រីករាយជាមួយការអានទាំងអស់គ្នា💙💙
ភាគទី58 +59+60+61+62
#កម្មស្នេហ៍ភរិយាក្រៅច្បាប់
"អ៊ីមិ បងនឹកអូនណាស់" នាងតូចចាប់អូសដៃគេមកដល់កន្លែងបិទបាំង ម៉ាសូរិ ស្រវាឱបនាងណែន ទឹកភ្នែកគេហូរមកភ្លាម គេមិននឹកស្មានថាអភិនិហាវាកើតឡើងទេ។
"ខ្ញុំក៏នឹកបងដែរ ហ៊ឹកៗ " អ៊ីមិ ឱបកាយម៉ាសូរិណែន ឱបដូចបងប្រុសដែលនឹករឭកដឹងគុណ នាងមិនស្មានថាបានជួបគាត់ម្ដងទៀតទេ ព្រោះបែកគ្នាកន្លងទៅប្រាំឆ្នាំទៅហើយ។
"អូនទៅនៅឯណា ហេតុអីលោកពូអ្នកមីងថាអូនស្លាប់?" ពេលដែលបានឮដំណឹងគេភ័យស្លុតណាស់ មិនស្មានថាអាចជួបនាងនៅប្រទេសប៊ែលហ្សិច បើបងប្រុសគេមិនហៅមក គេក៏គ្មាននិស្ស័យបានជួបនាងម្ដងទៀតដែរ។
"អូនលួចរត់ចេញពីផ្ទះ" អ៊ីមិ ឱនមុខនិយាយទាំងអួលណែន នាងដឹងថាលោកប៉ាអ្នកម៉ាក់ខកចិត្ត និងឈឺចាប់ព្រោះមានកូនស្រីអាក្រក់ដូចនាងណាស់ តែដើម្បីកូននាង នាងត្រូវតែធ្វើ ទោះបីត្រូវស្ពាយឈ្មោះជាកូនទុរយសក៏ដោយ។
"ហេតុអី អ៊ីមិ? "
"គឺអូនមករកកូនអូន?" នាងងើបមុខមើលគេវិញ កែវភ្នែកក្រហម បបូរមាត់ញ័រ។
"មានន័យយ៉ាងម៉េច អូនមានស្វាមីហើយមែនទេ?" ថ្លើមប្រមាថម៉ាសូរិធ្លាក់ដល់ដីវាឈឺខ្លាំងស្មើនឹងពេលដឹងថានាងស្លាប់។
"តែគេមិនមែនស្វាមីអូនទេ រឿងរវាងពួកយើង កើតឡើងដោយសារការធ្វេសប្រហែសរបស់អូនប៉ុណ្ណោះ" អ៊ីមិ និយាយទឹកភ្នែកហូរមកភ្លាម នាងដឹងថាគេគ្មានថ្ងៃទទួលនាងធ្វើជាប្រពន្ធទេ គឺគ្មានថ្ងៃដាច់ខាត នាងគ្រាន់តែជាកញ្ជះតណ្ហា។
"បងនៅតែមានសង្ឃឹមមែនទេ អ៊ីមិ?" ម៉ាសូរិ ញញឹមទឹកភ្នែករឹមៗ ចាប់ដៃ អ៊ីមិ ណែន។
"ទេម៉ាសូរិ មនុស្សដូចអូនមិនសមនឹងបងទេ អូនសប្បាយចិត្តណាស់ដែលអូនបានជួបបង ហើយអូននឹងសប្បាយចិត្តថែមទៀតបើអូនបានស្គាល់បងថ្លៃ" ដៃតូចៗលើកជូតទឹកភ្នែកឱ្យគេញញឹមប្រាប់គេ មនុស្សគេល្អយ៉ាងនេះ មនុស្សស្រីថោកទាបដូចនាងម៉េចនឹងសមនឹងគេទៅ។
"បងមិនយកអ្នកណាទេ" ម៉ាសូរិ ប្រែជាភ្នែកក្រហមចាប់ទាញនាងមកឱបយ៉ាងណែន ទោះសម្លាប់គេឱ្យស្លាប់ក៏គេមិនយកប្រពន្ធដែរ ប្រពន្ធគេគឺមានតែនាងម្នាក់គត់។
