رقص السراب

البارت السادس

روايـــــــة   "رقـــــــــــــــص الســـــــــــــــراب"

بقلم اسيا الشمري
للتواصل Asia__313

البارت السادس

متابعة للحساب والتصويت والتعليق بين
الفقـرات لطفآ
∞∞∞∞∞∞∞∞∞∞∞∞∞∞∞∞

گتلك أريـدك عمـر مو وجهـك تديـره
       حاول تـرد الآولي هسـه انـت فوك المـرض
متحــزم شرايـد؟ خليني شي ثانـوي
    وعاملنـي مثل الطفـل
                     چوينـي اذا اعانــد

..........       ..........           ............

هذه ليلة عرسي نايمة بالگاع بدون ملابس وأثار الضرب بكل جسمي ومصيري مجهـول! ماكو ربع ساعة ودفرني برجله شمر عليه عباية اسلامية وشال گال لبسيهن وگومي انتظرچ بالسيـارة!

راح يوديني .. راح يوديني لبيت جدي راح يذبحوني راح يغسلون عارهم! راح امـوت راح يگتلوني

نزلت على رجله ابوسها اتوسله ما يوديني لبيت جدي! اتوسله يستر عليه .. بس ما اعرف ويامن چنت احچي هذا مو رسول اللي اعرفه هذا وحش كاسر ما عنده اي رحمة بگلبه .. لعد وين حبك؟ هه شلون تعتقد انو اني بنية مو زينة! شلون فكرت انو اني ناطيه جسمي لواحد بالحرام!

سحلني من شعري وصعدني بالسيارة واني اصرخ واتوسله ما يوديني لبيت جدي ! گالي اذا بقيتي يمي منا للصبح ما اضمن نفسي ابقيچ عدلة

ههه على الأساس اذا توديني لبيت جدي شراح يصير بيه هو اني ميتة ميتة!

يسوق بكل سرعته حبيبي مستعجل على موتي!

طول الطريق اتوسله لكن لا حياة لمن تنادي وصلنا لبيت جدي وگوة نزلني من السيارة

- رس وول شلون ترجعني بأول ليلة والله جدي ما يتحمل هسه يمو ت من ورايه عفييه فدوه اروحلك

- چان فكرتي بي قبل ما تسوين عملتچ شتريدين استر عليچ مو رسول اللي يلفي كحا..ب ببيته

- اني ششرريفة وروح امي صدگني رسول والله مو بأيدي مو بأرادتي فدوه لا تدگ الباب عليهم يذبحوني والله يذبحوني انت مو تحبني شلون تقبل يموتوني

ما سمع كلامي ودگ باب بيت جدي بقوة ومحد فتحله! اقسم أنو گلبي وگف ونشف دمي! من شفت تأخرو ومحد فتحتله
مريم حاچيت رسول بيأس وتوسل ولزمت ايديه امنعه يدگ الباب  - خلي نرجع للبيت واسولفلك كلشي واذا ما اقتنعت عود اصبر عليه 6 أشهر وطلگني

رد عليه رسول من بين أسنانه و بحقـارة - اني شگتلچ ذاك اليوم؟ مو گتلچ احچيلي كلشي ليش ما حچيتي لو گلتي هذا غشيم يمكن تعبر عليه ليش افضح نفسي لو هسه لگيتلچ چذبة قوية عبالچ اقتنع بيها؟ .