⛓️🩸 شـهوات_لا_تـرحم 🩸⛓️
[ You want a battle ? I'll give you a WAR ]
واش ممكن نخافو من نسمة الهواء الخفيفة لي كاتنعشنا ؟ داك الهواء لي كايداعب شعرنا ويطيرو فالسما غانخافو منو ؟ حيت ممكن فأي لحظة يتحول لعاصفة دمرنا فثواني ... هدا هو الشعور لي حسات بيه آية وهي كاتشوف فيه هاادئ ... رزين .... بارد ... ولكن ماعارفاش امتا ريحو غايجهاد .... بلعات ريقها وقربات ليه مزيرة يديها على السلاح لي معارفاش حتى واش شاداه بطريقة صحيحة ....
إيفان : ( نطق بصرامة فيها نوع من اللطف ) ... نزلي على ركابيك ..
جلسات على ركابيها وهو ضور راسو للوراء مخليها تشوف جنب عنقو ... صغرات عينيها وقربات ليه تشوف بصورة واضحة وفعلا قدرات تميز واحد القطعة من الجلد ديالو كانت داكنة ومجبدة من الجناب لونها مختالف على لون جلدو الطبيعي ...
إيفان : ( قلب وجهو لعندها وتقاربو وجوههم ) .. واش ممكن تكون هاديك توحيمة ؟
أية : ( بتردد ) لا .. لا مايمكنش حيت الجلدة فديك البلاصة لونها غامق ...
إيفان : ( هز حاجبو بتساؤل ) وعلاش فنظرك ؟
أية : حيت ماشي ديالك ...
إيفان : ( ضربها بصبعو لجبهتها ) ههه مجتهدة ... الجلدة لي فوجهي ديالي هزوها من دراعي وزرعوها .. إيلا ديك البلاصة زرعو فيها الجلدة ديال متبرع آخر ... ( بتاسم بإستفزاز ) ههه واقيلا هاد الموديل باقي ماوصلتوه ؟
آية : ( وقفات بسرعة مرجعة شعرها مورا وذنيها وعاضة شفايفها بخجل ) ... سـ .. سمحلياا مااكنتش عارفاا هادشي كاامل وااقع ليك .. ( حكات راسها ببلاهة ونطقات بسرعة ) عرفتييي شنووو اناا غلطت فحقك ياااك !!! ( شاف فيها وحدرات عينيها لبعيد ) غانخلص هادشي لي درت ( تنهدات ) اففف ماعنديش فلوس ولكن ماشي بالضرورة نخلص بالفلوس ( صغر فيها عينيه وعرفاتو فهم غلط ) زعمااا نخدم عندك ... نتاا ديجاا مضرووب ومقسح ومكاتقدرش تصوك بزااف .. انا غانبقاا نصوك بيك بلا خلاص ... هكاا .. زعماا هكاا غانكونو رجعنا الصرف لبعضياتنا ... ( كاتسنى فيه يعطيها جواب )
إيفان : ( بتاسم لتفاهتها ووقف من الأرض نلبس سمطتو ونزل لمستواها كايشوف فعينيها عن قرب ) .. مسالية غدا ؟
آية : ( متوترة من أنفاسهم المتقاربة ) .. هااا !! علاش .. زعماا ااه مسالية .. غير عطيني سوارت وانا مسالية نصووك بيك ..
إيفان : واش مسالية تمشاي على رجليك ؟
آية : ( حلات عينيها بصدمة ) اممم .. انا وياك !!! ( سد عينيه بقلة حيلة ) .. اااااه اناا وياك مسالية .. وي ... مسالية
إيفان : ( وقف باستقامة ) مزيان ... غانخرج من الخدمة ونجي نخرجك ... تصبحي على خير ( ضربها لنيفها بصبعو ونساحب )
أية : ( باقا مصدومة حتى سمعاتو حل الباب ) ايفااان .. نسيتي الصاك ديالك ..
إيفان : ( شاف فالصاك مليوح فالأرض ) جبتو ليك .. ( ضار يمشي فحالو )
آية : ايييفااااان
إيفان : ( ضار عندها براسو مصغر عينيه بمعنى شنو ) ..
أية : ( عضات شفايفها حشمانة من داكشي دارت ليه ) .. هههههه سسمحليا على التبهدييلة دقبايلا ... زدت فيه شوية ...
إيفان : ( بتاسم بجنب فمو ) باراكا من الفضوول وسيري تنعسي ...
خرج سد وراه الباب مخليها كاتنقز فبلاصتها من الفرحة ... على الأقل مخليها تحس بشي حاجة من غير التخمام فالمغرب ... توجهات بسرعة لباليزتها حلاتها كاتشوف شنو ممكن تلبس غدا ملي تلاقاه ....
أنت تقرأ
شـهــوات لا تـرحـم 🔥
Action🔥 • E X C L U S I V E حـــصـــريـــا • 🔥 القصة وازنة ... ثقيلة ... وافية .... قاسحة .... صعيبة ..... مكاترحمش .... قصة أعمق من أني نوصفها فجوج سطور ... مغانعاودش ليكم عليها ... غانخليكم تعيشوها ... تنغموها ... تشهاوها فكل ليلة .... وفكل جزء تلقا...
