⛓️🩸 شـهوات_لا_تـرحم 🩸⛓️
[ You want a battle ? I'll give you a WAR ]
كايجر رجليه بثقالة فالأرض ومعافر بيديه شاد بيها فالحيط ... جسمو الفولاذي كاينزف بالدم وملامح وجهو مختافية وسط كدمات حمراء ... حاس براسو كايسيل وأنفاسو ضعيفة بالكاد قادر يتنفس ... هز عينيه الزرقاء للبناية لي قدامو لي كانت عبارة على حرم جامعي ... طول فيه الشوفة لمدة حتى استرجع أنفاسو المقطوعة وكمل طريقو لأحد السراجم لي كانت محلولة على آخرها ... حط يديه على الحاشية دالسرجم كايستاعد يقفز باش يتلاح للداخل ... واخاا حاس برجليه كايرتاجفو وبجروحو غير مكايزيدو يتحلو .... هز راسو بإستقامة وخدا نفس عميق ... زير على قبضة يديه ودفع برجليه للفوق حتى تسمع صوت إرتطامو القوي مع الأرض دليل على أنه دخل للداخل وطاح حيت مابقاتش عندو القوة يوقف مزال ....
فتح عينيه بثقالة كايحرك فرموشو الكثيفة المبللة بالدمايات ... كايفحص البيت لي هو فيه دابا .... سرير غوز فالقنت مجموع وفوق منو جاكيط بيضاء وسباغة دالأظافر ماقدرش يميز لونها ... حداه مكتب صغير فوقو شي كتوبة ديال الطب مجموعين بطريقة منظمة ... هبط عينيه لحداا المكتب لمح ليفالييز مجموعين بالبينك وفوق منهم ساك أسود مطبوعة عليه علامة ديال نايك .... بلع ريقو الناشف بعدما تأكد أن هادي غاتكون غرفة ديال أحد الطالبات لي كاتستاعد تخرج من أوكرانيا ... ملي سمعو بلي احتمالية الحرب مع روسيا مرتافعة ، كل الدول صدروو أوامر باش الطلبة ديالهم يرجعوو ويخرجو من أوكرانيا لي ولات مهددة ...
سمع باب الغرفة كايتحل وهز عينيه لمصدر الصوت ... ثواني دخلات عليه بنت عشرينية بملامح داكنة خالقة مزيج معاكس تماما مع بشرتها البيضاء ... شعرها الطويل مجموع بأناقة مورا راسها وملامحها المرخية غاديين وكايتعقدو من المنظر لي كاتشوف قدامها ... قدر يقراا الخوف لي طلع معاها وهي كاتشوف فدماياتوو ... قدر يحس برجليها لي غايخويو بيها ملي شافت كتلة رجوولية كلها دم وجروح مستلقية قدامها تحت السرجم ....
............ : ( نطقات بصوت أنثوي رقيق وكايرتاجف ويديها شادة بيهم بقوة البوانيي دالباب ) ... ش شش شكون نتتاا .. شكووون لي وصصصلك عندي لهنااا !!!! ( بلعات ريقها بصعوبة كاتشوف فيه كايسد عينيه بثقالة ويعاود يفتحهم ) ... شكون دار فيييك هاد الحالة !!!
مجاوبهاش فقط مد يديه ببطء وخشاها تحت جاكيطتو السوداء ... جبد بطاقة تعريف فيها شارة ديال المخابرات الأوكرانية ورماها ليها فالأرض حتى وصلات حدا رجليها .... هبطات عينيها للأرض كاتشوف فبطاقتو " إيڤـان رودريغيز " محقق أوكراني ... تنهدات كاتلتاقط انفاسها ملي تأكدات على الأقل انه بعيد على الإجرام والمافيا ... دخلات وسدات الباب موراها كاتقرب ليه بخطوات مترددة ... جلسات القرفصاء حداه كاتشوف فجروحو المحلولة ...
.......... : ( هزات عينيها مباشرة لزرقة عينيه لي بوحدهم لي كايبانو وسط وجهو ) ... خاصك ... ( تنهدات ) خاصك توقف هاد الدماياات لي كايسييلووو ....
إيفان : ( هز عينيه للمكتب وشاف فكتب الطب لي فوقو ورجع شاف فيها ) .. ياك كاتقراي الطب !! وقفيه .....
وقفات بسرعة مبعدة عليه ... شمرات بنيفها وحاولات تسترجع قوتها لي حسات بيها تلاشات ملي شافت شخص فهاد الحالة ... هزات جاكيط من فوق السرير وجرات باليزتها ... جمعات قوتها ونطقات بصوت فيه رجفة الخوف ....
........... : اناااا مغربية .... ايلا مااخرجتش دابا من اوكرانيا ورجعت لبلادي عمري مغانقدر نرجع مزاال ... هادي اخر طياارة ممكن تديني للمغرب ومابقااا ليها والو وتقلع ... ( هبطات عينيها المغرغرين للأرض ) ... سمحليا مانقدرش نعاونك ..... لايشافيك ... ( توجهات للباب وحلاتو يالاه غاتخرج وقفها بصوتو )
إيفان : ( ببحة رجولية غليضة ومبحوحة ) تسناااي ..... ( ضارت شافت فيه بنص عين ) ... ماتقولي لحتى واحد بلي لقيتيني هناا ... سيري نيشان للمطار ...
بمجرد ما سالا هضرتو خرجات وسدات الباب وراها مخلية دموعها يسيلو بغزارة ... كيفاش سمحات لراسها تخلي شخص مضروب بديك الطريقة وتمشي بلا ماتعاونو !!! كيفاش غاتأدي القسم بلي غاتنقذ حياة الناس وهي أول حالة ليها ك طالبة فالطب سمحات فيها ومشات ... ولكن ... المغرب ... والديها ... صحابها ... بقات ليها اخر فرصة باش تشوفهم ... ايلا مامشاتش دابا عمرها تمشي ... زيرات على يد الفاليز بقبظتها الضعيفة وكملات طريقها خارج الحرم الجامعي ....
عند ايفان لي غير خرجات البنت مد يديه مرة اخرى مورا ضهرو وجبد جهاز لا سلكي بالزز ... حاس بروحو غاتخرج من شدة الألم لي كايحس بيه .... حطوو حدات فمو ودوز رسالتو ...
إيفان : ( بصوت رجولي خافت ) الأوكرانيين .... بداو كايشكو فيااا ...
أراءكم وتوقعااتكم 🔥
أنت تقرأ
شـهــوات لا تـرحـم 🔥
Action🔥 • E X C L U S I V E حـــصـــريـــا • 🔥 القصة وازنة ... ثقيلة ... وافية .... قاسحة .... صعيبة ..... مكاترحمش .... قصة أعمق من أني نوصفها فجوج سطور ... مغانعاودش ليكم عليها ... غانخليكم تعيشوها ... تنغموها ... تشهاوها فكل ليلة .... وفكل جزء تلقا...
