مدخل
وش تسوي لو عشقت انسان ماهو من نصيبـك
لا لك بهالوضع يد .. و لا له بهالوضع سبه !!
وشهو ذنبك لو غدى من بين خلـق الله حبيبـك
تعرف إن قربه محال .. و قلبك مصمم يحبه !!
و انت متأكد و عارف بيجي يوم و يسيبـك
يعني متوقع بأي لحظه يغيب و تغتـرب بـه !!
كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتـب بـه !!
كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه !!
واللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَـرْف انّـك تحبـه !!
ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه !!
وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!
10ص
ام فيصل\هاذي الساعه المباركه بس يام مراد
ام مراد\لا بس ولا شي اسئلو البنت وان وافقت اسعد الساعات عندنا والله ان نحطها بعيونا
ام فيصل\لاكن
ام مراد\وش الي بس والي لاكن مراد مايعجبك يا ام فيصل
ام فيصل\لا والله والله انه كفو وولد حموله ورجال ينشد به الظهر
ام مراد\طيب
ام فيصل\ابوها موصي تاخذ من عيال عمها ومستحيل تاخذ من غيرهم وبدر متكلم فيها وهاويها ويبيها
ام مراد\اجل السالفه كذا وش اقول لمراد يبيها ومايبي غيرها يام فيصل تكفين جسي نبضها؟؟
ام فيصل \والله مدري..؟
غنج\السلام عليكم..
ام فيصل\هلا هلا باغنج يامرحبا يمه
غنج تبوسها\هلا خالتي
ام فيصل\غنج يمه هاذي خالتك ام مراد
غنج وهي تبوسها\هلا خالتي كيفك
ام مراد\مشاء الله لااله الا الله عين الحسود فيها عود
غنج\تسلمين خالتي
ام مراد\لا والله انها لنا يام فيصل..
ام فيصل\هههههههه طيب لاتحرجينها
غنج ترفع حواجبها باستغراب
ام مراد\ها ياعروستنا وش اخبارك؟؟؟
أنت تقرأ
غرورك صادف عزة النفس فيني
Romanceرواية خليجية بقلم ضمني بين الاهداب :عزام وهو ينزل الكوب عند الشباب جاي من داخل ستار بوكس وش فيكم؟ زياد:البنت عزام يناظره:اي بنت ويأشر زياد لسيارة حوت الي مشت وكان الشباك مفتوح ووجه مو غريب هو الوجه عشق تفاصيله وعرف ملامحه ورسمها في خياله زياد:كفيفه...
