م ابيك تستغرب برودي و تقصيري
كل الحكايه بديت اقلد اسلوبك !
.
.
لبست طرحتها وغطت نص وجهها :مين ؟
ابو حامد بفضاضه:وين ابوك؟..
وتين:ابوي تعبان مايقدر يقابلك
ابو حامد بحده: شوفي يابنت خالد قولي لابوك يرد فلوسي قبل مايموت وابتلش به
وتين:بس انت قلت شهر! وتونا بنصه؟
ابو حامد:وش علي ابغى الفلوس الي اخذهم ابوك ولا بيننا شرطه وبينسجن ابوك!
وتين بخوف:لا لا وش شرطه يابو حامد تكفى لا انت تعرف مالنا بعد الله الا ابوي ..وعيونها مدمعه
ابو حامد بمكر:تبين ابوك ماينحبس هاه ..طيب عندي شرط ياتوافقي يا ينسجن ابوك
وتين بخوف وتكلم نفسها وش اوافق؟ وصدمها لما
قال برفعه حاجب :شرطي تتزوجيني واعتبر الي عند ابوك مهر لك وعندك خيارين لا ثالث لهما ياتوافقي يا
تـتـزوجــني!!!
وتين بصدمه:كـ..كيف تقصد اتزوج ولدك ولا وش كيف اتزوجك شايف عمرك انت وبغضب صكت الباب بوجهه ودخلت بسرعه لغرفتها وهي بتنفجر بأي لحظه من قوة الضغوطات التواجهها من كل صوب
شايله هم مرض ابوها وهم اخوانها ومن وين بتجيب فلوس لعلاج ابوها بعد ما امها باعت اخر قطعه من
ذهبها ودفت تكاليف المستشفى والباقي صرفته بالبيت وعطت جارتهم الباقي لان امها اخذت منها سلفه قبل والحين "ابو حامد" النشبه ..وتين بسخريه:قال ايش قال تتزوجيني اننن غبي كبر جدي ويفكر بالزواج اخخخ
_______________________________
عند شلة الخراب!!
غسان وهو يشرب شيشه:شباب وش رأيكم نطلع كذا كشته ولا اي مكان طفشت
بسام:وانت صادق طفش...ولتفت لعند رافي يلي منشغل بالجوال وضحك بستخفاف:شافله صيده جديده ..رفسه :هاايي انت قاعدين نتكلم وانت بعالم ثاني ...الا وش اسم الحلوه الي تراسلها
رافي ناظره :خير شفيك ترافس كنك معزه تقدر تهزني تناديني لين ارد مو ترافس ياخي تحضر وكن راقي شوي
بسام شافه بملل:طيب رد على سؤالي
رافي :ياخي شعليك انت
بسام جا بيرد وقاطعه غسان بحده:بزران انتم هااه
___________________________________
"بيت ابو عزام"
رنيم وهي بغرفتها تأفافت بملل وطقت براسها فكره ودقت على ديما:هلا هلا سلام ياحلوه
ديما:وعليكم السلام كيفك؟
رنيم :الحمدلله...ايي ماعد تسألي ولا تدقي وتقولي عندي بنت عم اكيد طفشانه تعبانه مااتته
ردت ديما بضحكه:ياحبك لدراما ...ياقلبي وربي كنت مشغوله وتو فضيت
رنيم:اهه دامك فضيتي وش رايك نروح لوسن اكيد مودها خربان
ديما:طيب بس بكلم امي وابوي ورد لك
رنيم بضحككه:هههه حتى انا ماكلمتهم بس ما اظن يعارضوا
ديما :يلا بكلمهم وتكشخ وبدق عليك اذا خلصت ومري لي اوك
رنيم:طيب يلا سلام
ديما:مع سلامه
كل واحده راحت استأذنت ووافقوا وكل واحده بغرفتهاا تتكشخ
_______________________________________
______
لندن
حمد:يازين الحريه بس
ماجد:وانت الصادق
حمد:وش رأيك نطلع نتنشى طفشت من الفندق ويقولون هنا الملاهي احلا من ملاهي الرياض وغمز له
ماجد بضحكه:اجل قدامم
*ماجد*صديق حمد ونفس الطبع وعمره 25 نفس عمر حمد وعنده اختين "لمار ومنار" لمار بثالث متوسط ومنار بثالث ثانوي وعندهم اخ اسمه "حاتم"
متزوج وعايش بشرقيه مع زوجته وعمره34
وامهم توفت بحادث وهي رايحه تعتمر مع اخوها
اما الاب متزوج وزوجته عقيم
تم التعريف بعائلة ماجد سالم آل***
___________________________________________
ندى:وين عندك فلوس ؟؟
وتين:ليش وش تبي فيهم!
ندى:ابغاهم
وتين:طيب قولي لي لوش؟
ندى بزعل:ابغى اشتري لي شنطه جديده للمدرسه
دايم البنات يعايروني عليها ..وما ودي اكلم ابوي لانه تعبان ...عندك؟
وتين بتنهيده قامت لدولابها وطلعت الفلوس الي كانت تجمعهم عشان تشتري كتب للجامعه بس شكله
مالها نصيب فيها وعطت اختها
وتين:طيب متى تبغي نطلع السوق؟
ندى :بروح اليوم انا وملاك وامها*جارتهم
وتين:طيب وكلمي امي
ندى وهي طالعه من الغرفه وبفرح:طيب
_______________________________________
مشعل بغضب :وش هذااا الاهمال هاا لو كان مات كنت بتنسجن انت وياه
العسكري الاول:ااء اصلاً كنا
ومشعل قاطعه:كنتو وشو كنتو طاقنها سوالف وتاركين مهمتكم هااه
العسكري الثاني:ياحضرة الضابط كنا مركزين ومحد دخل له غير الممرضين او الدكتور المشرف يقولو بيشيكو عليه
مشعل:اجل ممرضين ودكاتره قلت!
العسكري:ايه
راح مشعل لمدير المستشفى
مشعل:السلام عليكم
المدير وقف احتراماً لمشعل ورد:وعليكم السلام ..ياهلا بالضابط عسى ماشر
مشعل:شوف "يابو حامد" ابغى ممرض ودكتور ثقه بذا المستشفى.....
قعدو يتكلمو واتفقوا على الممرض والدكتور الي مايقبلو الرشاوي وطلع من عند ابو حامد وراح للعسكريين الي يحرسوا فهد لانه كان رئيس لمداهمه
واكيد بيحاولو يقتلوه وطبعاً حاولو بس ماقدرو ولما اكتشف مشعل تصرف بالموضوع.....
اما عن ابو حامد ف أي هو نفسه الي يبغى يتزوج وتين وعينه زايغه "الله ياخذه"
_________________________________________* انتهى البارت*
توقعاتكم !!
قدرو تعبي بـ تصويت
تعليق حلو مثلكم وش رأيكم بالبارت والشخصيات
حمسوني عشان اكمل
بيكون التنزيل
السبت
الثلاثاء
الجمعه
الساعه10 المساء
وش رأيكم؟
أنت تقرأ
كل شي يهون لعيون ابوي
General Fictionفتاة يغرق والدها في الديون فكيف ستساعده فتبحث عن وظيفه ومن سيوظفها وهي بأولى سنه جامعه؟؟
