كل شي يهون لعيون ابوي

بارت8

مثل ماتجيك الكربة اللي بدون إشعار
‏يجيك الفرج من خالقك وأنت ماتدري

*_*_*_*_*_*_**_*_*_*_*_*_*_*_*_*_*_*_

"مشعل"
منسدح ويفكر وين ساكن ابو وتين? ومقرر يروح المباحث ويشوف وين هو بعد ما ارسل له زوج عمته اسم خالد الكامل ..وتأكد انه هو نفسه الي كان بالمستشفى ....
....

:وين كنتي?
ببرود:عند صديقتي
بحده:ليه تروحين بدون اذني
بلامبالاه: لاني لو قلت لك بتوافق مثلاً?
عطاها كف:لو اشوفك طالعه بدون اذني حشيت رجولك حش ..وبصراخ:فااااهمه
شافته:طيب ...وبسخريه:يابوي!!
..

نزلت تالين وناسيه ماتتغطى "تحسب انها ببيتهم"
دخلت المطبخ وقاعده تصب لها مويه ويجي شخص من وراها :وسن بالله جيبي لي مويه ...وجلس على الكرسي
فهد:بنت
تالين تسمرت بمكانها
قرب فهد ولفها له وتفاجأ انها مب اخته!
صد وبأرتباك:ءاسف احسبك وسن وطلع بهدؤى عشان جرحه بس داخله ملخبط ومرتبك وهو طالع للحوش سمع احد ينادي ....ايلين:تالين تـالــين
تالين:اسكتي اسكتي فضحتينا تحسبينا ببيتنا"قولي لنفسك ياشيخه🙂😂"
ابتسم فهد وجلس بالحوش وطلع جواله وقعد يتصفح
...

صباح يوم جديد
مشعل راح للمباحث وبمكانته العاليه قدر يطلع مكان ابو وتين وقرر يروح له لما يخلص دوامه...
...
وتين طلعت بعد ما كلمت امها وراحت لعند صحبتها "سما" ...بعد السلام والسؤال عن الحال ..قالت وتين وهي منحرجه:سما بطلب منك طلب
سما بستغراب:امري ياقلبي
وتين :والله ودي اتوظف بس تعرفي ماعندي الا شهاده الثانوي وجبت معدل عالي ..و ءانتي قلتي اخوك يشتغل بشركه محترمه وولو ..
قاطعتها سما:ودك تتوظفين ليه؟
وتين بحزن:ابوي!!
سما:وش به
وتين:تعبان عنده سرطان الدم وودي اتوظف عشان اعالجه واساعده بمصاريف البيت
سما ببتسامه:ولا يهمك انا بكلمه وارد لك خبر ...
وتين بسرعه:اذا في احراج لاتكلميه
سما:لا احراج ولا شي
قعدت وتين عندها شوي وبعدها استأذنت وراحت
..
العصر
كانت ديما طفشاانه وبقوه وكمان مافي احد تسولف معه امها طلعت لجارتهم واخوانها كل واحد بشغله قامت ارسلت بجروب البنات على الواتس:بناات طفشش
وسن:اي والله
تالين:وش رايكم نطلع
رنيم: ليش لا
اتفقوا البنات وطلعو مول

في المول
بعد ما اخذو لفه رجعو للمطعم يلي بالمول طلبو وقعدو ينتظرو طلبهم طلعت رنيم للحمامات بتغسل
وهي راجعه لطاولتهم شافت سمر تضحك مع واحد ومسك يدها ودخلو وحده من الطاولات رجعت وهي مصدومه :بنات تخيلو وش شفت!!
البنات:وش
رنيم:شفت سمر هي واحد هنا وكمان ايش تضحك معه ومسك يدها ومشو لطاوله هنا بالمطعم
وسن بصدمه:وش تقولين!!
رنيم:وربي ما اكذب
ديما:خلوني اكون صريحه صح اني مابلعتها بالعزيمه بس ما توقع ذا الشي
تالين:يمكن شبهتي عليها ومو هي
ايلين:اي يمكن مو هي
رنيم :لالا انا متأكده انها هي قلت كذا يمكن اني مشبه بس سمعتها وهي تتكلم وعرفت صوتها
وسن مسكت على راسه:يويلها لو يعرف عمي بذبحها!
جلسو شوي يحللون الموقف وبعدين طلعو ووسن معنده تبي تتأكد بنفسها وقفت قريبه من الطاوله الي قالت لها رنيم وبعد عشر دقائق طلعو و وسن صدت بسرعه وهنا تأكدت انها سمر وطلعت من المطعم ورجعت كل وحده لبيتها ....

......

رزان:وش صار لك من رحتي دقيت عليك ومارديتي؟!
كيان:نمت ...
كيان وهي تاكل: لو تشوفي وش صار البارحه
رزان:ابلعي اول
كيان بلعت وبضحكه:تهزئت تهزيئه محترمه
رزان:لاتقولي ماكلمتي ابوك انك بتجيني؟
كيان ببساطه:هذا الي صار وللاسف قفطني وانا جايه من الباب الخلفي وصار لي كلمتين شكر مع كف وبس
رزان :مع احترامي كل لكن ابوك ذا اقشر بما تعنيه الكلمه وش ذا وش الي بيصير لو جيتيني ترا انا اجيك اكثر الاحيان!!
كيان بطفش:مدري والله حتى اختي سما يخلها تطلع لصحبتها وبيتها ابعد من بيتك ...لكن اذا وصل لعندي يقول لاا ياارب احياناً احس اني مو بنتهم
رزان ضربتها على كتفها:وش ذا الكلام !!
ردت كيان:احكي جد ترا ماني غبيه اشوف كيف ابوي يفرق بيني وبينها حتى هي لاكلمته يبتسم لها اما انا مكشر دايم
رزان :يمكن تجيه بأوقات هو معصب؟
كيان:لا تحاول تبرري هو كذا مايحبني
رزان ماعرفت وش تقول وقالت تغير الموضوع:
يابنت وش بك مكتئبه؟
كيان:لا مكتئبه ولا شي بس حبيت افضفض لك
رزان:لاتخلي شي ينكد عليك شوفي الجانب الايجابي شوفي عناد يعزك اكثر من سما
كيان ابتسمت من طاري اخوها الي مايخلي شي بخاطرها ودايم يفزع لها عند ابوها:اي والله حتى ان سما احسها تغار اذا طلعني بدونها او شرى لي شي
الله يحفظه لي
رزان ابتسمت من ابتسامتها:قومي الحين بتبدأ حصة لوفي
كيان انفجرت ضحك:يالله والله ان الاسم ناسبها بقوووه
قامو وهم متوجهين للصف..وكيان تضحك كل شوي
رزان بضحكه:وانا الصادقه وشهو له طويله ولابسه كعب ...
.................
....

عائله "كيان"
الاب مسعود عمره44 غامض جداً وراه قصه كمان بس انتظرو البارتات وبتعرفو
الام سماهر عمرها41 حنونه وحليله

اولادهم
- عناد الابن الاكبر عمره 23مملوح ويحب كيان بالحييل ويعزها ..كان وده يصير ضابط بس ابوه العائق رفض رفض قطعي ومايعرف السبب وزعل عليه فتره ...بعدا اشتغل بشركة

- زياد عمره20 انسان هادئ

- كيان عمرها 18 بثالث ثانوي بنت كيووته وشجاعه وماتحب تبين حزنها فبتشوفوها دايم تضحك

- سما عمرها16باول ثانوي دلوعه ابوها ومايرفض لها طلب ومن كثر الدلع صايره ماصخهه

___________________________________________
اعرف البارت قصير بس معوضين ...
..
رأيكم بالشخصيات الجديده

وش السبب الي يخلي ابو عناد يرفض ان ابنه يكون ضابط؟؟

وش ورا ابو عناد؟؟

وسمر وش بيكون موقفها لما تعرف ان بنت عمها شافتها؟
وتين هل بتتوظف؟

توقعاتكم😉....

لاتنسو⭐🏃‍♂️
نلتقي بالبارت الثاني