⛓️🩸 شـهوات_لا_تـرحم 🩸⛓️
[ You want a battle ? I'll give you a WAR ]
غادية فالرواق بعقل مشوش وخطوات سريعة حتى وصلات للخارج ... ضربات فيها أشعة الشمس عاد حسات براسها فاقت من دوامة التفكير لي دخلات فيها ... شافت ليمن وليسر طلبة كتار كلشي جار باليزتو وراه وكايجري يلحق على طاكسي او اي وسيلة نقل تديه للمطار ... أصوات عالية ديال الطلبة شي كايعيط على صاحبو وشي كايغوت على لاخر يخرج ليه الطريق ... وسط هاد الفوضى كاملة واقفة هي على المحك ... و إيلا مات ؟ واش روحو غاتحسب عليها هي ايلا ماعتقاتوش !!! مافيقها من سهوتها غير يد جراتها من وسط الطلبة لي كايضربو فكتفها وهي محاساش ....
........... : ( كاتشوف فيها بحاجب مهزوز ) ... أية !!!! واااش من نيتك أصاااحبتي وااقفة هنااا .. دووزي تحركي نقودو بحالناا خلاص ....
أية : ( بتردد ) مجدولين سبقيني نتي ... هاني جايا واخاا ... غير نجيب شي حاجة من بيتي ونجي ...
مجدولين : خلي ليا لي فاليييز نوصلهم .. طيري نتي تجي تلقااايني لقيت طاكسي يوصلناا ...
آية : ( شداتها من دراعها وشافت فيها بجدية ) ... مجدولين ... ماتسنااينيييش انا عندي لي يوصلني تال المطار .. غير سبقيني ...
رجعات بخطوات للوراء راجعة ادراجها لوسط الحي الجامعي .... حاسة بقلبها كايضرب بحالا دارت شي حاجة ماهيااش ... أكيد وهي غادة عكس التياار ... خطوات الطلاب كايمشيو بجيهة الباب وهي بلاصة ماتخرج .. دخلات !!! خدات نفس عميق كاتحاول تصفي أفكارها قبل لاتتراجع تاني ... طلعات من المصعد لي وصلها مباشرة للبيت ديالها ... حلاتو وتصدمات بيه مكاينش !!! حتى الدم لي كان سايل فالأرض مابقاليه حتى شي أثر بحالا كانت غير كاتحلم !! بحالا عمرها تلاقاتو ... طلقات من ليفاليز وحطات يديها على فمها مصدومة ....
أية : لا لا مايمكنننش .......
سمعات صوت جاي من الدوش .. صوت الرشاشة تطلقات الشيء لي خلاها تندافع بجسمها للداخل وبدون وعي منها حلات باب الحمام باش تلقاه الداخل ... واقف تحت الرشاشة لي كاتغسل ليه دموو مخليا شلال أحمر يدوز فوق الأرض ... جسمو عاري من الفوق وعظلاتو باينين بوضوح ..... حتى جروحو المحلولة والكدمات لي عليه واخدين بلاصة كبيرة فصدرو وكتافو .... هزات عينيها فملامح وجهو لي عاد بانو ملي غسل بالماء .. ذقن رجولي مطراسي وشفايف منفوخة مخرطين بجروح طفيفة ... حجبان كثيفة دايرين الظل على عينيه المعقودين من تصرفها الجريئ .....
إيفان : ( هاز حاجبو فيها ) أش كاديري نتي هنا !!!
أية : ( عاد وعات على راسها اش كادير وعطاتو بظهرها كاتهضر بتردد ) .. رجعتتت نننحبس ليك دووك دمايااات ... ماانقدرش نخليك فديك الحااالة ونمشي ....
بلا ماتسمع ردو توجهات نيشان لتحت سريرها جبدات قرعة ديال الشراب ... هزاتها ورجعات ادراجها لعندوو هو غير شاف لالكول فيديها هز حاجبو بذهول ... فهمات شوفاتو وجراتو من يديه للبراا ....
أية : صاحبتي لي كاتخلي عندي شراب حيت هي ساكنة فبيت مشروك ... ( جلس فوق السرير هاز راسو فيها وهي نطقات بنفس النبرة المرتاجفة ) ... شوف .... غانعاونك ... وفاش نساالي وصلني للمطاار ... واخاا !!
إيفان : ( طول فيها الشوفة عاد نطق محرك راسو بالإيجاب ) ... بدااي ...
جبدات إبرة وخيط من المجر لي حدا سريرها وجلسات قبالتو مقربة لصدرو كاتشوف فتفاصيلو الرجولية ... بيد كاترعد فتحات قرعة دالشراب وخواتها على الجرح بعدماا سدات عينيها عايفة الوضع ...
أية : ( هزات راسها فيه لقاتو كايشوف فيها ونطقات بنبرة تحذيرية ) .. غانخيط دااباا ايلا قسسسحتك....
إيفان : ( قاطعها ) ... سربي راسك ايلا باغا تلحقي طيارتك ...
حطات يد على صدرو كاتحسس ملمسو الخشن واليد الأخرى شادة بيها الإبرة لي غادخلها فلحمو ... أصابع أنثوية كاترعد ... وانفاسها المتقطعة كايضربو فيه ... ماقدراتش .... كانت مولفة كاتخيط جلد اصطنااعي ولكن فكرة أن بنادم حي وكايتنفس قدامها وغاتخيطو بلا بنج ... خلا دماغها يوقف حتى كاتحس بيد صلبة شدات يديها الصغار لي كايترعدوو بإحكام ...
إيفان : ايلا غاتبقاي هكا راك كاضيعي وقتي ووقتك .... ( زير على يديها حتى دخلات الإبرة فلحمو وهي غوتات ) ... ايلا خااصك دفيعة قوليها ... ( كايشوف فيها مصدومة وحالة عينيها السود على اخرهم ) ... دابا كملي .....
أنت تقرأ
شـهــوات لا تـرحـم 🔥
Action🔥 • E X C L U S I V E حـــصـــريـــا • 🔥 القصة وازنة ... ثقيلة ... وافية .... قاسحة .... صعيبة ..... مكاترحمش .... قصة أعمق من أني نوصفها فجوج سطور ... مغانعاودش ليكم عليها ... غانخليكم تعيشوها ... تنغموها ... تشهاوها فكل ليلة .... وفكل جزء تلقا...
