شمس بقلم أمل السيد

الفصل الخامس والعشرين

الفصل الخامس والعشرين

#شمس

عمار فك القماشة اللي كانت على عينيها شمس بقي تلف بعنيها ما بقت تتحرك من كتر الصدمة بتبص لعمار بخوف عمار لحظة خوفها

عمار قرب منها ومسك أيديها: مالك أنتِ كويسه إيه رأيك في المفاجأة الحلوة عجبتك
شمس: احنا فين ممكن تروحني مش عاوزه اقعد هنا ثانية واحدة
عمار أستغرب : طيب ليه أنا عملت حاجة ضايقتك أنا افتكرت إنك هتفرحي مش هتكوني كده متضايقة وخايفه
شمس: جايبني وسط البحر وتقول لي تفرحي ده أنا هرقع بالصوت وكمان الجو ليل واحنا لوحدنا أنا بخاف من الأماكن دي شكل السفينة دي غاليه ضيعت الفلوس كله عليها.
عمار: سفينة مرة واحدة انا مأقدر على ثمنها وبعدين ما فيش حاجة تغلي عليكي ما تخافي وأنا معاكي تعملي إيه لو عرفتي نقضي ثلاث أيام

شمس: آه قلت لي ولا دقيقة واحدة اقعد هنا علشان سمكة القرش تأكلني مش مستغنية عن روحي عايز تقعد اقعد أنتَ لوحد لو كنت عاوزني فرحانة كنت تديني الفلوس أني ماتاجر بها البتاعه دي كنت هكون فرحانة بدل الخسارة

عمار: شمس شمس أهدى شوية في أية بقي أنا أعمل لك جو رومانسي قلبتي الجو بتوتر وخوف ما فيش حاجة تحصل تعالي نخش جوه تحسي بالأمان

شمس: عمار والنبي تفهمني خلينا نمشي أحسن عارفة إن ممكن تزعل مني مش بأيدي بس أنا بخاف من الأماكن اللي بتكون فاضية احنا لوحدنا

عمار: مقدر خوفك احنا مش لوحدنا بصي هناك كده في كذا يخت

شمس بتبص شافت يخت منور واثنين بيرقصوا بتبص كمان واحد بس كانوا بياكلوا بتبص على كذا واحد قلبه تطمن شوية

عمار: ما تخافي أول النهار ما يطلع نمشي سابها ودخل

شمس: عمار استنىأنا
كانت دخلت اليخت من جوه اتفاجئت بمنظره إن هو جميل كان في عشاء على ضوء الشموع بتبص بطرف عينيها شافت عمار قاعد على السرير بيلعب في تليفونه دخلت عنده بقت مفاجأة أكتر اللي متزينة بطريقة جميلة برده قاعدة جنب عمار خدت منه التليفون

شمس: مش قصدي إن خليك تضايق مني وتزعل يبقى غصب عني
عمار: هو إيه اللي غصب عنك أنتِ اللي بتخوفي نفسك أنا معاكي خايف لا أنا اللي غبي اللي فكرت الفكرة متسرعة زي دي وقلت إنك هتبقي فرحانة ومبسوطة بس لا زي كل مرة لازم تصديني أنا طالع بره أكل لو جعانه تعالي كلي مش جبرك على حاجة
ما تبقى خايفه كلها كم ساعة ونرجع
سابها وطلع بره شمس طلعت ورآه

شمس: هو أنتَ طبعك صعب كده ليه
عمار: أنا برده اللي تبعي صعب ده أنا لو كنت جبت يونس بدالك كان زمانه بيتنطط في قلب البحر مش، مش هنا

شمس: عمار حبيبي أنا آسفة أن خليتك تضايق بالشكل ده بس قدر وضعي إن أنا أول مرة اجي مكان زي ده لازم أكون خايفه وهيبة من المكان عندي فكرة حلوة تخليك تفك شوية إيه رأيك نرقص زي الاتنين اللي كانوا بيرقصوا مش بعرف بس حاول