كل شي يهون لعيون ابوي

بارت 10

اللهُم ‌الثبَات‌ وقت لا حول ‌لنا ولا قُوة :

لاتنسو⭐ و 💬 والمتابعه لصفحه

حسابي انستا zino_4520
.
.

عند مشعل
لحقهم وشافهم داخلين حيّ بسيط جداً وقف بمكان بعيد وشافها تساعد ابوها على النزول ودخلو البيت بقى يناظر البيت وهو يفكر وقطع تفكيره من شاف احد يطق بيتهم كان يناظره بترقب وشاف الباب انفتح شوي .....

عند وتين ساعدت ابوها ودخلته بغرفته يرتاح بعدها طلعت الصاله تجلس مع امها وسمعت الطق وزفرت وهي شبه متأكده انه ابو حامد لبست وطلعت له :خير يابو حامد
ابو حامد وبابتسامه خفيفه:الخير بوجهك ...
وتين بنفسها خير خير:وش بغيت يا بو حامد كل يوم والثاني وانت متسنتر هنا
ابو حامد برفعة حاجب:والله جاي اشوف فلوسي وش صار عليها ولا تبو اسكت لكم ....
وتين وبداخلها كره لذا الشخص الكريه: فلوسك جايتك محنا بسارقينك وانا عند وعدي وبكره ببدأ الدوام
ابو حامد:هه نشوف ...
راح وسكرت الباب ورجعت لأمها
ام وتين:وش في؟؟ من عند الباب!
وتين وهي تجلس بجنب امها:مافي شي بس ذا ابو حامد الكريه يحسب ان حنا بـ نَنبه ..وبهمس غبي ومعتوه
ام وتين بتنهيده :الله يفكنا من الديون ومن شره

....
رجع مشعل للبيت وهو يحاول يربط ويفكر وش جاب ابو حامد لبيتهم وحاول انه يقرب لجل يسمع بس ماش ماسمع شي بس تفكيره وصل لنقطه واحده والي هي ان "ابوحامد" يقرب لهم من جهة امها بس اذا كان يقرب لهم اكيد انها بدخله وتضيفه
نام وهو في حيره !!......

.....
...
_يوم جـديد_

العصر

ببيـت "ابـو فـارس"
فارس هو و زوجتـه وعياله راحـو الصباح لبـيت ابوه كـ زياره و جـاه شغـل طـارئ وضطر يطلع وقال لـ ميهاف بيرجع باليل ....
كانت ميهاف تبدل لـ سالم ملابسه وعبـدالله كان تحت يلعب ..نزلت من الدرج هي وسالم وفجأه اسرعت لتحت من سمعت صراخ ديما وتتفاجأه انها قاعده تصرخ على عبدالله وعبدالله شوي ويبكي
مشت بسرعه وحضنته والتفتت لـ ديما وهي تناظرها بحده:وشفيك تصارخيي عليه يالي ماتستحي خوفتيه
ديما ووجهها محمر من الغضب: انــا الـي ما استحــي ماتشوفـي وش سـوا
وقفت ميهاف وهي تصارخ:وش الـي سوا تراه بزر ولا تصـارخي على عيالـي حــدك تـرا مــا اسـمح لـك
ديـما بنفس الغضب :بزر هـاه هالبزر يتعلـم مـو معناته بزر يعـني نمشـي له كل شـي
ميهاف:لا تعالـي وطقيـه احسن مابقى الا هـي
ديما بتحدي مع انها ماتقدر لانها تحب عيال اخوها بس الغضب اعماها : اي بطقه وعينك تـشوف
قربت ميهـاف:طالت وشمخت تبين تمدين يدك على ولدي يالحيوانه ..وبتسرع من ميهاف عطت ديما كف

وعم الهدوووء ...وسالم وعبدالله دموعهم اربع اربع
تو تستوعب ديما الكف

قامت ديما عليها بهستيريه :انـا انــا تضربيني كف هين هين وربي لوريك. ردت ديما الكف وميهـاف مسكت بشعر ديما وصفتها كف اقوى من الي قبله
ديما ماقدرت عليها وكانت تحاول تدفها عنها لكن بدون فايده
ديما وهي خلاص :ابعدي ياحيواانه ..ابعدييي
ميهاف:انا تضربيني كف هين يا بنت الحـرام
ديما مدري كيف جتها القوه من سبتها دفتها بقوه وعيونها تطق شرار: هـــايي حـدك لمسح فيك البلاط
تتهميني انـي بنت حرام
ميهاف ببحده وسخريه بنفس الوقـت: اووه معليش نسيت انهم مخبين عليك انك ب ن ت ح ر ا م
ضفوك من الشارع ومافي شي يفسر ليه طفله رضيعه ومرميه هناك
ديما حست بطعنه بقلبها وخوف بس عقلها يقول اكيد تكذب ومافي دليل
ديما تتصنع القوة: لاترمين كلام منتي بقده ياميهاف بتندمي ترا
ميهاف بستفزاز: على وش اندم على الحقيقه الي اقولها مثلاً
ديما بدت تنهار وكل شي تلخبط قلبها يقول كلام وعقلها كلام
شافت ميهاف انها بين تردد وقالت بكل برود : والدليل انهم لقوك قرب البحر بجده وهم طالعين عطله بوقتها سوو بلاغ واعلان بضنهم انك ضايعه هه مايفسر 'طفله' وبمكان زي كذا الا انك بنت حرام
..