unicode version
မိုးကြီးမုန်တိုင်းကျရောက်ပြီး၍ ရီဝေဝေပတ်ဝန်းကျင်နှင့် မြေနီလမ်းကလေးမှာ ရွံဗွက်ရေအိုင်များ ဟိုတစ်ကွက်သည်တစ်ကွက် ပြည့်နှက်နေ၏။ အဖြူစိမ်းယူနီဖောင်းနှင့် ကျောင်းသူလေးမှာ အသစ်ဝယ်ထားသည့် သူမကျောပိုးအိတ် ရွံ့မပေရေးနှင့် လက်ဖြင့်ပိုက်ကာ ဗွက်ရေအိုင်များအား တစ်ခုပြီးတစ်ခု ခုန်ကျော်နေသည် ။
သူမအိမ်ပြန်ရောက်လျှင် သစ်သားလှေကားငယ်ဘေးတွင် သစ်လွင်သောဖိနပ်တစ်ရံနှင့်အတူ ဖိနပ်နှစ်ရံပိုနေ၏။ အိမ်တွင် ဧည့်သည်ရောက်နေမည်ဟု တွေးကာ လှေကားတက်နေသော ခြေလှမ်းများကို အနည်းငယ် တိုးမိသည်။
"နွေ ပြန်လာပြီလား သမီး"
"ဟုတ်.. "
ဘုရားခန်းရှေ့တွင် ဧည့်သည်နှစ်ယောက်ရှိကာ တစ်ယောက်မှာရပ်ကွက်လူကြီးဖြစ်ပြီး နောက်တစ်ယောက်မှာ သူမမသိသောသူစိမ်းဖြစ်သည်။
အဖွားရှင်းပြပုံအရ တောင်ပေါ်ရွာငယ်ကလေးများသို့ ကူညီဖို့ရန်ဆင်းလာသည့်ဆေးကျောင်းသားဆရာဝန်လောင်းများ ဖြစ်သည်ဟု ဆို၏။ လူများသည့်ပုံပေါ်ကာ အိမ်ထမင်းအိုးငယ်သော မိသားစုဆီတွင် လူခွဲကာ နေခိုင်းပုံရသည်။
"မင်္ဂလာပါ ကျောင်းသူလေး အကို့နာမည် ရဲသက်မျိုး ပါ ”
သွားမပေါ်အောင် ပြုံးသော်လည်း နှလုံးမှလာသော အပြုံးဖြင့် သူမကိုသူပြုံးပြနေ၏။
...........
အာရုဏ်တက်ချိန်၏ အိမ်မက်မှနိုးထလာသောအချိန်တွင် ပတ်ဝန်းကျင်မှာ အနည်းငယ်မှောင်နေသေး၏။ ခဏခန့်လူးလိမ့်ပြီး ရေဆာ၍ မီးဖိုချောင်ဆီ ထွက်လာခဲ့သည်။ ထိုတွင် မထင်မှတ်ထားသော အဖြစ်အပျက်တစ်ခု ဖြစ်ပွားတော့သည်။
"အား....! "
"…?…”
"အား!”
သူမကမှောင်နေသော မီးဖိုခန်းတွင် မီးမဖွင့်ဘဲရပ်နေသည့် သူ့ကိုလန့်၍အော်သည်။ သူသည်လည်း ရုတ်တရက်နောက်မှ ထွက်ပေါ်လာသော အော်သံကြောင့် လန့်ကာလှည့်ကြည့်ပြီး အမှောင်ထဲ ဆံပင်ဖားလျားနှင့်သူမကို မြင်လျှင် ပိုလန့်ကာ လိုက်အော်၏။
"အကို! နွေ့ကို သတ်နေတာပဲ !"
"နွေကရော အကို့ကိုမခြောက်လို့လား? "
ခေါင်းစီးကြိုးကို ပါးစပ်တွင်ကိုက်ကာ လက်နှစ်ဖက်ဖြင့် ပိုနီတေးချည်ရန် လုပ်နေသောသူမကို ရေခွက်ကမ်းပေးရင်း သူပြန်မေးလိုက်သည်။ သူမဆံပင်ချည်ပြီး ရေခွက်ကို လှမ်းအယူရေခွက်ကသူမနှင့် ဝေးသွားပြီ။
YOU ARE READING
1500လား 528 လား
Romanceရှေ့နေသည် သူ့ရှေ့မှစုံတွဲအား ခေါင်းခဲစွာကြည့်လိုက်သည်။ "မင်းတို့က မကွာသေးပဲ ထပ်ပြီးလက်ထပ်လက်မှတ်ထိုးချင်တာ?" အမျိုးသားက မေးခွန်းပေါ် မေးခွန်းထပ်သည်။ "ဟုတ်တယ် ဘာလဲအဆင်မပြေလို့လား?" အမျိုးသမီးကမူ စိတ်မရှည်စွာ ပြောလာသည်။ "ကျွန်မတို့က လက်ထပ်ချင်တာကို ရှ...
