أبرحل والله العالم وش اللي بداخلي مـن شـوق
وأبطوي صفحـة ٍ عّيـا زمـان الجـور يطويهـا
أبرحل تايه بغربة وطـن مالـي عليـه حقـوق
.وطن وحدوده عيونـك ودمـع ٍ حايـر ٍ فيهـا
أبرحل دمعة ٍحارت من أدنى الموق لأقصى الموق
خذلها الوقت يـوم أنـه حرمهـا مـن هقاويهـا
أبرحل وأجمع آلامي وأبرقـع ثوبـي المشقـوق
وأبفهق عن دروب الشك رجلـي قبـل تمشيهـا
أنا أدري أن الزمن قاسي وأعرف أني بليا ذوق
ونفسي يوم ودعتك رمـت فـي النـار رجليهـا
عمر هالحب مايفنى مدامه في الحشـا مخلـوق
ولـو دنيـا العنـا جـارت وورتنـا بلاويـهـا
أبنسى آه كيف أنسى وأنا اللي من زمن محروق
أكذّب كاني قلـت أقدر أنسـى بعـض ماضيهـا
آلا ياحظي المقفـي علامـك للشقـى مطفـوق
أنـا طالبـك لاتفتـح لعينـي ســدّ واديـهـا
أبنسى كيف والذكرى وسط قلبي تسوقه سـوق
وهذا طيـف عاتقهـا وهـذي رجفـة يـديهـا
أنا في ذمة الله ما علي مـن الشقـا والعـوق
أنا في ذمـة اللـي لاقبـض هالـروح يحييهـا
جعل عين ٍ بكت للحب أبد ما تنحرم مـن مـوق
ولا تفقـد ولوطالـت ليالـي الهـجـر غاليـهـا
وعين ٍ خانت العشرة عساها أمر الولي من فوق
عساها فـي زمـان ٍ دبرتـه ضاعـت خطاويهـا
وأبرحل والله العالم وش اللي بداخلي من شـوق
وبطوي صفحـة ٍ عيّـا زمـان الجـور يطويهـا
تحت عيونه يشوفها... تحاول تفتح كيس غزل البنات تحاول بس ماقدرت... الله يصيب الي يبيعه.. ليه ماعطاها كيس الغزل
مفتوح الا ناوي يتعبها؟؟؟ الا يبي يضيقها
مشى مراد بتلقائيها لها ماحس بنفسها يبي يحاسبها ليه رفضته وطاوعة ولد عمها
مدام انها من البدايه ماتبيه ليه وافقت؟؟؟ليه لعبت معي واخر شي قالت ماتبيني ليه من الاساس وافقت دامها تحب عزام ليش من البدايه قالت ابيك لايكون انا الجسر الي خلته يخلي عزام يعبرها ويصير عندها
فيصل\ماتسمع مرااااااااااد..؟
مراد مشى لجهتها ولما صار قدامها مباشره...
مانتبهت له واصلن من متى ياغنج انتبهتي لحبي لك...
غنج تحاول تفتح الكيس الي مو راضي ينفتح..
أنت تقرأ
غرورك صادف عزة النفس فيني
Romanceرواية خليجية بقلم ضمني بين الاهداب :عزام وهو ينزل الكوب عند الشباب جاي من داخل ستار بوكس وش فيكم؟ زياد:البنت عزام يناظره:اي بنت ويأشر زياد لسيارة حوت الي مشت وكان الشباك مفتوح ووجه مو غريب هو الوجه عشق تفاصيله وعرف ملامحه ورسمها في خياله زياد:كفيفه...
