⛓️🩸 شـهوات_لا_تـرحم 🩸⛓️
[ You want a battle ? I'll give you a WAR ]
∆ عند أوسمان ...
دخل مع بوابة الفيلا ديالو لي جات فالخرجة دالعاصمة ... كايحرك راسو يمين وشمال بعدما دوز ليلة طويلة فالمكتب كايفكر فالهضرة لي قاليه مارك على صاحبو ... إيفان لي كايعتابرو بحال شي زاجة شفافة قادر يشوف أي حاجة وراها بوضووح ... اليوم كتاشف بلي ديك الزاجة طلعات مجرد مراية كاتعكس غير داكشي لي قادر يشوف ... أشنو مخبية وراها ماعارفوش ... تنهد بضيق وخرج من اللوطو داخل مع الباب لي حلوو ليه أحد الكارد ...
بمجرد ما دخل للفيلا تلاحت بين أحضانو أنثى شقراء بشعر طويل طايح بعشوائية على ضهرها ... لابسة كسوة حريرية سوداء عاكسة بشرتها الصافية ... وجها الدائري رجع كولو حمر وعينيها الزرقاء دايخين ... أوسمان غير شافها فهاد الحالة شدها بقوة من فكها مزير عليه وقرب بفموو كايشم الريحة لي ففمها ...
أوسمان : ليليان!!!!! ( قرب بنيفو لفمها وغير عرفها شربات وتعصب ) شكوووون عطاااك هااادشي نتي تااني ؟؟؟؟
ليليان : ( كاتقيس فيه بحب مواعياش على راسها ) ههههههه بوووسني ... ( شدات راسو وقربات ليه بشفايفها ) فاش كايرجعو الرجال لدارهم كايبوسو عيالاتهم ...
أوسمان : ( عيط على الخدامة المسؤولة عليها بصوت مرتافع ) ماااااااررررريييااااااااا
جات بنت عشرينية لابسة جيب حد الركبة بالباج مع فيست فنفس اللون ... شعرها الأسود مجموع بأناقة مورا راسها ... جات عندو كاتجري وملامحها كلها ذعر من صوتو لي شبعان أعصاب ... زادو عينيها تحلو على آخرهم ملي شافتو مزير على فك ليليان بديك الطريقة على شوية وغايسحقو بقبضة يديه ...
ماريا : ( بخوف ) نعام أسيدي ...
أوسمان : ( كارز على سنانو ) عاارفة هادي أشنو شرباااات ؟؟؟ واااش عاارفة بلي ماخصهااش تقرب لشي حاجة ألكوووليك ؟؟؟ وااش عاارفاها كتاااخد الدواا وممنووع عليها الشرااب ؟؟
ليليان : ( غمضات عينيها من الألم لي ففكها ) ايييي ههههه.... هههه .. قسحتيني ... ماتغوتش عليها .. ماعارفاش بلي شربت ... ولكن عرفتي شنو ؟؟ من بين كااع داك الشراب لي ذقت مكاين لي كايسكرني قدك ههههههه
أوسمان : زييييدك تاااني مع هااادي ( ضار عند ماريا لي كاتقفقف ) قووودي فحااالك نتي ...
ماريا : عااافااك اسيدييي والله ماااشفتهاااا ... طلعات لبيتها وسدات عليهااا يسحاابني نعسااات ...
تجاهلها وهز ليليان بين يديه طالع بيها للبيتها وهي معلقة فعنقو كاتبوس فيه وضحك غايبة تماما على وعيها ...
ليليان : ( كاتجر ليه فحناكو ) ههههه علاش مكاضحكش !! واش مكاتعرفش ضحك ؟ سااهلة ... غاتجبد شوية فمك وتحلو شوية ... ( كادوز يديها على حجبانو ) وترخي هاد تغوبيشة ... وهانتاا ضاحك ههههه ...
أوسمان : ( نطق بهدوء ) علاش شربتي ؟
ليليان : امممممم ؟؟ وعلاش نتا مكاتبغينيش ؟؟ هههه انا كانبغيك وكانقولها وكانقرب ليك ونتا كاتبعد مني ... كاضرني هنا ( حطات يديها على قلبها ) .. انا .. ماشي ختك .. انا مرتك .... هههههه شربت حيت بغيتك تهزني هاكا .... حنا مزوجين وعمرك هزيتيني .... هادشي علاش شربت ...
أوسمان : ( تنهد وكمل طريقو طالع فالدروج ) .. كاتخرجي على راسك ...
ليليان : ( حطات راسها على كتفو ) على بالك ... الفلاسفة فهمو كولشي إيلا الحب ... هههه ماشي حيت ماقدروش يفهموه لاء .. لاء .. لاااء ( هزات راسها وحطات نيفها على نيفو ) .. حيت مابغاوش يفهموه بكثرة ما بغاو يعيشوه ... حتى انا باغا نعيشو معاك ( حل باب بيتها وحطها للأرض ) ... واش سمعتيني بغيييت نعييشو معاااك ...
دخلها للدوش وحطها تحت الرشاشة كايشوف فيها رجعات ذابلة ... عينيها منفوخين بالبكا وشفايفها تقشرو بكثرة ما شربات .. هزات فيه عينيها بشهوة باغا تقرب ليه تاني وهو بسرعة حط يديه على الماء البارد وطلقو عليها حتى شهقات بصوت مسموع ...
ليليان : ( مدات ليه يديها عاضة على شفايفها ) اجي حدايا ...
أوسمان : ( كايشوف فكسوتها لاسقا على جسدها لي كاينبض بالأنوثة .. وشعرها الأشقر فازك ولاسق على جبهتها بإغراء ) راك شاربة .. غدا غاترجعي عقلك ويتنادم معاك الحال ...
ليليان : ههههههه ( حركات راسها بنفي ) .. شاربة ولا ساحية غانبغيك ديما حدايا ... ( جرات يديه وحطاتها على صدرها ) تقييسني ... ( غمضات عينيها وقربات لشفايفو ) تبوسـ.....
بعد عليها وخرج من الدوش ساد عليها الباب رجع شعرو المببل للوور بغضب وخرج من بيتها بسرعة جبد تيليفونو مدوز نمرة ايفان بعد ثواني جاوبو ....
أوسمان : ( نطق مغدد ) نلقاك كاتسناني حدا مدرستنا القديمة ...
قطع الخط مرجع الفون لجيبو فنفس الوقت تأكد من دخيرة المسدس ديالو ... ايلا كان ايفان بالصح كايخون بلادو غايقتلو حيت خان صداقتهم ... يالاه غايتحرك حتى كاتبان ليه مارياا بوجه شاحب كاترجاه بعينيها ..
ماريا : كانقسم ليك اسيدي ماشفتها ..
أوسمان : ماريا .... خدمتي عامرة بالمسطيين ماعندي فين نزيد التسطية ديالها تا هي ....
ماريا : ( حركات راسها بسرعة ) واخاا كوون هاني .. من اليووم مغاتخرجش من قدام عيني ...
شاور ليها براسو وخرج بسرعة غادي يتلاقا ايفان ...
أنت تقرأ
شـهــوات لا تـرحـم 🔥
Aksiyon🔥 • E X C L U S I V E حـــصـــريـــا • 🔥 القصة وازنة ... ثقيلة ... وافية .... قاسحة .... صعيبة ..... مكاترحمش .... قصة أعمق من أني نوصفها فجوج سطور ... مغانعاودش ليكم عليها ... غانخليكم تعيشوها ... تنغموها ... تشهاوها فكل ليلة .... وفكل جزء تلقا...
