رقص السراب

البارت الثالث والعشرون

روايـــــــة   "رقــــــــــــص الســـــــــــراب"

بقلم اسيا الشمري
للتواصل Asia__313

البــارت الثالث والعشرون
متابعة للحساب والتصويت والتعليق بين الفقـرات لطفآ
∞∞∞∞∞∞∞∞∞∞∞∞∞∞∞

اندلك وأجيك واگدر اوصلك ادورك ماامل والكاك واوصلك ولو حبــة رمل عنوانـك بصحـراء
اشمن ريحتك بالكاع واوصلك
................ .................... ..........

-استغفرالله العظيم صبرك ياااا ربيي داا اكلچ هييي مااا قبلت شسووويلها يعني اتوووسل طز بيها

-بس انت اكو شيء يخصك يمها
-شنو!
-ابنك رنا حامل بأبنك

سكـت ثواني النوب رد عليه بضحكة طويلـة
-ههههههههههههههه حلوة حلـوة النكتة باللّه عيديها

زفرت بغضب- ترا ماعندي وكت اذبلك نكات اللي كتلك ياه حقيقة رنا حامل بأبنك وعلمود ماينكشف سرهـا ماقبلت بعرضك والا هي تكيف تطلع من هالجحيم

اخذت نفس ورجعت حچيت- هسا احنا موضوعنا مو رنا موضوعنا الطفل اللي راح ينبـاع واللّه يعلم منو راح يشتري وشكد راح يتعذب انت اذا ماتهمك رنا المفروض يهمك ابنك حتى لو ماتريد تعترف بي المهم اخذه وخلصه تبقى خطيته بركبتك هو مااله ذنب بكلشي

امير مدايستوعب اللي اكوله اني احچي بحركة دم وهو يضحك لحد ماكال -وشنو اللي يثبت رنا حامل بأبني شنو شايفتني زوج حتى اصدك بكلامچ! كح** الف رجال نايم وياها من حبلت ذبيتو الولد برأسي لو لأن شافتني خوش وعندي فلوس كالت خلي العب عليه هاللعبة اذا هي يمچ خلي تسمعني كلهن طاكات جوه رجلي هالدروب من الاول كتلها تعالي اخلصچ من الحجية ماكو داعي لهالسوالف والچذب

هذا اللي چنت متوقعته منـه اكيد ماراح يصدك الولد ابنه وحقـه اي شخص بمكانه ماراح يصدك بس اني ماراح استسلم ماارييد الولد يبيعوه لعصابات تتاجر بأعضاءه مدري تآذيه حچيت واني مستحية مامتعودة احچي بهيچ امـور  -انت بيومها من متقربلها ماچنت ماخذ احتياطاتك ورنا بسبب السم اللي شربتـه الها انهـارت رجعت للسكن ونست تاخذ حباية المانع وبقت مريضة من الخوف لان بايكة محفظتك ومخربة هوياتك وبقت مريضة فترة لحد مارجعو صديقاتها وكامن ياخذن مكانها وراها كشفت نفسها حامـل!

-هههههههه حلـوة خوش قصة هاي انتي اخترعتيها مو
رنا ماتعرف بهالسوالف باللّه كملي كملي شوقتيني والنوب شنو اني شفتها بالصدفة وكتلها تعالي اخلصچ وهي ماقبلت وراها صديقتها تاخذ جهازها بدون ماتدري وتخابرني تكلي على السـر العظيم واني لازم اصدكها! هههههه فيلم هندي

-بكيفك لاتصدك مااجبرك تصدكني بس راح ادزلك شغلات شوفهن واذا همين ماصدكتهن خلاص انسى كلشي ولا تجيب طاري لـ رنا عن كل اللي حچيته الك خصوصآ ان طفلها راح ينباع مو يموت