«بعد مرور ثلاثة ايام»...
و بالتحديد في تمام الساعه التاسعه و النصف صباحاً... بداخل غرفه نادين... تلك التي كانت نائمه ولا بها ولا عليها لما يحدث في العالم الخارجي.
تدخل الام الي غرفه ابنتها لتفتح ستائر الغرفه... فتقلق نادين و تمسك الوساده و تضعها علي وجهها لتحمي نفسها من ضوء الشمس الساطع الذي أزعج ثباتها العميق.
نادين بصوتٍ منعس:....... ايه يا ماما اقفلي الستاره عاوزه انام.
الام بجديه:....... قومي يا كسلانه.... هتروحي الجامعه النهارده.
نادين و هي تفتح منتصف عينيها ازعاجاً من ضوء الشمس... لتنهض و تنعدل في نومتها و تجلس علي السرير لتردف بصدمه:.........
ايه...؟! جااامعه..؟! ده انا لسه مليش اسبوع في البيت.. ازاي ده....؟!
الام:........ لاء ما هو ابوكي... كلم مراد بيه و قاله يرجعك تاني الجامعه.
نادين بعدم تركيز:........ مين عمو فؤاد ده...؟! و بعدين مش عمو فؤاد ده كان بيجي في الفوازير بتاعت زمان.
الام بجديه:........ فؤاد ايه يا نادين... بقولك مراد بيه... اللي ابوكي بيشتغل عندو السواق بتاعه.
نادين بنعاس:........ ااااه.... عرفته... من الاخر يعني عمل ايه...؟!
الام بجديه:......... ابوكي كلمو علشان يرجعك الجامعه... و هو مرضيش يرفض لأبوكي طلب و عمل الواجب و ذياده و قاله امبارح... انو كلم العميد بتاع الجامعه و انك تقدري تروحي الجامعه من النهارده.
نادين بأفأفه:........ افففففف يعني انا دلوقتي لازم اقوم اخذ شاور علشان البس و اروح الجامعه.
الام بجديه:........ ايوا.
نادين بملل:....... افففف بقا... والله ما في احلي من قعدة البيت... تفتحي واتساب بقا و انستجرام علي ماسنجر علي حبه تيك توك..... مش اروح اشوف الدكتور ابو كرشه.. ولا جويريه الحربايه.... ده شكل الجامعه من برا لوحدها ميطمئنش اصلا....!!
الام:....... يلا بقا يا نادين قومي ما بلاش لكاعه.
نادين بحزن:........ حاضر يا ماما حاااضر..... اففف استغفر الله العظيم يااارب.
«و بعد مرور بعض من الوقت»...
تخرج نادين من المرحاض و هي ملتفه بمنشفه حول جسدها الصغير.... و كانت غاضبه غضب طفولي.
نادين بغيظ:....... افففففف بقا... لازم يعني يصحوني من احلي نومه... و ياريته علي خبر عدل.... ده مصحيني علي الجامعه و قال ايه...؟! مراد المنفلوطي هيرجعني الجامعه.. والله ما في احلي من قاعده البيت... بلا جامعه بلا بلاء ازرق.
لتخرج ملابسها من الدولاب... و هي عباره عن:
دريس باللون النبيذي بأكمام تصل لمرفقيها و تركت شعرها يتمرد أعلي ظهرها و وضعت بعض من مساحيق التجميل الرقيقه... التي اظهرت جمالها اكثر..... و خرجت من غرفتها لتقول بأبتسامه جذابه و هي تنظر لوالدها:........
صباح الفل و الياسمين علي العيون الحلوين.
أنت تقرأ
قـــصــيرتـــي٠٠قـيد كـتابـتـها٠٠بـقـلم: سـناديـسو الـشرقاوي❥٠٠
Humorروايه: قـــصــيرتـــي". بقلم: سندس الشرقاوي". جميع الحقوق محفوظه لدي الكاتبه: سندس الشرقاوي". لا أصرح بأخذ الروايه الا بإذن مني ومن سيخالف هذا سيتم الإبلاغ عن صفحته مما يؤدي لإغلاقها الي الأبد". وسيعرض علي المسائله القانونيه و دفع تعويض مادي".
