⛓️🩸 شـهوات_لا_تـرحم 🩸⛓️
[ You want a battle ? I'll give you a WAR ]
• صباح جديد •
حلات عينيها السود بثقالة بعدما عماتها شميسة دالصباح لي دخلات من السرجم الشيء لي خلاها تزيد تتكمش فالغطاا بحكم صقيع البرد القوي ... حلات عينيها وتوجهات للحمام دير روتينها الصباحي عاد تمشي توجد فطورها بعدما جاب ليها ايفان البارح معلبات وعواصر ...
بعد ساعات فطرات فيهم ولبسات حوايجها خرجات للجردة تشم الهوا خصوصا ان هاد البلاصة هادئة بحالا مسايقينش الخبار بلي بلادهم داخلة فحرب سياسية مع روسيا ... دغيا قارنات حجبانها ملي بانو ليها جوج دراري فنفس عمرها هازين شكاراتهم فظهرهم وكتوبة فيديهم ... ولعة أمل سرات فجسمها ملي شافت طلبة فهاد البلاصة ... خرجات من الجردة بسرعة ولحقات عليهم فالشارع موقفاهم ...
( الحوار بالأوكرانية )
أية : ( شدات واحد فيهم من دراعو ) ... سمحليااا ممكن نسوولك عافاك ؟؟؟
الطالب : ( كايشوف ف صاحبو لي معاه سبقو وهو مستعجل ) .. اهاه سولي ....
أية : انا مغربية وفاتني طياارة والبارح كان تيليفوني خاوي و ماقدرتش نشوف البلاطفورم لي غاتكمل لينا فيها الدولة الدروس ... ممكن تـ...( قاطعها )
الطالب : ( كايشوف فجنابو وتحرك مخليها مستغربة ) .. عافاك تحركي معايا وغانسيفط ليك سيت راني زرباان مايمكنش نبقاا وااقف ...
أية : ( تبعاتو كاتحاول تلحق على خطواتو وهو كل شوية يهز راسو يشوف فجنابو ) .. واش تابعك شي حد ؟؟؟؟؟
الطالب : ( شاف البوليس ووقف مصدوم ) ... شووفي ... ضاروري تبعي صااحبي واخااا !! ( حيد شكارتو وعطاها ليها وحط تيليفونو فجيبها ) .. عطيه شكارتي وتيليفوني راه غاتلقااي فيه بلاطفورم فين غانكملو دروسناا ...
أية : ( حركات راسها بنفي ) مانقدرش اخووياا ... انا غير وريني سيت ونمشي فحالي بغيتي صاحبك تبعو ...
الطالب : ( حط يدو على كتفها ونطق بتعاطف ) .. الدري صاحبي حتى هو مغريبي بحاالك ... تبعيه ايلا بغيتي ترجعي لبلادك ... هو غايشرح ليك كولشي ... ( بلع ريقو وحاضي مع البوليس ) .. ايلا وقفووك البوليس غير وريهم بطاقة الطالب وغايطلقوك ... صاحبي سميتوو ياسين سربي لحقي عليه وعطيه شكارتي وتيليفوني ... واخا !!!!
أية : ( شبه قتانعات بهضرتو وقررات تغامر على قبل بلادها ) وااخاا ... ( أشار ليها براسو وغير خطى جوج خطوات طلقها بجرية مبعد على البوليس ) ياااااربي تخرجهااا ليااا على خير ...
خشات يديها فجيب جاكيط وكملات طريقها بخطوات سريعة تابعة أثر ياسين من بعيد ... دازت من حدا البوليس وماوقفوهاش الشيء لي خلا خوفها ينقص وأملها يزيد ... غير فكرة أنها لقات مغريبي خلاتها تحس بالراحة ...
أية : ( كاتعيط ليه بصوت مرتفع ) يااااااسيييييين ... خووويااا ياااسيييين صبر بلاتي ...
ياسين : ( سمع الدارجة ووقف كايتسناها توصل ليه ) ... مغربية !!!!!
أية : ( ضحكات بعفوية ) هههههه مااايمكنننش واللله حتى فقدت الأمل ... مامتيقاااش لقيت مغريبي فهاد القنت ... ( مدات ليه يديها وحتى هو سلم عليها وكملو طريقهم ) سميتي أية من فاس ... ونتا من ايناا مدينة ؟ واش مشات عليك طيارة حتى نتا ؟؟
ياسين : أنا من آسفي ... مالحقتش على الطيارة والمقوودة مالين الدار عند بالهم مشيت للمغرب ومريح فكازا ... ولكن قريب نمشي ..
أية : بالصح !!!!! كييفاش غادير تمشي نمشي معاك ...
ياسين : ( شاف فيها مصدوم ) .. بلاااتي واش معارفااش اشنو كاندييروووو دابا ؟؟؟؟ معارفاش اشنو هازة فشكارتك ؟؟؟؟
أية : ( باستغراب ) لا !!! صاحبك عطاني هادشي وقالياا نتبعك نتا تشرح لياا ... ( وقفاتو بصرامة والخلعة باينة على ملامحها ) علاااش كاتخبااو من البووليس ؟؟؟ وشنوو كاادييرووو ؟؟؟
ياسين : ( شاف فيها لمدة من بعد تنهد مكمل طريقو ) تحركي بعداا ونشرح ليك فالطريق ....
أنت تقرأ
شـهــوات لا تـرحـم 🔥
Akcja🔥 • E X C L U S I V E حـــصـــريـــا • 🔥 القصة وازنة ... ثقيلة ... وافية .... قاسحة .... صعيبة ..... مكاترحمش .... قصة أعمق من أني نوصفها فجوج سطور ... مغانعاودش ليكم عليها ... غانخليكم تعيشوها ... تنغموها ... تشهاوها فكل ليلة .... وفكل جزء تلقا...
