"احببت عيناك وانا أقل الناظرين إليها"

"احببت عيناك وانا أقل الناظرين إليها" ...5

عند روين :
قامت بنص البر وهي م تدري شلون وصلت هنا وكيف ترجع
روين: اهخ يظهري انا وش جابني هنا
قامت مفزوعه واستوعبت هي وين : بر !وش جابني له لحالي وكيف !؟
اكيد اكيد حلم ،مدت يدها اليسرى تقرص فيها يدها اليمنى :اححح مو حلمم
طاحت مره ثانيه تحاول تستوعب وش جابها هنا
وبدون سابق انذار جاء شاص لمها : انتي جن ولا انس
روين وهي منسدحه م تحركت : انس انس انت مين ؟
سعود : انتي اللي مَن ووش جابتس لأراضينا!
روين رفعت راسها : وهو ذا السؤال وش جابني هنا
سعود : من كنتي معه اخر مره؟
روين : م اعرف اذكر بس اننا جينا للديره ورحنا لعزيمه بس
سعود : من انتي بنته طيب
روين صرخت عليه : اففففف انت وش فيك تحقق معي عطني مويه وشف دربك توكل !!
سعود ضحك ونزل من السياره :وانا غبي بخليتس بأراضينا وانا مدري من انتي بنته ومنين جايه
روين عدلت جلستها : طيب ابي مويههه
سعود عطاها مويه : انتي من بنات الديره هنا ؟
روين:  اقولك جينا للديره تقولي ساكنه بالديره ؟
سعود : طيب قولي شسم ابوتس يمكن اعرفه
روين : ابوي ذياب
سعود جلس جمبها : ذياب ؟؟عنده اخوان شي
روين: اي عنده عمي راشد وعمي حمد
سعود : ذياب ؟راشد؟وحمد؟
روين قامت : اففف يعني بتجلس تفكر لين انقز اموت!!! ابي ارجع للبييييتتتت
سعود قام وقال بنفس الحدّه : وانا وش جالس اسوي جالس اساعدتس بعدين م تخافين بنت بنص البران وش تسوي ؟
روين مسكت حجاره : م فهمت ؟
سعود : ع هالكلام م منت شرهه امشي امشي
روين : وين امشي
سعود : لسياره وين يعني !
روين ضحكت  : وشايفني بهيمه عشان اركب معك وانا م اعرفك
سعود: اجل اسكتي وخليني احاول اعرف من اهلتس
روين جلست وقالت بصوت مهموس سمعها فيه: اف شلون جيت هنا م اتذكر شييي
سعود صغر عيونه يحاول يعرف ابوها اللي اسمه مألوف عليه
روين : اسمع عمي راشد عنده عيال يمكن تعرفهم،وعمي حمد برضوا عنده ولد
سعود : اي ؟مَنهم
روين : طيب لا تقاطعني
سعود : اسلمي
روين : عمي راشد عنده مراد وهميم وهيا
سعود : بس بس بس انتي بنت ذياب ال ****؟
روين ابتسمت : عليككك نوورر تعرفهم؟؟ وديني لهم بليييززز
سعود عقد حواجبه : وشنهي ؟
روين قامت : م راح تفهم امش امش
روين : لادقيقه صاحيه انا شلون بركب معك
سعود : اجيبهم لك يعني ؟عاد المكان هنا مو امان انا مستغرب شلون م جاتس شي ؟
روين شهقت : وجعع تبيني اموتت !!
سعود : وش هالدراما ! وش فيتس انتي مرجوجه
روين: طيب طيب م تقدر تتصل عليهم
سعود : بدق على هميم اصبري
هميم :هلا سعود
سعود : ياشيخ فيه عندي وحده بالبر تقول انه بنت عمي ذياب
هميم عقد حواجبه : ها ؟
سعود :شسمك؟
روين
سعود : فيه وحده لقيتها بالبر اسمها روين تصير لك ؟
هميم : روين؟؟ماهي ببيت عمي ؟
سعود :والله ذاهي قدامي وم تبي تركب معي تقول م اعرفك
هميم :عطني اياه زين
سعود :سم
هميم:الو؟
روين:خل الياس يجيني
هميم بحدّه:وش موديتس بالبران !
روين انخرشت من نبرة صوته : مدري كنت ببيت خاله علياء ورحت مع هند لبيتنا ومرينا مزرعتهم قمت لقيتني هنا اعتقد انوا حلم
هميم :مو حلم بجيتس شوي
روين :انت ؟
هميم : لا ابوي !شرايتس ؟
روين ضحكت : لا طبعاً م ركبت مع ذا بركب معك انت !
هميم :اختس بتجي معي اخوتس ماهو فاضي
روين :وليه رويدا تجي معك يعني ؟
هميم :مو امس انتي رفضتيني وملكنا انا ورويدا ؟
روين سكتت بصدمه : اي شكله صار لما كنت بالبر لان م دريت يلا تعالوا
هميم :جايين خليه يرسل الموقع
روين  مدت الجوال ل سعود :ارسل له اللوكيشن
سعود :الموقع ؟
روين جلست بحزن:اللي تبي تسميه سميه به
روين :شسمك؟
سعود
روين : عاشت الاسامي والله
سعود ابتسم
روين : طيب ياااسعوود ليه تقول ل هميموه شيخ ؟شيصير لك
سعود ضحك : شسمه؟؟
روين :هميموه!وش اسمه يعني ؟
سعود ضحك بخفه:انا اشتغل عند عمانتس صبيّ او عامل اللي هو
روين :اوه حقيقي !م كنت اعرف سوري ،بس انت مو قلت ذا ارضك يعني عندك خير كيف تشتغل عند احد
سعود : لا ذا ل صديقٍ لي عنده شغل ومسافر وجيت لأنه كلمني اجلس هنا فهمتي
روين هزت راسها :اها ايوا ايوا
للأسف سعود حبها او اعجاب وحب اسلوبها بس هو يعرف لو كلم اهلها بذا الموضوع نحروه لانه مجرد (خادم او صبيّ)عندهم ومستحيل يعطونه بنتهم وهو اساسا م عرف مشاعره هي حب هي اعجاب لأن ذالشعور جديد عليه
روين:طيب عندك اب ام اخوان شي
سعود :امي ميته وابوي تبرا مني بسبة زوجته واخواني كل واحد شاف طريقه
سكرت عيونها بقهر على سؤالها :اوههه اسفه والله م دريت  عظم الله اجرك
سعود ابتسم :مو مشكله هي ميته من زمان
روين :يعني م يصير اعزيك الحين ؟
ضحك:لا ابد خذي راحتس يا..
:روين تقدر تقلي روين
سعود :اعذريني والله على اسلوبي الصدق م عرفتتس وانتي خرعتيني
روين: لا عوافي شدعوه اي شخص بموقفك بيسوي كذا ماهي مشكله
عند هميم :
قام من سريره وهو معصب:وش وداه لمه ذي وشلون عمي يكذب عليي!
لبس وطلع :
نهى :هميم تعال
هميم :طالع يمه
راشد : وش عندك بالقوايل؟
هميم :باخذ رويدا بنروح مشوار ونجي
نهى ابتسمت:زين
انمار غمزت له :اوفف هميم م عرفتك
هميم طلع بسرعه وم رد عليها
رولين جت ومعها صينيه :فيهم شي؟
هياف :شكله م جاز لي
طلع هميم ووصل ل بيت عمه ورن الجرس
طلع له الياس :هلا
هميم : تقدر تجي ؟
الياس :لا والله عندي اختبار بعد اسبوع اذاكر له بغيت شي ؟
هميم : ابي رويدا خل تلبس عباتها وابيها بمشوار
الياس :سم
طلع الياس ل رويدا :
رويدا : الياس شوي شوي شفيك !
الياس :البسي عباتتس زوجتس برا يبيتس
رويدا : هاهاها حلم بليس وييننن ؟؟بالجنهه
الياس :رويدا م لي خلق اتناقش معك زوجك ذا وله حق عليك يشوفك مهما كان بخاطرك اطلعي له عشاني
رويدا هزت راسها وطلعت لغرفتها ولبست عباتها وطلعت ل اللي تشوفه (مريض نفسي ومتوحش وجدار )م كانت تشوف فيه صفه حسنه ابداً بس هو خلاص صار زوجها وحركاته بتثبت لها انه فعلاً (جدار ومتوحش ومريض نفسي )
رويدا : وش تبي فيني ؟
هميم : اختتس ماهي ببيتكم ؟
رويدا بخوف : يمه روين فيها شي وش دراك!؟
هميم صرخ وزمرها: انا اسألك انتي تجاوبينن على قدر السؤال لا تردين سؤالي بسؤال!!!
رويدا قمطت العافيه : اي مو فالبيت
هميم : خلاص اسكتي طيب
رويدا فكت نقابها لانهم طلعوا طريق بر وم فيه احد :
هميم : وجعع يوجعتس تغطي !
رويدا : تشوف فيه احد ؟ لا م فيه خلاص
هميم لف بقوه عليها وطاحت عينه بعينه : ايوا ؟ طولة اللسان ذي مالها داعي سمعتيي؟؟
رويدا لفت عينها لان م تبي تناظره مباشره بعينه
هميم : لما اكلمتس تناظريني
رويدا لفت له بقرف:وانا مو عبده عندك عشان تامرني واقولك سمعاً وطاعه! يكفي انك م رديت ع سؤالي ومدري وين موديني
هميم استغفر : تبين تدرين وين اختك ياهانم ؟ اختك بالبر الله اعلم وش كانت تسوي فيه تدرين مين لقاها؟سعود
رويدا عقدت حواجبها : ومن يكون سعود ذا
هميم زفر : ياكثر اسئلتسسس!!
رويدا لفت للدريشه وكانت تحس قلبها بيطلع من مكانه خوفاً ع اختها وفجأه خانتها دموعها وبكت !بكت قدام الشخص اللي ماكانت تبي تضعف قدامه ولا يشوف لها دمعه
هميم : اوه الحين هالحركات ذي عندتس ؟دموع التماسيح ذي م تمشي علي ابدد كان غيرتس اشطر
لفت له وهي تبكي بقوه: حبيبي م ابكي ل سواد عيونك !! ابكي عشانك ظلمت اختي ودخلت بنيتها واحنا اساساً م ندري من وداها!واذا هي بالبر ف هند معها
هميم عدل جلسته وقال ببرود: طيب يعني من ذكائك انك للحين م استوعبتي ان اللي مسوي فيها تسذا هند واخته !
رويدا : ايشش
هميم :الصوتت !خلاص اسكتي ياحبتس للسوالف
هميم قرر هو اللي يبادر بالسكوت هالمره على انه متعود ينقاله سم وابشر كان اللي يكلمه صغير ولا كبير بس ماكان يعرف انه اثبت لها انه عديم مشاعر منجد
وصلوا ل مكان قريب من سعود وروين :
هميم : البسي نقابتس يالله
رويدا م ردت عليه طلعت نقابها ولبسته
وصلوا ل مكانهم وبدون لا رويدا تشاور هميم فتحت باب السياره ونزلت ل اختها :
نزل معها هميم وهو يستغفر ويحلف انه وده يذبحها
رويدا مسكت روين : فيك شي ؟احد جاء لك ؟؟
طاحت روين تحضن رويدا وجلست تبكي بحضنها اما رويدا اللي كانت مخروشه منها وم تدري ليه تبكي كذا
هميم مسك سعود مع كتفه: م قصرت ياابو عمر
ابتسم : واجبي م سويت شي
هميم التفت ل رويدا وروين وقال : خلاص كملوا بالبيت يالله
رويدا همست :عديم مشاعر صدق !
قاموا وركبوا بالسياره : كان هميم عند السايق وجمبه رويدا وعند الباب الثاني روين
شغل السياره :ابسالتس ياا
:روين
هميم : اللي هو وش وداتس هنا
روين :مدري كيف وصلت هنا اساساً
هميم :قولي لي اخر شي تذكرينه
روين قالت له كل شي تذكره
هميم حس انه فهم وقرر انه بيروح لبيت علي بعد م يوصلهم
رويدا لفت ل روين : تحسين ف شي ؟
روين : لا لا
وقف عند بيت ذياب : يالله
نزلت روين
رويدا : شكراً
هميم هز راسه
توجه ع طول ل بيت علي :
دق الباب وطلع له حازم :
هميم :وين ابوك ؟

       (تعريف بسيط )
علي : مكروه من كل شخص ويشوفونه عديم شخصيه ينشب لأي شخص بالحياه فيه صفه وحده حسنه وهي انه (احيانًا) على نياته