اليفُ الروحِ مُلفت ولو بينَ الحشود

8

صباح يوم الاربعاء 6:30
كانت فوضى عارمة في البيت ،دانه تقوم ياقوت الي مو راضية تقوم وحور فجأة قررت تتروش وورد تتحلطم ان دانه ماعندها الا مكياج قليل : دانه مو منجدك ماعندك كونسيلر ! طيب على الاقل بيوتي بلندر كيف بدمج البلش الي على وجهي تستعبطين !
ودانه ماترد عليها ومبتلشة بياقوت : يياقوتتت قومي قبل لا اقوم القايمة عليك تأخرناااااا
وياقوت مغطية اذنها بأنزعاج : خلاص اسكتي قمت قمت
وراحت ياقوت للحمام بتفتحه بس حور تتروش وتدق الباب : افتحيييي
وحور بعادتها تحب تطول في الحمام وماتطلع الا بعد طلوع الروح وقالت بصوت عالي : روحي لحمام ثاني بطول
ودانه انجنت من برودهم : حوررر اطلعي قبل لا اكسر الباب متأخرينننننن و جعفر تحتتت
وطلعت حور بعد دقايق معصبة وبحلطمة: حتى ماتخلون الانسان يتهنى بنظافته !
ودخلت ياقوت بعدها بسرعه وتزحلقت من الموية الي ماليه الارض ومسكت راسها بألم وجلست تصارخ : ااااهخهخهخ راسي راسيييي
وجو البنات وهم ميتين ضحك وقالت دانه : حوبتي يالكلبه طلعتي روحي مابغيت اقومك
وراحت حور بخوف : يا الله مو وقتكم تضحكون سامجين ، ياقوت انتبهي قومي زين صار لراسك شي يعورك ؟
ياقوت وهي تصيح : اخ يومي من بدايته كذا توبه انام عندك يادانه بيتك نحس حسبي الله
دانه: والله لو انك سمعتي كلامي وقمتي بدري ماطحتي بس تستاهلين
ورد : الصراحه كله من حور مالها شغل دانه لو ماتروشت حور ماطحتي
حور : شدخل مو شغلي ! وبعدين عيب ماتقولون لو هذا قضاء الله يعني الله كتب ان ياقوت تطيح على راسها ماله شغل بيت دانه ولا لي شغل
وياقوت قامت وطردتهم برا الحمام : كلو تبن
وسكرت الباب بقوه في وجيههم وطالعت دانه في ورد الي للحينها ماخلصت مكياجها وبتهديد : ورد وربي اذا ماخلصتي ميكب المهرج ذا اني لاصفقك
ورد وهي تشمق : ماتعرفين للموضه انتي عايشه بـ2017 لحجيه
دانه : مو لاحجه غير اني واثقه من نفسي ولا احط طن من المكيب كل يوم !
ورد : انطمي بس
وراحت تسوي مكياجها بأطول وقت ممكن وكل البنات جهزوا ماعداها ويصاروخون عليها تخلص بس تبي تستفزهم !
وخلصت اخيرا بعد مااستنزفت طاقتهم و نشفت حلوقهم طلعو برا بسرعه واستلمهم جعفر وطول طريقهم يصارخ بعصبيه وليش تأخرو وكان يخاطب دانه: انتا ليش دق علي وانتا وهما ماخلص دق علي ساعة 6 وطلع ساعه7 حسبي الله ونعم الوكيل حسبي الله ونعم الوكيل
ومحد رد عليه ولا وحده طايقه نفسها وكانو يتنظرونه يسكت بس ماسكت لين ماوقفهم عند المدرسه وطلعوا برا بسرعه يبون يفتكون منه

عند العيال بالفصل "الحصه الاولى"
جلس احمد يسولف لهم عن طلعته امس مع قمر : لا وتخيلو تقولي حمود وش ذا
و سلطان ميت ضحك وقعد يضحك بصوت عالي ماقدر يمسك نفسه ويقول بصوت انوثي وخافت : حموديي
احمد : كل زق
وجاء لعندهم الاستاذ سطام معصب : سلطان واحمد تعالو قدااام !
اما عن تيّام كان حاط راسه على الماصه ينتظر متى يجي اياد وجاهل انه بيغيب ومايدري وش صار وكان زاهق من سوالف احمد الي كلها عبارة عن جنس حواء ،راحو سلطان واحمد عند الصبوره وطلّع الاستاذ سطام مسطره خشبيه طويله من شنطته وقال بصوت جهوري ومليان غضب : مد يدك انت وهو قسما بالله اني لأكسرها قاعد اشرح وانت وياه تتضحكون والله لاقلب الضحك ذا لبكاء
ومعروف ان الاستاذ سطام شديددد وصارم والكل يهابه ويخاف منه وسلطان مد يده بلامبالاة وهو للان يضحك بخفوت وضرب يد سلطان بقووه وتأواه بألم ومسك يده الي حمرت : احححح
وضرب يده اكثر من مره لدرجه ماصار يحس فيها وقال سلطان بعصبيه : خلااص عاد لالعنك
سطام : انقلع لمكانك انقلع
وراح سلطان لمكانه وكانت زاقة معه وتيّام يضحك عليهم وجاء الاستاذ سطام لاحمد وقال احمد بخوف: استاذ سطام تكفى لا
سطام : مد يدك ياوللدد
وقال احمد وهو جاحد سلطان : يااستاذ وربي مالي شغل فيه مو عشاني جنبه تعمم ترا سلطان معه مرض فجأة يضحك مع نفسه
وطالعوا فيه تيّام وسلطان بصدمه وكيف باعه بسهوله وطالع احمد بسلطان الي سوى حركه على انه تحذير وهمس: انا اوريك ياسلوقي
وبعد عناء ومجادلة بين سطام واحمد سحب سطام يده بالقوة وسطره لين ماصار يعض الارض وراح لمكانه وكل خليه بجسمه تعوره وقعدوا الطلاب يضحكون عليه لين ماعطاهم نظره تهجدهم وقعد يتحسب على سطام وعليهم
وخلصت الحصة وسحبه سلطان : تعال تعال
واحمد انخرش ويتراجع لورا : هيي سلطان ترا نحنا اصحاب احباب
وضحك تيّام:اصحاب احباب مين الي جحد سلطان قبل شوي ؟
سلطان : والله لانسيك من انت وربي تعال يارخمه
احمد : شوف لو كنت بمكاني بتسويها خلها عنك ولازم في بعض المواقف نجحد بعض ونتفهم ضروفنا ومواقفنا خلو عنكم
سلطان : لو كنت بمكانك كنت بتحمل لاني ضحكتك تعاللل
وركض احمد وتيّام جاه قدام بسرعه يمنعه من الهروب وابتسم وقال : في مرات لازم نواجه مو كل مازانت الجلسه نهرب صح احمد ؟
وسحبه سلطان من اذنه : قول آسف ياسلطان غلطت بحقك
احمد بنفي : لا
وضغط على اذنه بقوه لين ماحمرت وقال بألم : آسف سلطان غلطت بحقك
وللان سلطان ماسك اذنه وقال احمد : خلاص فكني يبوي قلتها
قال سلطان : قول سلطان عمي
وقال تيّام: وانا بعد
وكمل سلطان : سلطان وتيّام عماانيي
احمد : تخسون
ومسكه تيّام من اذنه الثانيه : قولها يولد
احمد : خلاص سلطان وتيّام عماني !
وقعدوا يضحكون بصوت عالي وراح احمد لمكانه : اذلفوا عني مو منكم من الي يسولف لكم
وقال سلطان وهو رافع اكتافه : تحمل سواتك
وقال تيّام : ماتحسون اياد طول بزياده
سلطان : ذا دايم يتأخر لو شفته داخل علينا بالحصه الاخيره مابنستغرب
احمد : ترا دايم يداهمنا الحصه الثانيه يمكن يجي الحين
ومر وقتهم بشكل ممل وعادي وماصارت فعاليات كثيرة لين ماجاء وقت الفسحة ونزلوا للساحه وقال سلطان : ذا شكله مارح يجي
تيّام: لايكون صار له شي مايغيب الا لظرف تعالو نسأل غادة يمكن تعرف
سلطان : الله يسعدك لا انت روح لها لحالك
تيّام وهو يسحبه معه : امشش
سلطان : لا
تيّام بنفاذ صبر: وربي انك لتكلمها امش قدامي بس
احمد : بلا دراما تلقونه ساحبها نومه او مستقعد لراجو يصلح دبابه المخمج
تيّام: خلونا نسألها ونشوف
وراحو لعند غادة الي جالسه تتميلح قدام مرايتها وتزيد بمكياجها وسافهه ليان الي تتكلم معها وكان سلطان يمشي قدام اخوياه ببطىء وقالت ليان : البدوي جاء
غاده: ويع
جاء سلطان وملامح وجهه توضح انه يكرهها ولا هو بطايقها والعيال وراه وكان ساكت وقالت غاده بدلع : شعندك ؟
همس بقرف من دلعها المقزز بالنسبة له : ياصبر الارض
وقال لها ردا على كلامها : تخبرين اياد ليش غايب ؟
غادة : ايواا
تيّام: صار له شي ولا بس كذا غايب ؟
غاده: قول وش ماصار له !
احمد : تبين نسحب منك الكلام انطقي
وليان تطالع فيه بأعجاب وهو يبتسم كمجامله قالت غاده: تخيلو بس المسكين قفلو قضية اخوه !
وطالعوها بصدمه وقال سلطان :مااقدر اخذك بجدية الكلام الي انتي تقولينه صح ؟؟
غاده : وربي مااكذب !
قال تيّام بحزن : شكله متضايق الحين انا بروح له اليوم لازم نسانده ماارضى عليه يزعل قد كذا على الاقل نخفف ضيقته شوي
سلطان : حتنى بروح معك الامر مو هين وعاده متعلق ببدر مره فجأة يقفلونها وهو حاط امل فيهم من سنين الله ياخذهم الكلاب
احمد : بروح معكم وبمركم بسيارتي
غاده : بروح معكم بعد في النهاية ولد عمي ولازم اواسيه
سلطان : حبيبتي انتي بتدخلينه حالات اكتئاب لانهائية نحنا بنروح له لحالنا وعاد فكري تروحين له بعدين
غاده : لا بالله بروح يعني بروح انا اولى منكم !
وتيّام ضرب سلطان بخفة وبدون ماتلاحظ وعاد معروف تيّام بالاسلوب الحلو ويعتبر شافع لاخوياه اذا صارت اي مصيبه ينقذهم بأسلوبه : غاده افهمي معي شوي وبدون لا تتهجمين انا اعرف انك تبين مصلحته وتبين تساندينه بس نحنا الاقرب له نحنا اصحابه تعرفين وش يعني اصحاب ؟ الموضوع ماهو هين اننا نتركه لين تروحين انتي وانا متأكد انه ينتظر جيتنا له لازم نسانده وتصدقين ياما اياد ساندنا بوقت حاجتنا ونحنا نوقف ونقول لا غاده تروح اول والله عشانها بنت عمه وانتي الاولى لا طبعا واذا جيتي معنا مارح تكون نفس جلستنا نحنا يالاربع انتي لك جيتك بالحالك ونحنا بالحالنا واظن ان هذا الافضل لك ولنا اتمنى تتفهمين ومااقولك دخيله ولا اي شي بس تعرفين فرق جيّت الاصحاب والاقارب هذا شي ثاني
غادة تزفر بملل: طيب خلاص !
ولف تيّام ومالقى الا سلطان موجود وقال : وين احمد ذا
سلطان : انحاش شكله يدور له بنت جديدة
تيّام: مو طبيعي يارب يطيح في بنت ماتفكه تعبت كل شوي مع بنت مايطفش هذا !
سلطان : مو صاحي بالمرهه
وبالطبع ماكانو ملاحظين سجى الي تراقبهم من اول وراحت لمكتب المديرة رجاء تعلمها باللي سمعته