جاهل في طريق الحب

البارت الخامس

.
راكان: شفيها هذي زعوله
بيان: اقول انطم بروح اشوف وش فيها و اجي
راكان: تمام انتبهي على نفتس الدنيا ليل
بيان: رهف ليه تبكيينننننن شفيتس ؟؟
رهف: ما سمعتيه وش يقول تبيني افرح مثلا؟....بيان: يا حياتي وش دراتس يمكن يقصدتس بس بطريقه غير مباشره اقول امشي معي نرجع نلعب يخسي الي ينزل دمعتس
رهف: تهقين يحبني ؟بيان: ياهوووو تعالي يلا
راحت رهف و جلست قريب من راكان و كا الدور على راكان
راكان:رهف صراحه ولا جراءه
رهف: بسم الله شفيك ؟ صراحة
راكان: عمرك حبيتي شخص
رهف: قلود، اي حبيت..... راكان: وش اسمه ؟
رهف: لا عاد انت قلت عمرك حبيتي ما قلت وش اسمه ما بقول
راكان: واحد من الجالسين هنا؟ رهف: لا طبعا و مستحيل من هنا
راكان عصب و حرد بس ضل مكمل
بيان: يععع غيروا الاسئله كلها حب الله ياخذكم استغفرالله خليتوني ادعي
راكان: مع بعض ؟ بيان: راكان عيب خلاص غيروا السيره
جا الدور على ريماس و ليان
ليان: صراحه ولا جراءه... ريماس: صراحه
ليان: لما جا تركي خطبتس قبلتيه لانك تحبيه ولا لا كذا
ريماس: انتي غبيه ؟ اكيد حبيته أجل كيف اقبل فيه وانا ما احبه  !
ضلوا يلعبون و تعبوا من اللعب و كل واحد راح خيمته و نام الا رهف و راكان رهف تفكر من الي يحبها و هو يفكر من الي تحبه و طلعت رهف قعدت قدام النار لان ما جاها النوم و طلع راكان
راكان: شفيتس طالعه من خيمتتس مو نعسانه؟
رهف: ها لا الصراحه ما جاني نوم راسي مصدع ما قدر انام
راكان سلامت راستس (جعلها فيني ولا فيتس يا بعد روحي)
رهف:وش قلت ؟ راكان: ها ولا شي
فجه طلع فهد
فهد: مسكتكم وش تسون بنصاص الليالي هاااا
راكان: ياخي حسن نيتك طلعت لقيت اختك و سألتها شفيتس قالت فيني صداع بس
فهد:امممم اقنعتني وانتي يلا ادخلي جوا على أمد يدي عليتس ....رهف ركضت وقالت: تخسي وانا بنت زياد
راكان: وش تمد يدك عليها تراها اختك يا الغبي.....فهد: ما سمعتها شقالت؟ راكان: الا سمعت بس انت تستاهل
فهد: اقول انطم المهم ترا اعرف ها اعرف...... راكان قطب: وش تعرف ما فهمت ! فهد: ادري انك تحب رهف بس تسوي نفسك ثقيل و ما تحبها..... راكان: عكيفك هو؟ من قال احبها تراها نفس اختي شفيك....
فهد: خلاص بروح انام نعست
أما عن فهد فهو عنده شي عادي لو الإنسان حب بعد ما عاش سنتين في امريكا تغيرت وجهت نظره عن الحب بس يحب أن يكون الحب مو قدام الناس و يبان للناس أنه يحب يعني مثل رهف و راكان
الصباح:
ريهام: يا رهف رهففف اصحي شفيتس كل ذا النوم
ليان: ما تعرفيها زي البومه تنام الصبح تصحى بالليل
رهف رمت المخده عليها و قالت: يا كذابه لا تكذبين هذي انتي يالبومه
قاموا البنات و حضروا الفطور لهم و للرياجيل
ام عبدالعزيز: يا بنات وحده منكم تودي الفطور لهم عشان ابي اكمل فطورنا
رهف: انا بوديه هاتي...ام عبدالعزيز: ليه كذا فرحانه لا يكون عندتس شي ؟ رهف: لا يما مافي شي بس عشان ما اتعب البنات
ام عبد العزيز خلت رهف توديه بحكم انها اصغر وحده بينهم
رهف و هي رايحه كان راكان جاي يدق الباب على الحريم لانهم جاعوا
راكان: يا ولدددد طريق
رهف: وقف وقف يا الراكان....... راكان: هلا وش في؟
رهف: خذ الفطور كنت جايه اعطيه لكم.... راكان: تسلم يدتس شكرا (اخخخخ يا الصدف و يا حلات اسمي منها)
صدت وجهه رهف بسرعه لأنها سمعت صوت عزوز و ما كانت متغطيه زين
و كانت ليان وراها: ها سمعتي صوته ولا بعد ؟ رهف: ليان وش ذا الكلام الماصخ !!!!!! ليان: اقول اسكتي اسكتي كلنا نعرف انك تحبيه 😉 راحت رهف و هي مستغربه كيف عرفوا
رهف: بيان كيف الكل عرف اني احب راكان ؟ بيان: هااا مدري
رهف: قول الصدق ترا واصله معي لهني
بيان: بقول الصدق هم مسكوني و قالوا لي  وش قالت رهف لك وإذا ما قلتي الحقيقة نضربك والله وقلت لهم
رهف: اهههه يا الغداره اعنبو دارك ما تعرفين تسكتين ؟
و بعدين راحوا و فطروا و العيال راحوا يلعبون دباب و ابو عبدالعزيز و ابو راكان كانوا قاعدين و يتذكرون ايامهم مع بعض زمان و من كثر التعب راكان عطش بس ما لقى ماء وراح عند الحريم
راكان: عزوز بروح اجيب ماء من عند الحريم تبي؟
عزوز:  الله يعافيك اي جيب لي بموت تعب
و هو رايح سمع صوت رهف و بيان يضحكون و صوتهم عالي و ضل واقف لحد ما جا عزوز
عبد العزيز: شفيك واقف كذا ؟ تاخرت كثير اقول وخر
راكان: مدري تعبت بطني عورني و ما قدرت اسوي شي
عبد العزيز: رهف قصري حستس و جيبي ماء بسرعه
فزت رهف: تامر ثواني الحين بجيب
ريهام: رهفففف وانتي رايحه اقنعي اخوتس يعطونا دباب نلعب فيه ترا طفشانه
رهف: من عيوني الحين بقول له
عبد العزيز: انتي ليه طولتي بتخترعين الماء  وانا ما ادري
رهف: طلباتك ما تخلص المهم نبي نلعب دباب انا و البنات
عبد العزيز: وششش دباب  انتوا عيال ؟ اقول روحي مافي دباب روحي
رهف بضيق: عزوزززز تكفىىىىىىىىىى بس شوي والله يعني انتوا تلعبون وحنا لا ما يصير
راكان: اقول عطيهم دبابين و خلاص خلهم يلعبون أجل بس حنا
عزوز: يوووه خلاص ماشي أجل روح انت جيبهم
رهف: شكرا راكان
عزوز بعصبية: رهف ادخلي داخل يا بنت
ركضت رهف و هي تضحك داخل
راكان: ( ياخي حتى المريض إذا سمع ضحكتها يشفا)
و راح راكان ودا الدباب للحريم
رهف: بيان تعالي بسرعة قبل لا يجون
جود: وقفي انت وهي احنا بنلعب اول حنا الأكبر
ريماس: اي صح حنا الأكبر يعني الاول
ليان: انا عني ما ابغى العب تعبانه
ريهام: احسن ، انتوا الاثنتين لا تسوون فيها كبار كل ثنتين يصعدون بدباب واحد يلا
رهف : تمام بس ثواني بلبس الفروه الجو بارد
بيان: وش رايتس نلبس الفروه و نتلثم و نصور وحنا نلعب
رهف: قوداممم يا بنت منصور ,
لبسوا و خلصوا
رهف: ما عندي شماغ يووووه عاد
بيان: ما عليك بروح اجيب من راكان بيرضى على طول اصلا عنده كثير
راحت بيان تجيب شماغ من راكان و جا
راكان: شتبين كل شوي تناديني
بيان: ليه تطول هذي لو رهف تركش بسرعه ها
راكان: اخلصي شتبين.....بيان: عطني شماغك
راكان: نعمممم ليه ؟......بيان: رهف تبيه
راكان: خذيه بس لييه شتبون فيه.....بيان: بتسوي لك سحر يعني شنسوي جيبه اخلص نبي نصور بس يمكن يتوصخ
راكان: فداها خذي ههههههههههههههههه
بيان: تافه انقلع
خذته وراحت لرهف تعطيها الشماغ بسرعه بحكم بيصير غروب بعد شوي ولازم يستعجلون بسرعه
رهف: يا ويلي ويلاه ريحه الشماغ عوود مع انو اكره العود بس صرت احبه هههههههه
و راحوا يلعبون بالدباب بس فجه رهف وقعت من الدباب لانها داخت يوم وقعت كان راكان معهم يدير باله عليهم عشان اذا حصل شي زي كذا و راح ركض لها
راكان: رهف اصحي رهف شفيتس .... بيان تعالي مقدر المسها يلا....بيان: رهف اصحي يا الرهف
رشت عليها مي بس ما صحت من كثر قوه الوجع لما طاحت
بيان: عطني عطرك بسرعه و عطني شماغك بعد
عطاها كل شي و قطعت جزء من شماغه و رشت عليه عطر و حطته على خشم رهف و صحت
راكان: يا الرهف تشوفينا ؟ انتي بخير !؟
بيان: يا غبي  وقعت تبيها صاحيه ؟
رهف ما كانت تشوف قدامها غير راكان لانه كان فوق راسها  و شالتها بيان و ريماس و ودوها للخيمه تريح شويه
( تنتهى البارت الخامس 🤍)