دخل وضاح على ابوه وفرح بشوفته وكان يعاتبه وين راح وش صار معه كان خايف على ولده وقال ابوه اعزمو القرية كاملة عشاء بمناسبة رجعت وضاح لكن مايدري ان وضاح باقي مجروح من سالفة نوير عزمو الجميع وكان سطام طول الوقت مرافق وضاح ومعه وين مايروح انتهت مراسيم العشاء وقال وضاح بطلع شوي اتمشى واطلق رجليني واغير جو
سطام: وين بتروح؟
وضاح: بطلع الجبل
سطام: اجل انتظرني جاي معك
وضاح: لا يا ابن الحلال بطلع لحالي اتركني تكفى
سطام: والله ما اتركك لوحدك انتظرني بطلع معك انا بعد خاطري متكدر من سالفتك
وضاح: والله النشبه استعجل طيب
طلع وضاح وهو عند الباب لمح زول نوير يوم تلتفت عليه تناظره هنا عزيزي القارئ نتذكر اغنية محمد عبده
( يوم أقبلت صوت لها جرحي القديم
يوم أقبلت طرنا لها انا وشوقي والنسيم )
كان وضاح يناظرها وبداخله كسره وحزن كيف بيوم وليله
كانت بين يديني والحين صارت لغيري برقت عين وضاح وهو يناظرها ويتخيلها معه طلع سطام وناظر وضاح واقف يناظر نوير وماتخطاها شافته نوير وطلعت من البيت تبكي راجعه لبيتها
سطام: وضاح شفيك بسم الله عليك
وضاح يكفكف عيونه: ولاشي وينك تاخرت كنت بتركك واروح
سطام: امش يالله
طلع وضاح وسطام للجبل وكان كل منهم يفضفض للأخر قال سطام: وضاح ماتبي تخرج اللي بداخل صدرك عشان ترتاح؟
وضاح بتنهيده: اخخخ ياسطام صدق ان الدنيا ماتعرف وش بخاطرك وش يسعده وش يرضيه الدنيا ماجت على كيفنا
سطام قام يقص له قصته مع عزوه كيف كان بينهم عداوات وكيف اجتمعو قال سطام ماكنت اتوقع بيوم عزوه هي نصيبي في الحياه هذي لكن صدقني العوض بيكون جميل لاتيأس وتوقف حياتك عشان شخص ( يحاول يهديه )
وضاح: ياسطام
ماغيرها يطغى على القلب والبال
ولا يطري في حضورها كل حضور
سطام يطبطب على ظهره: صدقني يجي يوم تنساها لكن ساعد نفسك خلاص البنت راحت مع نصيبها يعني بتعيش عمرك على امل شي فاتك؟
وضاح: ياخي من وين تفهم والله صعبه البنت تمكنت من قلبي ليتها رفضتني ولا خلتني اتأمل كان مافكرت انها تبيني وحابتني
لكنها وافقت ياخي تكفى اتركني لوحدي اوعدك ارجع القرية مابروح مكان
سطام: ماعندي شي انا ودي اجالسك
وضاح: تذكر قصيدتك هذيك اللي قلتها في جلستنا
سطام: تقصد
ايه احبه حب ، الكفيف بأحساسي شاف
ومنه اللي ضيع الدرب بقى رهن اشارته
خذ اللي تبيه من عيوني ونظرها الحواف
عيوني ماتبي غير شوفك والباقي عافته
انت محطات الماء واللي حولك جفاف
ومنك يرتوي صدري كل مازرته
وضاح: الله ياخي والله انها توصف حالتي كأني أشوف نفسي داخل الكلمات ذي لاتلومني تكفى
سطام: والله ان الحب جميل لما يكتمل بتحقيق الرغبة رغبة البقاء مع بعض طول العمر
وضاح: لاتفتح الجرح وتحط عليه الملح وتقول لي شفيك ضايق
صدق اني مبلي ومذنب في حبي ذا الله يعين
وقال وضاح قصيدته:
معذور لو كثرت طعونها وقلبي ماتاب
كيف أتوب وهي أطهر ذنوب قلبي
راضي بالوصل لو لمحة ترضي صفوة الاهداب
كيف لو كان الوصل بين قربها وقربي
أنت تقرأ
( سطام وعزوه ) تهزمني النجلاء وانا ند فرسان
Ficção Geral-سطام بعد ولادته بسنة توفي أبوه في غزو وماتت أمه من قهرها على أبوه وتربى على يدين جدانه وكان سطام منذ الصغر يملك شجاعة ( ورثه الوحيد من ابوه ) حتى كبر سطام وصار من أشهر فرسان قبيلته حتى ان القوم كانو يغزون بعد مايعرفون ان سطام سافر عن ربعه لمعرفتهم...
