مـهـره شيـطـان الأرض،

البارت الخامس والخمسون

_ بعد اذنك متفضلش تزن عليا كتير انا عايزه امشي

تحدث بحده قائلا: في ايه ها في ايه بتعامليني كده ليه يا مروه اسبوع كامل وانتي بتعامليني بطريقه زباله ورسميه انتي نسيتي نسيتي ياسر يا مروه

مروه بتجاهل : نسيت ايه حضرتك مريض وانا بعالجك

وهنا لم يتمالك نفسه وقف علي رجله بصعوبه وأمسك يدها بقوه وحاصرها علي الجدار بيده وقال بنبره عاليه : بسسس كفايه انتي مزهقتيش

تألمت بسبب خبطته لها علي الجدار بقوه وقالت بخوف : ابعد عني

_ لا مش هبعد عنك يا مروه عشان انتي زودتيها واوي كمان انتي مش عارفه ايه اللي بينا صح انا هوريكي ايه الي بينا

حاول أن يقترب منها بالقوه حتي صرخت به وهي تبكي : ابعد عني أنا بكرهك ابعد

إسقطته علي الارض ووقع بسبب رجله المكسوره فهو تحمل عليها زياده صدر صوت خفيف أثر وقعته من الالم

التفتت خلفها حين سمعت صوته شهقت بفزع لأجله وركضت نحوه حتي ترفعه رفعته بهدوء وجلسته علي الفراش

امسك يدها وهو يقول بحزن : بصيلي يا مروه

_ ممكن تبعد عني وكفايه كده انا عايزه امشي

_ ليه بتعملي معايا كده يا مروه انا بحبك فاكره فاكره يا مروه

_ مش بتحبني يا ياسر انت لو بتحبني بجد مكنتش سبتني ومشيت انت بتحب ريحان وعمرك ما هتنسها

_ لا مش بحبها يا مروه انا لو بحبها بجد مكنتش فكرت حتي اقولك اني بحبك بس انتي غيرتي فكرتي عن الحب خليتني احب نفسي حسستيني بقيمتي عمرك ما قللتي مني عكس ريحان عشان كده حبيتك ولو علي اني سيبتك انا مسبتكيش

انا اتسجنت

وضعت يدها علي فمها بصدمه وقالت : ازاي

_ اتسجنت بسبب أفعال ريحان بعد انتحارها اتحكم عليا بتلت سنين سجن بسبب اني ساعدتها في كل أعمالها معرفتش حتي اكلمك ولا معايا رقمك ولا اي حاجه لولا حادثه العربيه الي حصلت مكنتش هشوفك بس طول ما انا في السجن كنت بفكر فيكي انتي وبس شغلتي قلبي وروحي بيكي عمري ما شفت بنت طيبه ونقيه زيك يا مروه أنتي اصدق واحلي بنت شافتها عيوني صدقيني قلبي محبش غيرك وأما عن ريحان كانت اعجاب أو قولي هوس مريض وقدرت اتعالج منه بُحبك

ابتسمت بخجل ثم قالت بحزن : انا اسفه اسفه اني شكيت فيك وافتكرتك خاين وبتضحك عليا انا طول السنين دي مش بعمل حاجه غير اني اشتغل كنت بلهي نفسي بالشغل عشان مفكرش فيك يا ياسر بس للاسف معرفتش انساك

_ متتاسفيش انا عذرك اصل هتعرفي منين اني كنت مسجون انا الي بقولك حقك عليا ومتزعليش مني

مروه : طيب خلاص بقا ويلا علي النوم عشان انا ماشيه انت عارف كلها يومين ومش هاجي هنا تاني هتكون فكيت الجبس