⛓️🩸 شـهوات_لا_تـرحم 🩸⛓️
[ You want a battle ? I'll give you a WAR ]
صورة مورا الأخرى خلاو قلبها يضرب بوثيرة سريعة ... ورجليها يخويو بيها ... السؤال هو شكون هدا لي جات معاه ؟ شنو علاقتو بهاد العائلة ؟ علاش كايقوليهم واليديه مدام ماعندهم حتى شي صورة كاتجمعهم كاملين ؟ طيحات الألبوم من يديها وجلسات على حافة السرير شادة راسها بين كفوفها ...
أية : قووووودتهااا ... انااا فييين جيييت فييييين ... ( دموعها سالو ) يااربي بغييييت غا نرجع لداارنااا ...
تفكرات السلاح لي شافت عند الأب ديالو فأحد التصاور ووقفات بسرعة كاتقلب فأي مجر عليه على الأقل دافع بيه على راسها ... دقائق قليلة قدرات تلقاه مخشي وسط حوايجهم عمراتو بالقرطاس وجلسات فالأرض كاتفكر كيفاش غاتهرب فالصباح قبل مايرجع .... تفكيرها تقطع بمجرد ما سمعات الدقان فالباب ... خبطة يد رجولية خلات قلبها يوقف على النبض وتحل عينيها على آخرهم ..... بحذر وبخطوات هادئة توجهات للباب ديال الدار تحلو والسلاح فيديها ... وصلات لحدا الباب والدقان كايتسمع بشكل واضح ... خدات نفس طويل ... حلاتو ورجعات موراه مخبعة بسرعة ...
إيفان دخل هاز فيديه صاك أسود ومقارن حجبانو بدهشة حيت حلات الباب واختافات يالاه غايضور وراه حتى كايحس بسلاح باارد تحط مورا راسو الشيء لي خلاه يطلق الساك فالأرض ويهز يديه ببطء للفوق بمعنى راه ما ناويش يقاومها ...
إيفان : ممكن نفهم أشنو كاديري ؟؟
آية : ( نطقات بصوت مرتفع وبهيستيريا مخلية ذاتها كلها ترعد ) سسسسكااااات وهببببط للأررررض على ركابيك ... ( شاف فيها بنص عين وهي غوتات بتهديد ) .. ماااتحاااولش ولا كاانقسم ليك حتى نخويه فيك كامل ...
تأكد بلي ماسحباتش صمام الأمان من اللور الشيء لي مغايخليش القرطاس يخرج واخا تضغط على الزناد ... حس بانفاسها الغير منتاظمة ودقات قلبها السريعة ... حاس بالخوف لي راكبها ف ماحاولش يتعاند وجلس بهدوء على ركابيه ...
آية : ( بنبرة كاترعد ) حححيد سمطة دسروالك بالشوية ....
إيفان : ( جابت ليه الضحك ) هه نعام !!
آية : مكانضحكششششش قلت ليييك حييددددهااااا ...
بتاسم بجنب فمو وحيد السمطة من سروالو جينز لي لابس ...
آية : يالاه سد بيها رجليك ...
إيفان : ههه خايفة نهرب !!
أية : خايفاك تهجم عليا ... دابا سد رجليك بلا هضرة ....
إيفان : ( حزم رجليه بجوج بقوة وهز فيها عينيه كايشوف فالسلاح محطوط على جبهتو ) .. اهاه دابا شنو أدكتورة !!
بلعات ريقها بصعوبة وزادت تزيرات ملي شافتو هادئ بديك الطريقة ... ملامحو مرخية وتنفسو مقاد ... محاولش حتى يدافع على راسو واخا كاتهددو بسلاح عامر قادرة فأي لقطة تخويه وسط دماغو ... تنهدات بعمق ومدات يديها الخاوية للسمطة دسروالها كاتحيدها بلهفة وهو قارن حجبانو بدهشة وحاضي مع حركاتها ... نتراتها بعنف ولاحتها ليه للأرض ...
أية : ( تكونو حبيبات عرق على جبينها ) شد .. لويها على يديك ...
إيفان : ( عوج شفايفو وبتاسم باستغراب ) هه عمري شفت شي ضحية كاتكتف راسها !!!
أية : ( جلسات القرفصاء .. حطات السلاح وهزات السمطة بسرعة ) عندااك يقووول ليك راسك تهجم عليااا ... ( مد ليها يديه ضاحك وهي كتفاتو بإرتجاف )
إيفان : ( كايشوف فالربطة الضعيفة لي دارت ليه ) .. هههه نسيتي فمي واقيلا !!! نقدر نمشي نشري ليك سكوتش ونجي نكملوو اللعب ...
أية : اناااا مكااانلعببششش معااك .. ( لاحت ليه تصاور قدامو هو هز حجبانو ) ايلا كاان هداا هو ايفاان شكون نتاا ؟؟؟؟
إيفان : ( بقا مدة كاشوف فالصور عاد هز راسو فيها ) .. إيفان ...
آية : وااش كاااضحك عليااا !!!!! سولتك شكوووون نتاااا
ايفان : انا ايفان رودريغيز محقق أوكراني عاونتيه وخيطتي ليه جروحو ... وهو باش يقولك شكراا جابك لدار والديه فين تقدري تباتي بينماا سيفطك لبلادك ... وحيت نتي مصوابة كتر من القياس ملي رجع عندك ضايفتيه بفردي وربطتيه كي شي دجاجة ومن الفوق كاتقلبي ليه فحوايجو ... ( عوج شفايفو ) حسبي معايا شحال من عام غادوزي فالحبس ...
أية : ( حسات بالدنيا ضارت بيها وتركيزها تشتت تحت شوفاتو ) ... هاد التصويرة ماشي ديالك ملي كنتي صغيير ...
إيفان : حيت مغانبقاش ديما صغير أدكتورة واقيلا قراوكم بلي بنادم كايكبر ... وكايتبدل ...
أية : ملامحنااا مكايتبدلوووش .... نيفك .. فمك ... شكل دعينيك ... وجهك ... تا حاجة مكاتشبه ليه فيها !!!!
إيفان : ( تنهد بقلة حيلة وبعد مدة نطق بملامح جامدة ) ... فايت تحرق ليا وجهي ب لاسيد .. ودرت زرع الجلد والتجميل من بعد ... ها علاش مكانتشابهوش ..
أية : ( حركات راسها بنفي ) مايمكننننش ....
إيفان : قربي ... ( بقات واقفة كاتشوف فيه بعدم تصديق ) ... يدي مبوطين .. عندك سلاح عامر ... يعني قربي أبنت العبد راه مغاناكلكش ...
أنت تقرأ
شـهــوات لا تـرحـم 🔥
Ação🔥 • E X C L U S I V E حـــصـــريـــا • 🔥 القصة وازنة ... ثقيلة ... وافية .... قاسحة .... صعيبة ..... مكاترحمش .... قصة أعمق من أني نوصفها فجوج سطور ... مغانعاودش ليكم عليها ... غانخليكم تعيشوها ... تنغموها ... تشهاوها فكل ليلة .... وفكل جزء تلقا...
