"لا احلل او استبيح نقل او اقتباس شيء من روايتي دون اذني"
"تـعاملك خـلّه .. على قد العقول
ترى عقول الناس ما خلقت سوا"
..
ومرت الايام والشهور والسنين لين صار عمر خالد27
قرر يتزوج وفعلاً تزوج وكان له جناح ببيت ابوه وكان يشتغل بشركة ابوه كمان لين جا ذاك اليوم الي قلب حياته..
دخل المجلس وكان فيه رجال دخل سلم عليهم وصل بيسلم صد عنه ابوه قرب منه إلا وابوه يدفه تفاجاء وش في ابوه :يبه وش بك؟
عبد الرحمن بحده:اطلع من هنا بسرعه
خالد:يبه وش فيك انا زعلتك بشي؟!!
عبدالرحمن بصراخ ماله داعي:اقوول لك اططلعع
الرجال كانوا يشاهدوا بصمت اما اخوته استغربوا وش صار وش سوى خالد عشان ابوه يطرده قدام الرجال كذا ويفشله!!
طلع خالد وهو مقهور ليش ابوه يفشله كذا وهو ماسوا شي اصلاً ...طلع لجناحه شاف وتين تلعب في الصاله كان عمرها بذاك الوقت سنتين وشوي ..ركضت وتين لما شافت ابوه وحضنته ...طلعت منى من المطبخ:ياهلا ...مو قايل بتقعد بالمجلس لين المغرب؟
خالد:تعبت وطلعت
قربت منى وشافته متكدر ووجهه محمر من الغبنه وبتسأل:عسى ماشر وش فيك؟
خالد تنهد وقال:حصل موقف بيني وبين ابوي!!
منى:عمي!!
خالد:ايه...دخلت المجلس وقربت بسلم الا ويطردني ويفشلني قبالهم!
منى بستغراب:ليه وش سويت؟
خالد:هذا الي قاهرني اني ماسويت شيء!!!!
وتين:بابا سوف فهد دربني "بابا شوف فهد ضربني"
خالد:ياحبيبه قلب بابا وفهد هذا انا بشوف له صرفه
وتين ابتسمت بنصر طفولي....
بعد يومين من موقف خالد وابوه وخالد حاير ويفكر وش سوا بس قال بيعتذر لابوه ولوماهو عارف وش سبب زعله دخل المجلس وشاف ابوه واخوانه موجودين سلم وقرب لابوه وابوه صد:يبه انت زعلان مني؟
عبد الرحمن:انقلع مابي اشوفك اطلع
خالد قرب يبوس يد ابوه عبد الرحمن نفض يده من يد ولده وبصراخ :اطلعع اقوول
خالد:يبه قول لي وش سويت يبه
قاطعه بغضب:اطلع عشان ماتشوف شي مايسرك
خالد بقهر: مارح اطلع لين تقول لي ليش زعلان مني
عبدالرحمن فجر القنبله وقال: اطلع من هنا بيتي يتعذرك وانا متبري منك ...هدئ المجلس بعد ما كان اخوانه يهدو ابوهم وانصدموا حتى خالد من صدمته طلع واخذته رجوله لجناحه دخل وشاف وتين ركض لها وحضنها بقوه وبكى بقهر ....جت منى وشافت خالد وانصدمت!! ....حاولت تهديه ويقول لها وش حصل ؟!!
بعد ما هدئ غمض عيونه وقال لها:جهزي ملابسك بنسافر
منى:وين؟
خالد:ارض الله الواسعه بنطلع من هنا وخذي كل الملابس ماعد بنرجع "ابوي تبرا مني"
شهقت منى:كييف!!!
خالد قام وتوجه لغرفته:مثل ماقلت لك بنطلع المغرب
المغرب
طلع خالد وزوجته وبنته وودعوه اخوته بالاحضان وقال لهم انه ماسوا شي حتى هم استغربوا كيف بذي السهوله تبرا من اخوهم ويطمنوه انهم بيشوفو الموضوع ...وطلع لعند ابو مشعل ودعه وراح
أنت تقرأ
كل شي يهون لعيون ابوي
General Fictionفتاة يغرق والدها في الديون فكيف ستساعده فتبحث عن وظيفه ومن سيوظفها وهي بأولى سنه جامعه؟؟
