جاهل في طريق الحب

البارت الاول

.
★
ابو عبد العزيز - زياد
شخص حنون و مزوح جدا وينه و وين العصبية  بس ممكن يعصب اذا كان جوعان و يحب زوجته ام عياله رنيم و يحب ابنائه كثير و دائما يكون خدوم و يحاول يسعد عائلته بأبسط الاشياء
ام عبد العزيز - رنيم
شخصية حنونة على ابنائها و على زوجها و حتى على المجتمع بس شوي عصبية و مزوحة جدا
عبد العزيز
شخص عنده اهم شي شغلة و ما ندري وين عايش لانه يسافر كل فترة بين دوليتن حبيب ابوه و متزوج زوجته جود
فهد
هذا حبيب امه و عنده اقرب شخص من اخوانه هو عبد العزيز لانه اخوه الوحيد
ريماس
هاذي عصبية جدا جدا خصوصا لو كانت صاحية من النوم تعصب من اصغر الاشياء بس مسكينة نوعا ما
ليان
هاذي ام لسان و ما حد يقدرلها و تحب المزح جدا حتى لو كانت متضايقة و دائما تحاول تلطف الجو
رهف
هاذي اخر العنقود  هاذي مغرورة و متكبرة بس حنونة و قلبها حنين و دائما تحوال تكسب الاضواء و تحب تمزح مع صديقاتها و ابد ما تحب المشاكل نوعا ما عصبية تعشق النوم و تبكي على اتفه الأشياء !
--------------------------------------------------------------------------------
في صباح يوم الاحد الساعه 5 الفجر قامت رهف من نومها و صلت الفجر و قرات صفحتين من سوره البقره  و قامت تجهز نفسها للدوام و هي نازله تأخذ الروج من غرفه اختها ريماس بدون ما تعرف مسكتها ريماس و قالت: اه يا الحراميه أجل انتي الي تسرقين مكياجي و انا اقول وين يختفي اعنبو غيرك ما تستحين؟
ضحكت رهف و قالت: ترا هاذي ثاني مره ام باقي مكياجس عند ليان روحي شوف دارها و بتلقين كل المكياج هناك
استغلت الوضع رهف واخذت الروج و صعدت لغرفتها بسرعه تجهزت و لبست اكسسوارات خفيفة و رشت عطر و نزلت المطبخ تسوي لها شي تشربه و لقت امها و فهد تحت حبت راس امها و قالت : صباح الخير يمه عساتس بخير و ليه صاحيه بدري اليوم ؟ قالت امها: صباح النور يا رهوفه والله قلت اقوم اصلي الفجر  و اقرا قران و بعدين نزلت اسوي الفطور لـفهد
قالت رهف:  هو طفل تسوين له الفطور ؟ تراه كبير يقدر يعتمد على نفسه على العموم يلا مع السلامه بروح الجامعه
فهد: تعالي تعالي هل يومين مو عاجبني اسلوبك ترا و بعدين بتروحين كذا للجامعة ؟! قالت: اي بنزل كذا شدخلك ؟يلا بروح اخرتني يا فهد قال : ولا كذا تقولين عادي اقول روحي البسي عبايتس لا أمد يدي عليك قالت بعصبيه: لا والله يا حبيبي امي و ابوي عايشين و تمد يدك علي تخسي و انا بنت زياد و امي ما قالت شي على لبسي يعني مالك شغل فيني بروح سديت نفسي
فهد: يما شوفيها ما تسمع كلامي ولا ماني اخوها الكبير  ام عبد العزيز: يمه خلاص خليها براحتها ذي اختك مب عدوتك و بعدين متى بتروح دوامتس تاخرت ! فهد: وانتي صادقه تاخرت يلا بروح تبين شي يمه ؟ قالت: ابي سلامتس يلا بقوم ارتب البيت
وراح فهد و رهف للدوام أما عن لين و ريماس ذولي الاثنتين اليوم ماخذين أجازه و بعد شوي جت جود تساعد ام عبد العزيز* جود تكون زوجت عبد العزيز* جود: هلا يمه كيفتس ؟ والله اني اشتقت لتس مررره ام عبد العزيز: وانا اكثر يا بعد عمري وش جابس من صباح الله خير؟ جود: بعد ما جهزت بدلة عبد العزيز و حضرت فطوره وراح قلت ما عندي شي اجل بروح اساعدتس و تبين الصراحه طفشت وانا قاعده طول اليوم لحالي في البيت احس بفراغ بيومي و كل يوم نفس الروتين و جيتس اليوم اغير جو معك و اساعدك قالت أم عبد العزيز: الله لا يحرمني منتس يا حياتي قالت جود باستغراب: اجل وين عمي و الباقي ؟ قالت أم عبد العزيز: رهف و فهد طلعوا لدوامتهم و عمك نايم و لين و ريماس قاموا صلوا الفجر و رجعوا ناموا
( خلص بارت اليوم 😭🤍)