"احببت عيناك وانا أقل الناظرين إليها"

"احببت عيناك وانا أقل الناظرين إليها"...8

دخل هميم للرجال وهو متنرفز من نوره ووده يساويها بالأرض
لف لما سمع ليث يكلمه :
هميم بفهاوه: هاه؟سم عد كلامك م سمعتك
ليث : وين عمي مساعد وعياله ماجو لايكون بهم شي
ابتسم :راحوا لخوالهم
ليث رفع حواجبه  : اماا
هميم : اي والله لايكون بخاطرك شي فيه شي؟
هز راسه بنفي : لا لا
ليث رجع لف لهميم: طيب ياخوي
هميم رجع له وابتسم : سم؟
ليث : سم الله عدوك وش صار على الوضيفه
هميم مسك ليث وطلع معاه برى : اسمعني ياليث الوضيفه ذي م تصلح لك وانا اخوك م بعطيك شي ماهو بزينٍ لك
ليث هز راسه ب استجابه
هميم عقد حواجبه : وش تبي فيها ؟ لا يكون ناقصك شي ومستحي تقول لي! ياويلك ياليث
ليث ضحك : لا والله بس ابي اتوضف
هميم ضحك من سمع ضحكته : توك ليش شايل همه ؟ اما عن وضيفتك للحين انا ادور لك بس العسكريه بتكسرك ياخوك والله ماهي زينه
ليث ابتسم :من اي ناحيه؟
هميم : من كل النواحي كل شي ماهي زينه لك ابد يبيله واحدٍ اساسا ماعنده مشاعر وانت كومة مشاعر تمشي على الارض عادي عندك تشوف خويك يموت جمبك وتكمل تحارب وهو يصارع الموت جممببكك!!؟
ليث وجهه قلب اصفر خوف : لا لا اكيد
هميم ابتسم بخفه : شف هذا وانا قلت بس مثال وجهك تصوفر عاد وش لو انه حقيقه؟ ياليث انا اخوك وادرى بمصلحتك مابرميك ل شيء ماهو زينٍ لك وخلاص فهمتني؟
ليث هز راسه بااستجابه: م تقصر يا حبيبي
طبطب ع كتفه ودخل
ومن جمب الخيمه طارق يسمع كلام هميم لليث ويتحسر على نفسه اللي عنده اخو من ابوه يهدده بالقتل ومعيشه ب خوف
تذكر كلام حسام :(والله ياطارق لو رجعت ولقيتك بتموت وعلى يدي بحقق لك امانيك وبترجع لأمك وماحد بيمنعني عنك )
زفر بقلق وهو للآن ماحد يعرف الا هو وحسام وهو عارف انه بيرجع بأي وقت بدون علم احد وم بيقدر طارق يبعد عنه
دخل طارق ووجهه متضايق واضح
الياس لف لطارق بفرحه وحسن نيه : تصدق حسام م بقى له شي وتجي اجازته ويجي
حس بأن كل شعره بجسمه وقفت:كيف ؟ كيف عرفت
الياس : هو قال سنتين صح؟ م بقى شي وتخلص هالسنتين تقريبًا بعد زواج هميم بأسبوع
طارق استوعب ان له سنتين وشيء عايش بخوف من اللي مفروض يصير عضيده وسنده تنهد: زين الحمدلله
عند سعود
كان واقف ورا شبك الغنم ويسمع صوت ماهو غريب عليه يتكلم
صوت روين!
روين : والله م اعتقد اكمل بس رويدا لو تدري بتذبحني ، ياخي هو تخصص حلمي تمام بس انا م ودي اكمل ، طيب طيب
كان سعود يتأملها وبنفس الوقت يحاول يخفي هالشي
م استوعب الا وهي قدامه : فيك شي؟
ضحك بفشله : احاول اخفي انبهاري وانا اتأمل جمال عيونك بس راعي الهوى مفضووح
تقدم يركض لخيمه الرجال وهي مصدومه من كلامه وكيف تجرأ يقوله
قفلت بسرعه وجلست تضحك مصدومه دخلت بسرعه قبل لااحد يشوفها وهي تتذكر كلامه وتتبوسم
بخيمه البنات :
وعد: بنات جد جد خل نرقص
رولين جلست تصفق:انتم ارقصوا وانا اعزز لكم يالله
دخلت روين وابتسامتها شاقه وجهها
وعد اشرت ع روين : تعالي تعالي
روين وقفت عند وعد وتخصرت وهي تلهث: ايش
انمار : لاحقتس كلب ؟
روين هزت راسها بنفي : لا ما لحقتيني
طاحوا البنات يضحكون وانمار تحلت علب المناديل ع روين
رويدا حطت يدها على راسها : بنات يالله سترك بعد يومين عرسي
طاحت النايفه تضحك : تذكرين اول م جيتوا للديره وقلتي نبي مناسبه جت لين عندك
رويدا وهي تصارخ : لااا صرت اناا المناسبهه
البنات كل وحده طايحه بمكان تضحك
نوره بحسد : م اشوف شي يضحك الصدق انتوا دراما هذاني قدني تزوجت وم صار شي
وعد: مير صح يانوره وين كنتي به بعد م تطلقتي
تقلب وجه نوره : م يخصك
وعد ضحكت : اويلي ع المشتطين بس م قلنا شيء!
روين حطت راسها ع حضن رولين : اوففف هالسنه عرس رويدا وولادة ثاني حفيد لكم وشكلنا بنطول هنا بعد وقبولي بالجامعه وتخرج الياس ان شاء الله ياراااسييييي
أنمار ضحكت وضربت رجل رويدا : وان شاء الله يجي ثالث حفيد لنا واول حفيد لكم صصح
رويدا فزت : هه دزي ياماما بسم الله علي!!
طاحوا البنات يضحكون عليها
أخذت رويدا شاهيها وكانت تتأمل نوره وتحاول تفهم سبب طلاق هميم المفاجئ اللي حتى خواته م يعرفون بالسبب
الياس طلع ينادي رويدا : يااولد رويدا
قامت رويدا وعند رولين اللي م استوعبت نفسها وهي تبتسم
ضربتها وعد: شفيك يابوي
رولين ضحكت : وش فيني ودي نرقص
وعد قامت للسماعه : انقزي جيبي غدفنا
رولين ضحكت : مصري؟
هزت راسها ب *ايه*
طلعت وقابلت الياس ورويدا
رويدا : على وين
رولين : بجيب غدافنا
رويدا ضحكت : وغدفتي بالله
تقدمت رولين للخيمه الثانيه والياس للحين ماشال عينه من عليها
رويدا : حبيبيي انا هنا !!
لف لها : ايه ايه معتس
شهقت : لايكون اللي ببالي
ضحك الياس وهو موقادر يخبي عن اخته اكثر : والله شوفي
ضحكت : حيوان يالياس
كشر بحزن : وهي ؟ مدري
تكتفت : لا والله اشك كلكم مو بس انت
ضحك بفرحه: اسألتس بالله!!!!!
مسكت بطنها تضحك: والله
راح يركض لخيمه الرجال وهو ينقز ويضحك بصوت عالي
ابتسمت : الله يكتبكم لبعض لو فيه نصيب ولو م فيه يعوضك يالياسي
طلع الياس من شاف رويدا دخلت جوا وراح للخيمه اللي فيها رولين
رولين شهقت بخفه : يمه وش جابك
ضحك : ماجابني الا انت وشوووقي ياقرب الخلاانن
حاولت تمسك بسمتها بس م قدرت : الياس اطلع بسرعه
ابتسم بخفه:ماودي يرف لي جفن لاشفتك ويفوتني عمري مع هالثواني اللي مقدر اناظرك فيها ياعيوني
اخذت الغدف وهي مو قادره توقف اكثر وحاسه انها حاره ومستحيه واجد
طلع وهو يضحك وعارف انه احرجها
بخيمه الحريم :
النايفه : بنات يونس بكرا يوم الحنا
رويدا : ياخي اصبروا ودي استانس معاكم ببكي
أنمار : ههههههههههه وربي يونس شفيك انتي
رويدا رفعت يدينها : يارببب اللي بعدي ياانمار يالنايفه ويحسون فيني هالسملق
النايفه قامت : لا يمه خير وش شدعوه مااتفقنا كذا
رويدا طاحت تضحك: القمي وربك واحد م استغفر
روين وهي ماسكه بطنها من الضحك : وش تبون اشغل
دخلت رولين ورمت الغدف ع انمار : امسكي استغفرالله بس
روين : شفيك
انمار ضحكت : هرمونات ماعليكم
روين : امااا اي يوم
رولين حطت يدها *3*
روين ضحكت : معييي ههههههههههههه
رولين :احلفييي
انمار ضحكت : عاد روين ماهي نفستس نفسيه حامل
رولين : انننن
رويدا : يالله بنات بتقلبونها هوشه
وعد دخلت : بنات خالتي نهى تقول تعالوا نحط العشاء يالله
رويدا رفست المركه : م تستحون امشوا يالله
بالمطبخ :
رويدا ل أمها:طيب ماما كلمي خاله شماء تجي بكرا عشان قريب عرسي
عتايم : م اظن اهلها ماهم قراب بس بكلمها
روين: او على الاقل يجيبون النياره مع مازن دامه بيجي
وعد استغفرت بقرف من تذكرت موقفها معه
انمار : اي كل اخوانها بيجون مالهم حق م يجيبونها
وعد اعطت روين صحن : حطيها بالصينيه
روين ضحكت : شوي شوي طيب شبلاك
وعد رفعت حاجبها : انا وشبلاي؟
بنفس الوقت وعد تتذكر كلام نوره لهند وحالفه م يجي بكرا الا وهي جالدتهم
طلعت نهى وعتايم : اخلصوا يبنات
طلع هميم والياس بيدخلون المطبخ :
رويدا من سمعت اصواتهم طلعت راسها : لا تدخلون
الياس ضحك : ليه ؟
رويدا : كلنا جوا وش تبي
ضحك بقوه : بكحل عويناتي
رفسه هميم : اعقب والله انك عقبت
رويدا قربت من الياس : ممنوع!
الياس عبس بملامحه بضحك : ليه ؟
ضحكت : ترضى أحد م يحلّها يشوف اللي ببالي
رفع ظهره وعدل ملامحه : يخسي!!اكيد لا
دفته مع جبهته : أجل انثبر
هميم : هاا تشفيرات ياولد ذياب وبنته!
الياس ضحك: خلك هنا طرف ثالث
هميم اشر ل الياس يرجع للخيمه : ياانمار
أنمار من جوا تصارخ بقرف : هههاااااههاا
طلع الياس يركض وهو مقفل اذونه
هميم بحدّه : صوتتس لأاجي اقص لسانتس !
طلعت له : نعم وش تبي
هميم : أبيتس تاخذين الصينيه
أنمار دخلت : شوف زوجتك عندك دز
ضحك بمزح: من زمان م سطرتس
أنمار ضحكت : صدق من زمان م تصارعنا خلاص اليوم بنتصارع
اخذت رويدا الصينيه من يده ودخلت تحطها
رفع صوته وهو يضحك على أنمار: مشكوررره
طلع يركض عشان ابوه يناديه
*نرجع بالزمن *:
عند نوره وهند بالمغاسل:
كانت وعد بدورة المياه *اكرمكم الله*
نوره ضحكت : والله م يجي عرسها الا واخليه يكرهه طاريها وحتى ظلها يصير يكرهه
هند : انا بعرف وش الحنيه اللي نزلت على هميم يوم قال لاتشيل شي ثقيل لايكون يحبها؟
نوره رفعت حواجبها: لا اكيد م يحبها هو كان يبي اختها بس هي اخذته يوم سحبنا روين للبر واساسا هو مجبور ع الثنتين ورويدا برضوا مجبوره
هند حطت يدينها ع راسها : اقسم بالله سالفتكم سالفه
نوره ضحكت : اسمعيي طيب وش بسوي
هند : أسلمي
نوره : بيوم العرس بروح له وببكي واترجاه وأجيب كلام عنها وانها حقت سوالف ومن هالاشياء بخليه يكره طاريها وبزود اشياء من عندي
هند بحماس : تم تم تمممم
ضحكت نوره :امشي طيب لااحدٍ يسمعنا
وعد طلعت : التسلبه!!!! هذا لو مامتي قبل العرس يابنت اللذينَ!
*نرجع الحين للحاضر*:
بعد العشاء :
ابو مراد : ويامراد جايزلك ولدك بمكان وانت بمكان
مراد رفع حاجبه : يابوي امه حامل تبيني افرقه عن امه يعني؟ ترا عمره 10
ابو مراد : ماش متزوجلي وحده ماهي منا وفينا مادري ليه اني مستغرب
الياس وهو يضحك : عمي بس وده ينقد ع مراد وزوجته
هياف بهدوء: طيب لو دخلت كوعي ببطنك وش ردة فعلك؟
الياس ابعد وهو يضحك: افا وش سويت
هياف مسكه مع كتفه : لاتجيب حَرم مراد ع لسانك سمعت؟
ضحك: ابوك يالشخصنه
هياف بحدّه: سمعتت!!
مسك بطنه من الضحك : سم سم
غيث لف لليث : هياف وش فيه؟
ليث : مدري لاحظت فيه شي هاليومين
هز راسه ب *ايه* مرار وتكرار : ايه ايهه بس معصب احس فيه شي
هميم وهو يدفهم : مافيه الا العافيه ادخلوا بس
طارق وهو يضحك : تراه يدري اكيد
ليث مد يده لطارق وهو يضحك: ايه حسيت
ضربها طارق : ادخلوا يالله
هميم اشر يده ب *لا*: بدخن واجي
ليث كان بيتحمس ويقول حتى انا بس استوعب اخر شي
دق جوال هميم :(حسام)
هميم : ارحب هلا والله
حسام : البقى ياولد العم
هميم ابتسم : امرني ؟
حسام : سمعت ان زواجك قريب وانا بجي بعد اسبوع اعذرني مااقدر احضره وقل لطارق حسام ذابحه الشوق
هميم ضحك: وافي ياحبيبي وابشر توصل
قفل حسام وهو يضحك : نهايتك على يدي ياطارق
*طق الباب *
حسام: تفضل
-:السلام عليكم دكتور
حسام عدل جلسته : وعليكم السلام يامراسيل تفضلي
مراسيل بقهر منه: دكتور م احس لك حق تنقصني عشاني قلت الحق!
حسام رفع نضره لها من الأوراق : تحسين يعني؟ خلاص سهله احذفي الماده
مراسيل : مو منجدك! انا قدمت البرزنتيشن كويس مره مالك حق تلعب بدرجاتي عشانك نفسيه
حسام : كم نقصتك ذكريني؟
زفرت بقهر : 6درجات
رفع راسه وابتسم ابتسامه كفيله بأنها تقهرها : اعتبريهم 12درجه
شهقت بخفه : ليييييه!!!!
غمض عيونه ونطق بحدّه: عشانك محترمه وجدًا اطلعي والباب وراك يتسكر !
طلعت ووقفت عند الباب : الباب تحلم يتسكر يادكتور يافاهم ياعاقل
وهمست: الله ياخذك يامعفِن
بالديره بعد ماخلصوا عشاء:
أنمار : يالله قوموا نرقص الحين
رويدا : لا متعكر مزاجي
وعد : افا يارويدتي قولي لي من عكر مزاجك راح اساويه بالأرض
اشرت أنمار على نهى وهند وهي تمزح ماحد كان متوقع وعد بتقوم صدق وتجلدهم،ضحكت : اكيد هم
قامت وعد : عاد ابيها من ربي انا
*تجالدوا حرفيًا تجالدوا بالمعنى الحرفييي*
وصلت اصواتهم للرجال وقاموا كلهم يشوفون ايش السالفه
لقوا الحريم الكبار برى :
ام مراد بخوف : ياعيال شوفوا البنات جوا تعافشن بالشوش
الياس ميت ضحك هو وهياف وغيث
دخلوا من سمح لهم ابو مراد ودخلوا معهم ابو مراد وابو الياس وابو حسام
هميم دخل وطاحت عينه عليها هي ورولين جمب بعض سحبهم وهو م يدري من سحب بس سحب رويدا ووحده شعرها زي رولين
حطهم ع جنب : شفيككمم!!! انجنيتوا؟؟
رويدا بقهر رفست ركبته: منجدك انت لاتجلطني هميم!!!
هميم حط يده ع فمها : صوتس صوتس!!!
رويدا جت بتطلع ومسكها : تروحين كذا ؟
رويدا هزت راسها ب استجابه: ليه فيه شي استاذ هميم
هميم وهو يفوررر: تعقبين م تطلعين كذا
شال شماغه وحطه عليها هي ورولين
وعند رولين اللي كانت تبكي وبقوه من الالم
مسكها هميم : شفيك تعورتي ؟
رولين وهي تشاهق : نوره الله ياخذها
استغفر هميم وصرخ بعلو صوته : خلاص يالدجاج!!!تجلسون تتناقرون فوق راسي!!!!
وقفوا كلهم من سمعوا صوته وكل واحد اخذ اخته يغطيها
وقف هميم وكان ناويهم نيه وبيهاوش تقدم قدامه الياس ومعه روين ورويدا
وكل واحد اخذ اخته على جنب
عند طارق ونوال والنايفه :
طارق بعصبيه : تستهبلون ع مخي!! وش ذالهبال
شاف نوال تبكي بقوه وتشاهق وماسكه كتفها ،مسك يدها وابعدها عن كتفها : فيك شي؟ ليكون تعورتي
هزت راسها ب *لا*
شاف جرحها: مين اللي سوت كذا
نوال بخوف : وش بتسوي؟
طارق بحدّه : من اللي سوت لك كذاا!!!
طاحت دموعها تتسارع:هند
غطى كتفها : والله لا اوريها النون وم يعلمون بنت علي !
وقف عند فيصل وتكتف : وش الحل مع هالسملق اللي وراك؟
فيصل رفع حواجبه :احترم نفسك ياولد حمد خل الليله تعدي على خير
ضحك: وان ماخليتها تعدي على خير وش بتسوي طال عمرك؟
فيصل بحدّه : ب اساويك بالارض
دفه طارق وقال بقرف : تخسي وتعقب!
وقامت بين العيال او بالاخص احفاد عايض وعيال علي وتجالدوا
عند الياس وخواته :
الياس :ياامي وحده منكم تعورت؟
روين : بنت اللذينَ شعري بيدها الهمجيههه!!!
الياس رفع حواجبه بصدمه: اوفف !! مره وحده
رويدا : والمريض اللي م يتسمى جالس يهاوش!
الياس : من؟
لفوا كلهم من سمعوا اصوات صراخ الرجال
اخذوا الرجال بناتهم لين يهدون العيال
بعد نص ساعه:
كل واحد طايح فيهم بمكان مصروعين :
قام هياف ورفس حازم : لابوك لابو ذالوجه
غيث وهو ماسك بطنه يضحك: اهخخخ ياكبدييي
ليث رفسه : م يضحك يافله لااحول عليك
غيث رمى ظهره على ورا : سم سم
قاموا كل واحد فيهم يغير ثوبه
هميم مسك فيصل هو وطارق :
طارق بحدّه : اسمع اقسم بالله ان خواتك المسن خواتي لاالعن خشتك!
هميم : م وقفت ع بنات عمي حمد كل حريمنا ياخي اعتقوهن مو كل مره بيجلدون وحده!!
فيصل بااستفزاز : وليه يكون خواتي السبب
الياس اشر ع وجه فيصل وكان اصبعه قريب جدًا بين حواجب فيصل : ذالمعتوه الكلام معه ماله اول من تالي
فيصل مسك اصبع الياس : لاياشيخ؟ شكلك م انجلدت زين
هميم ابعد الياس عن فيصل : م تفهم!!! خلاص يارجال بلا حركات مبزره!
طلع فيصل وهو م رد عليهم
عند راكان ووعد وسالم :
وعد وهي ميته ضحك : والله جلدتها لين عضت الأرض
سالم مد يده لها : تسلم يد اللي ربوك ياشيخههه
اما عند راكان اللي كان منصرع منهم : شفيكم انتوا سكرانين!
وعد : لا والله بس نوره ذي بالذات يبغالها من يأدبها!
راكان طبطب ع كتفها : اهم شي م تعورتي
وعد ضحكت : لا تخسي تمسني هالعقربه
طلع هميم وهو متوجه ل رولين وأنمار مع هياف
هياف كان ماسك بطنه يضحك : شوضعكم انتوا
غيث وهو يضحك: اقسم بالله حفله
ليث بحدّه : م يضحك ترا !
هميم : وهو صادتز وش يضحك؟
هياف يمسح خشمه : عسى م تعورتوا؟
هزوا رؤوسهم : لا
أنمار : بس والله يايدها ثقيله ماهي يد ادميه!
رولين ضحكت : شفتي وعد يوم سطرتك كف تحسبك هند متتتتتت
أنمار طاحت ع رولين : حسبي الله تشبهني بالهسملقيه
طلع هميم يبعد عنهم: الحمدلله والشكر
بعد ساعتين :
دخلوا الكل ينامون بعد اللي صار ماعاد رويدا وهميم
هميم بخيمه الرجال ورويدا بخيمه البنات
رويدا عند وعد : نمتي ؟
وعد : شوي
رويدا ضحكت : شلون شوي نمتي ولا لا
وعد : نص ونص
رويدا زفرت : مو قادره انام يوترررررر
قامت رويدا : بروح للمطبخ
وعد حركت يدها بمعنى (روحي)
طلعت رويدا للمبطخ وجلست تخربش
سمع هميم خربشه ونور المبطخ مولع وقام يشوف مين هناك
دخل هميم : مين فيه؟
رويدا صرخت : وجع!
فز : بسم الله!!! صوتتس
رويدا بخرشه : وش جابك؟
تكتف: انتي اللي وش جابتس ووش تسوين هنا بدون شال؟
رويدا اشرت ع شالها : موجود
لف بيطلع : ياخلصتي قفلي الانوار
رويدا : لااصببر
هميم: هلا؟
ابتسمت : ابي جوالي
هز راسها : لا
كشرت ورفعت حواجبها : ليههه؟؟
هميم :ماهو لازم روحي نامي
رويدا :ماجاني النوم عطني اياه بعد الصلاة خذه
طلع وم رد عليها
طلعت راسها وقالت بصوت عالي : بلا بجاحه!
استغفر ودخل للخيمه وسكرها
اخذت الشال وطلعت لخيمتهم : هميم افتح!
طلع لها ورفع حواجبه : صاحيه انتي؟ ليه تجين!
مدت يدها :ابي جوالييييي
هميم بحدّه : لا يعني لا! توكلي
طلعت ع طول لخيمه الحريم وهي م سكرت الانوار وطلع للمطبخ يقفل الانوار  : اقسم بالله بزر!
باليوم اللي بعده (يوم الحنا):
كل واحد فيهم يحط اغراضه بالسياره:
النايفه ميته ضحك : عادي كله صرصور يالكيوت انتي
روين بحدّه : م يضحك يانايفه م يضحك!!
رويدا : تعالوا ساعدونيي
أنمار : هالبزران مابيساعدونتس لو تموتين انا بجي
دخل ليث : ياولد اقصروا اصواتكم
وعد : ليث روح يابابا روح
راكان : وعد اعجلي
مسكت وعد الشناط ورمتهم ع سالم وطلعت
سالم بصدمه : يااليي مني بقايلل!!!
رويدا : هييييي اليوم ايش!
رولين وهي تركض : الخميس الخميس مو الجمته عرستس؟
رويدا مسكت راسها : متى نوصل لديره؟
رولين ضحكت : شفيك يماما للحين نايمه؟ تونا م طلعنا حتى
رويدا مسكت راسها : هههه ادري بس احس يوتر ج
أنمار سحبتها : م يوتر عادي بعدين خذيها بالمعنى الإجابي بيصير ٣يكرفون مو ٢
رويدا ضحكت : لايشيخخهه
أنمار : اي بالله ههههههه
هميم مسك كتف طارق : ايه صح
طارق : سم ؟
ابتسم : حسام يقول اقول لك ذابحه الشوق وتراه بيجي بعد اسبوع
طارق وجهه تقلب : ايهه زين زين
كشر : فيك شي ؟
طارق هز راسه بنفي : لا لا
طبطب على كتفه: زين
_____________________________________
يتبع !!