ويداريها ابوها ، سهم انصدم من عيونها قبل يغمى عليها كانت رجاءا كبير بدون ماتنطق حرف ، سهم : جيلان بنت !
كان يمسح خدها لاجل تصحى ركض للمطبخ وهو يجيب مويه ويسمي عليها : جيلان !
كانت تفتح عيونها وتقفل بتعب شالها وانصدم من شهقت العامله : علامتس !
العامله ركضت لجيلان وهي تصحيها وسهم يسمي عليها : بشويش بشويش
العامله : ياربي ! لازم بقوه عشان تصحى
صحيت جيلان وبكت من طاحت عيونها بعيون سهم وتذكرت كل اللي صار : دق على بابا !
لف سهم للعامله : دقي دقي عليه !
تمسكت جيلان بتيشرته وهي تناظره : بابا وين !
شالها سهم بهدوء : ندور عليه ؟ ماراح اترك بالبيت
هزت راسها جيلان برفض : لا بيجي بيجي ماراح يتركني
عرف سهم انه خوفها مو من مصلح انه من فقد ابوها طلع جواله بانزعاج وانصدم برقم مهيّب : هلا جدي !
مهيّب : وينك من ساعه نحتريك
سهم : لا تنتظروني بتأخر
مهيّب هدت عصبيته من صوت سهم : فيك شيء ؟
سهم : لا يبه بخير عطني ساعه بس
قفل سهم وناظر جيلان : اذكري الله سميّ سميّ
