"احببت عيناك وانا أقل الناظرين إليها"

"احببت عيناك وانا أقل الناظرين إليها"...11

نهى : ياويليي وش فييه!!
مراسيل ودموعها متحجره بعيونها : والله مدري قالي انادي وحده منكم وقلت له هو يناديكم وراح يناديكم وطاح بس
رويدا حضنتها : خلاص مو مشكله امشي
انمار : رويدا بسرعه نادي هميم بسرعه
رويدا اخذت جوال روين : زين زين
الياس: هلا؟
رويدا : الياس بسرعه ناد هميممم
الياس بخرشه فز : شصاير بكم شي؟؟
طارق : وش صاير
الياس بيده*اصبر*
رويدا : هياف جاء وطاح علينا
قام الياس : افااا
سحب هميم وطلعوا وراهم العيال
هميم : انطق وش بك؟؟
الياس : هياف طاح ع الحريم داخل
ليث وقف عند الباب : ياولدد
تغطوا الحريم ودخل ليث
عتايم : يالنياره مويه
النياره : زين زين
جابت المويه
النياره مدت الكاس : ليث امسك
ليث وهو صاد : مشكوره
رشوا ع هياف مويه وصحى بعد دقايق
الياس : فيه جهاز سكر هنا وضغط؟ ابيهم
رولين : ايه فيه حق ابوي اجيبه؟
الياس هز راسه ب * ايه*
هميم ابتسم وهياف بحضنه: طهور طهور يابوي انت
رويدا ابتسمت وهي تشوف حنيته ع اخوانه
مراسيل جت ونطقت بخوف وضح ع نبرتها : صار عليه شي؟
نهى مسحت كتوفها : لا ان شاء الله م عليه شي وم به الا العافيه
هياف رفع راسه ل هميم وهمس : ابيها
هميم صفقه بخفه : اثقل واحترم نفسك ووضعك
نزل راسه وهو يضحك : ابشر ابشر
مراسيل ابتسمت : طهور والف سلامه ياا
هياف رفع راسه لها وصد ع طول : هياف
رولين رفعت يدها وضحكت ونطقت بهمس : يارب يتزوجون ويقول لها من جمالتس اغمى علي
رولين ضحكت : ايهه ايههه
وعد : بزران؟ اركدوا بس مو وقتكم
النايفه ضحكت : مستحيه اقول اني اتمنى ذا بعد
وعد : لا تكفين صيري اعقلهم
النايفه : مقدرر كيوتيييي
عند المطبخ بالحوش الخلفي
روين : كيف كذا!!
سعود : والله شافنا ولازم م نتقابل
روين : م يهم احنا اساسا تقابلنا صدفه وم نكمن لبعض مشاعر يعني بس خايفه يقول ل الياس ولا بابا ولا يظلمنا!
سعود هز راسه بنفي : انا اكمن لك مشاعر!
روين بصدمه : ها؟
سعود : روين انا احبك انا م قد حسيت بحنان الام ولا حنان الاخت ولا حتى الاب بس ابيك تعوضيني بهذولا كلهم انا حبيتك من اول مره تقابلنا فيها واحلف لك انه مو بس اعجاب! ادري طريقتي غلط بالتعبير بس انا م اعرف كيف اعبر عن حبي لك زين لاني عشت ببيئه ناشفه وقاسيه وانتي مطري اللي بتنقذيني من هالجفاف انتي اللي بترويني بحبك ياروين!! احبكك والله احبكك
روين تجمدت بمكانها احراج ونطقت : ك كك كيف؟
سعود ابتسم : وش اللي كيف؟ انا احبك!
دخلت بسرعه للمطبخ وتحس قلبها بيطلع من مكانه لدرجة انها تحس بنبضاتها
طلع سعود ودخلت ع طول بعده نوال
نوال : شتسوين؟
روين : انكتممت من الخرشه طلعت اشم هواء صار شي
نوال هزت راسها بنفي : م صار شي بس فقدتك امشي
روين مشت وراها
بالصاله :
الياس : حبيبي فيك سكر؟
هياف هز راسه بنفي
الياس : كيف؟ عندك هبووط بالسكر كأنه فيك كيف كذا
هميم عقد حواجبه: يعني صابه السكر؟
الياس : احس احسن نروح للمستشفى ونفحص احسن من اني اهبد لكم خبر م يسركم بس غالبًا ايه
زفر هميم : زين يالله
هياف : لا م ابي
رولين : هياف ! وش خليت للشيبان رح وانت شاطر
هياف ضحك : سمي سمي
الياس : يالله اجل امشوا
هميم : احتروني شوي بس
تقدم هميم ل أنمار : وين رويدا؟
أنمار : طلعت لغرفتكم بس قبل تدخل تنحنح البنات فيه
هميم هز راسه بتفهم وتقدم للغرفه
تنحنح : ياولد
رويدا طلعت : اهلين هميم ؟
هميم : فيه احد بالغرفه؟
رويدا هزت راسها ب *ايه *
هميم تراجع خطواته وصار بعيد شوي عن الغرفه : اسمعي طيب مراد بيجيب زوجته وبتولد وبتنفس عندنا ابيتس تساعدينها
رويدا وجهها قلب : كيف؟ م قد عشت م حامل غير ماما م اعرف
مسك كتفها : تتعلمين بعدين معتس خواتي يعني
رويدا زفرت ونطقت بفهاوه : يعني بتولد هنا بالبيت ولا يالمستشفى
ضحك هميم : والله فهاوتتس م تذكرني الا بالياس
رويدا : هميممم!! وشو
هميم : اكيد بالمستشفى بس انها بتكون عندنا مو عند اهلها
رويدا بفهاوه : اهااااااا
ابتسم : تراي طالع للمستشفى عشان هياف
رويدا لفت بتدخل : الله يحفظكم
طلعوا للمستشفى
مراسيل : بنات اقسم بالله تأنيب ضمير
رويدا ضحكت : طييب اسمعي شفتي ذولا؟
مراسيل ناضرت نوال والنايفه: ايوا شبلاهم؟
رويدا طاحت تضحك: خوات دكتورك حسام
مراسيل طلعت عيونها : كييييييف فرق الثرى عن الثرياااا !!!!!!!
نايفه : كيف كيف تعرف حساام كيفف !
رويدا ضحكت : دكتورها
نوال شهقت : مع بعضض رجال وحريم؟؟
مراسيل هزت راسها بنفي : هو يدرسنا اونلاين يعني م يجي عندنا يشرح بس ستل تبن
النايفه ضحكت : افا وش مسوي لتس مسود الوجه!
مراسيل : مع كامل احترامي يعني طبعًا بس اخوكم مريض قدمت له البرزنتيشن كويس بس عشاني دافعت عن وحده لانه ظلمها شملني العرض وظلمني بعد ونقصني 6 درجات ظلم ولما ناقشته نقصني 12 حرفيًا ماهو ادمي !
نوال : وي!!! م يستحي الحيوان
النايفه ضربت صدرها : افا عليتس بس حقتس يجيتس وبترجع لتس ال 12 درجه ليييين عندتس
مراسيل ضحكت : اتمنى بس بتصير 18
رولين : عاد احس اقشر عيالنا ليث وهميم وحسام
وعد: اما ليث احسه ابددد ماهو اقشر
انمار دخلت : وش تسونن
وعد: الحين ليث اقشر؟
انمار : شوفي ليث اشوى من هميم بشوي بس كأنه هميم الصغير شخصياتهم تتشابه بس هو اهون
رولين ضحكت : ايوااا بالضبط
رويدا : لا لا م احس
النياره : اقول بس متعب يقفل ملف ملفاتهم
طاحوا البنات يضحكون
وعد: عاد احس مازن الغثيث
النياره هزت راسها بنفي مرارًا وتكرارًا: لا لا محد محملني ع هالحياة ومصبرني ع متعب الا مازن
انمار : طيب بنات ليه متجمعين بغرفة رويدا وهميم اطلعوا يالله
روين : خلاص زين اطلعوا بس ابي رويدا بشيء
طلعوا البنات وبقيت روين ورويدا
رويدا : ها وش بغيتيني به؟
روين ابتسمت ومدت لها البوم : شوووفي وش سويت
رويدا عقدت حواجبها : شذا؟
روين : البوم زواجك!
رويدا ضحكت : كذااااااابه
روين: والله سويتو بسرعه قبل نرجع للبيت
رويدا حضنتها : احبك احبك احبكك
روين ضحكت : يروحييي انتي
بالمستشفى :
الياس : لانك م تستحي!
هياف ضحك : افاااا يابو سيف انا مااستحي؟
هميم بشبه حدّه: ايه نعم م تستحي! اجل ياادمي تهمل اكلك وصحتك وم تبي يجيك م جاك
الياس : وبعدين اسجد سجدة شكر انه صارت ع ذي وبس!!
هياف زفر : ياعيال هدو شوي شوي ترا برجع اطيح دام فيها مزز
هميم: صدق انك م تستحي ياروع! اعقل بس
الياس : هيااف! اتحكى معك زين تحكى معي بعقلك سمعت!
هياف بدم ثقيل : مستحيل عقلي م به براطم عشان اتكلم
الياس رمى جوال هياف بحضنه: صدق الكلام معك ضايع
"وتقدم لدورة المياه "
هياف وهو يضحك: والله حلوه ترى تضحك
هميم جلس : م تضحك يالتافه احترم نفسك
هياف : خير تراي تعبان المفروض تدارون موب تسذا
هميم ابتسم ومسك كتفه: اداريك يابوي ولو تبي عيوني احطهم بيدينك وتحت امرك بس اللي انت تسويه بنفسك ماهو زين ابد ومنت راضي تسمع ولا تتقبل نصيحه وش تبينا نسوي بك
هياف : خلاص ابشربي وع خشمي
الياس طلع : يالله مشينا
هياف قام ومسك كتف الياس : لا تزعل ها
الياس ضحك: م اقدر ازعل عليك والله بس انت م تستحي وتستخف بدمك بوقت غلطط
هياف ضحك : خلاص يابو سيف لا تشدها عشاني
ركبوا السياره والتفت هميم ل الياس : دق ع اختك طمنها
الياس دق ع روين : ابي رويدا
روين : ابشر
الياس ابتسم :تُبشرين بالجنه
رويدا : هلا الياس وش صار عليكم
الياس حط السماعه ع اذن هميم : قل باللي بخاطرك
هميم عض شفته اثر الموقف اللي وضعه الياس فيه ونطق بهمس م سمعوه فيه: الله يسامحك
رويدا بخوف : الياس ياطفلل لاتخوفني وش فيكمم؟؟
هميم : م فينا الا العافيه هبوط بالسكر عشانه م ياكل زين لاتشغلين نفستس وطمني امي وخواتي
رويدا عقدت حواجبه : زين الحمدلله ع سلامته
* قفلت بدون لا تنتظر رد منه *
هياف ضحك: افااا م تدري بنت ذياب ان ابو عزيز محد يقفل السماعه بوجهه! ماعليه مستجده تتعلم مع الوقت
الياس ونطق بمزح : الله وعاد ابو عزيز ذا
هياف : ايه وش به ابو عزيز ياورع
هميم رمى جوال الياس له : حركتك الوصخه ذي لا عاد تنعاد اقولك كلمها انت انا شدخلني!
الياس ضحك: خف علينا م اعطيتك من محارمي م تحل لك زوجتك يالحبيب!
هميم زفر وم رد
عند الحريم:
بالمطبخ :
انمار : يالله ذاني جايبته
غيث : انمار اعجلي
انمار بصراخ : اوففف اوفف لا توقف فوق راسي سو اي شيي!!!
رند جت تركض ومعها جيك المويه وصدمت ب غيث وانكب عليهم
رند وهي ع الارض : بسم الله !!!!
غيث مد يده وهو صاد : ابعدي عن القزاز
انمار مسكت راسها : لا لا مو منجدكمم!! اطلعوا بعدين نظفوا يالله يالله
طلع غيث ووراه رند
غيث : عسى م تعورتي
رند بفشله : لا الحمدلله بس معليش والله م كنت قاصده
غيث ابتسم : لا ماهي مشكله
رويدا جت : شفيكم مبللين؟
غيث اشر ع رند وهو يضحك: هي كبت علي
رويدا : اما رند ؟ ليه
رند: م كنت قاصده طيبب
غيث ضحك: ادري طيبب
انمار : روليننن اعجليي!!!
رويدا ابتسمت : انا بروح اشوفها قبل تفجر فينا
بالحوش بالمكان اللي يجلس فيه ليث دايم :
ليث وبجانبه النياره
النياره: ليث كيف تجيبني هنا!! صاحي؟؟
ليث ابتسم : ولا كانه كل مره نتقابل هنا؟
النياره هزت راسها بنفي : بس بيننا جدار يفصلنا تفرق لو احد يشوفنا؟
اخذ الجركل الكبير وحطه فاصل بينهم : زين كذا؟
النياره ضربت راسها بخفه : ليث لا تجنني وش تبي!
ليث ابتسم : ابيك يصير؟
النياره بعصبيه : ليث لا تقول مناديني لجل هالسبب لان مو من جدك
ليث ضحك : امزح معتس بس مشتاق
النياره ابتسمت: تشتاق لك العافيه
ليث ميل راسه بحزن : بس العافيه اللي تشتاق؟ وانتي وش اعرابك؟
احلام من بعيد : يالنياره وينك
النياره طلعت تركض : مع السلامه
ليث ابتسم ونطق بهمس : احلف لتس ب وش ان وجهتس وقربتس مني السلامه!
زفر : يالله الثبات!
تقدم بيطلع لمجلس الرجال وضحك من تذكرها وهي تركض وتذكر الموقف لما كان فوق الجدار وهجت خوف من ان احدٍ يشوفهم
النياره عند احلام : سمي؟
احلام : وين وعد؟ فيه احد يناديها
النياره بشفايه : مين؟
وعد : وش السالفه
احلام : فيه احد يباتس
وعد زفرت : اكيد سويلم من غيره
طلعت : اووه راكان ههههههههههه احسبك سالم
راكان : وين امي؟
وعد: وش فيه
في مكان بعيد:
-: ملعون الصينه تزوجها!
-: من؟
ضرب الطاوله : من غيره!! الملعون هميم
طالعه بصدمه : تزوج الثانيه!!
هز راسه بنفي : لا طلق الاولى وتزوج بنت عمه
-: ليه طلقها مو هو يحبها؟
ابتسم: ايه بس سمعت انها تطلع مع غيره وانقفطت
بلع ريقه: غريبه من يحط عينه ع حَرم هميم
عقد حواجبه ونطق بحدّه : ومن يكون هميمم هذا عشان محد يحط عينه ع حَرمه؟
--------------------‐------------------
( تعريف بسيط):
مفلح: م فيه صفه حسنه وبلاير حسود وحقود م يكتفي باللي عنده ، 26 سنه
.
انس *خوي مفلح من هم صغار*: هادي بس وراه بلااااوي ومن تحت لتحت وخبيثث جدًا ونيته وصخه بس م يبان عليه انه انسان مو كويس ابد ، 26 سنه
---------------------------------------
مفلح بحقد: اهخخخ بس لو اعرف نقطه ضعفه لااجيبه زي الكلب عندي!
انس ضحك بخفه: بسس تبي نقطة ضعف هميم؟ عنديي رضاك يالحبييب
مفلح رفع حواجبه ونطق بفرحه : اسألك بالله !! انطقق وشهي؟؟
انس : اخوه ليث عضيده
رجع ظهره للخلف ونطق بعدم تصديق : بس ليث الصغير مو هياف؟
انس هز راسه بنفي : لا ليث نفس شخصية هميم وقراب من بعض واجد ونقطة ضعف هميم ليث وليث بالمثل تبي تكسر واحد منهم ؟ اكسر اخوه وظهره وعضيده وبتلقى الثاني بااضعاف حالاته
ضحك : والله وجت الفرصه لينن عندي ياهميم وان م خليتك تجي عندي زي الكلب م اكون بن عايض
انس ضحك : والنعمم!
لف ل انس : ياشيخ اقسم بالله انك ذيب
انس ضرب صدره: اعجبك
مفلح : بس قلي وش علّمك به وب اخوانه؟
نطق بتوتر : خبره خبره ياخوك
انس : بعدين صح واذا تزوجها؟ لا يكون انت تبي بنت عمه!
مفلح زفر : يارجال
انس : اييهه؟؟؟
مفلح : انا اعرف رويدا بس هي م تعرفني
انس : كيف تعرفها؟
مفلح : هي تعرف بنت خالتي صديقات وواجد بعد جت لبيت خالتي قبل سنه وشهرين وشفتها واخذت اسمها من نادتها خالتي
انس : اي خالاتك؟
مفلح : ماعندي غير خالتي الهام من يعني
انس عقد حواجبه: مزون؟
مفلح هز راسه بنفي : مراسيل
انس : عجيبه اساميهم
ضحك: ووش عليك من اساميهن؟ ماعلينا ابيك تجيب لي بيت الحبيب
انس ب استنكار: اي حبيب
مفلح : من غيره حبيب القلب هميم؟
انس ابتسم : ابشربي يحضر لك بكرا
مفلح قام : ياشيخ ياجلعني مااخليك
انس ضحك: امين امين
__________________________________
بمجلس الرجال:
رن جوال طارق برقم غريب :
طارق : الو ؟ من معي؟
حسام ابتسم : ملك الموت ياخوي !
تجبست كل عضمه فيه وكل شعره بجسمه وقفت: ح..ححسام؟
حسام ضحك : ايه حسام ياولد مزنه! انا ب احد فنادق الرياض وبكرا نازل للديره ودي بس تجلس بالمسجد وتحسن اعمالك هلكم ساعه لان يومك قرب ياحبيبي
طارق وهو يحاول يوازن نفسه : تتخسيي وتعقب اي بالله!
حسام ضحك: مسوي رجال ع راسي وصامل؟ وانت من جوا تراعد!
طارق قفل بوجهه وزفر :الله يعين
غيث مسك فخذه : شبلاك ؟ من دق
طارق ابتسم : محد محد ياحبيبي محد
غيث سحبه وطلعوا ل برا
طارق : يارجال وش فيك؟
غيث : طارق تنطق ولا شلون؟؟؟
طارق ابتسم : ياخوي وش فيك انت م فيه شي لو فيه بقول م عليك
زفر غيث وداهمهم الياس وهميم وهياف :
غيث : بشروا وش صار؟
الياس هز راسه بنفي : ابد ياولد العم اخوكم حامل واثار الوحام وكذا
جته ضربه بنفس الوقت من غيث وهميم وهياف ونطقوا بصوت واحد : وجع اعقب!
الياس بألم : يابوي امزح امزح !!!
غيث بحدّه : اعقل بس وش ذالمزح!!
جاء ليث وصفق الياس : شفتكم تضربونه قلت بتضامن معكم شسالفه؟
هميم ضم ليث مع كتوفه : يقول عن هياف حامل
ليث رمق الياس بنظره : الله يخلف بس
الياس كش عليهم : افوه يالنفسيات
هياف سحب طارق : وجهك مصفوق ياخوي بك شي؟
طارق ابتسم : بقولك وانت اول من يدري تقريبًا
هياف ابتسم من ابتسامة طارق : اسلم
طارق : مو حسام جاي؟
هياف هز راسه ب *ايه*
طارق زفر بعمق : حسام من قبل لا يسافر وهو مهددني يقتلن لو جاء ولقاني وتو دق علي يقول .............
"وقاله كل شي "
هياف احتد صوته: وهو له حق اساسا؟؟ والله م يمس شعره من شعرك يا خوي ولو مسك ان اجرجره بالمحاكم وم اتركه
طارق جلس ع العتبه : والله مو تقليل منك وخابرك رجال ياولد العم بس حسام ناويني خلاص
هياف جلس عند رجوله : طيب عشان كذا انت بتروح للمدينه بجيته صحيح؟
طارق بلع ريقه بصعوبه وهز راسه ب * ايه *
هياف قام : طيب طيب يصير خير
طارق مسكه : اقول اهجد يكفيك اللي فيك!
هياف مسكه مع كتفوفه : طارق انت اخويي مو بس ولد عمي وانت ادرى ب هالشيء و اللي اخبره ان انا و اخوي ع ولد عمي وانا وولد عمي ع الغريب واذا هذي علوم حسام وسوالفه فهو غريب بالنسبه لي و لا اتشرف فيه
طارق ابتسم : بس مو لازم تشغل نفسك عني وفيني بس انت اهتم بصحتك يسدني
هياف حضنه : يعني تبيني اهتم بصحتي وانت بتموت واعيش طبيعي؟ اخسي واعقب ماهي علومي ياولد العم
طارق ابتسم : وافي ياحبيبي انت
بالملحق:
وعد حطت الصحن ورفعت راسها : اوفف يظهري
دخل طارق : بنت وعد
وعد لفت وتغطت : طارق! اهلين
طارق ابتسم : ياوااحشني
وعد : والله اني اكثر
طارق : يوم الاثنين ان شاء الله كان ربي احيانا
وعد هزت راسها ب * ايه اذكر*
زفرت : بس
طارق : امري؟
مسكت يدينها بتوتر : مازن
عقد حواجبه : شبلاه؟
وعد رفعت نظرها له وبلعت ريقها بصعوبه : بالشني كل شوي طالع لي وو
طارق بحدّه : ووو؟؟؟؟
وعد : ايه يعني
طارق تخصر ونطق وهو رافع حواجبه وبشبه حدّه: وانتي وش رايك يعني؟
وعد: والله مو جايز لي حركاته بس وش تبيني اسوي له
طارق : مو مشكله الاثنين انا بخطبك وبتصيرين ملكي وم يحق له يسوي شي
ميلت راسها بخفه : وحسام؟
زفر وضحك بخفه : تبيني اموت؟ مو انا ميت بعيونتس م يكفيتس؟
ضحكت ونطقت بخجل: طارقق!! انت فاهم مقصدي
طارق : ايه ادري بس ان شاء الله م يجيني شي الا بيومي
وعد : ان شاء الله
طارق زفر بعمق : ولو صارلي شي انتي ادرى بحبي لتس ومعزتتس بقلبي وشكثر حبيتس انتي ياوعد كنتي لي الامان ومازلتي من بعد امي مزنه الله يرحمها وم تعرفين شكثر اعشقتسس واحبتسسس
وعد وعيونها تغورق : لاا ياطارق بسم الله عليك لا تقول لنفسك كذا !
ابتسم لها وطلع
"اما وعد اللي جلست تبكي ع انه صعب تنزل دمعتها بس كلام طارق بالذات كفيل بانه يلعب بمشاعرها يمين ويسار"
طلعت بسرعه عشان الرجال بيدخلون يتعشون
وطلعت للمغاسل تعدل ميكبها وتغسل وجهها من الدموع
روين شهقت : وعد!! تبكين؟
وعد ضحكت : وييننن يابوي ابكي فيه تراب دخل بعيني
زفرت : يمه احسبك تبكين
وعد رفعت نظرها لها ورمقتها بنظره : اما عااد ابكي امسي امسي بس
روين : وعددد! تراك ادميه زينا وش *وكملت بتقليد لها* اما عاد ابكي
وعد ضحكت : طيب ليه ابكي
روين : مدري يعني
وعد تقدمت تحضنها وهي تضحك: الله يخلف غبيه بس احبتس ياخي
روين ضربتها : حتى انا احبك
جت مراسيل تغسل : حركات وش هالاحضان مالي نصيب شي ؟
فتحوا يدهم ونطقت روين : لك لك تعالي
بعد العشاء :
غيث : طيب امشوا نطلع برا ونترك الشيبان ع راحتهم
دق جوال عبدالحكيم : عن اذنكم
رد الكل * اذنك معك *
عبدالحكيم: هلا والله ارحب ارحب
مفلح : وينك ياخوي
عبدالحكيم ابتسم : عند الحبيب
مفلح ضحك: اما عااد شتسوي عنده
عبدالحكيم : ابد ولد الخاله لازم نوجب وكذا عرفت
ضحك: يمه منك يالشقردي
غمز كأنه يشوفه: افا عليك بس
مفلح عض شفته بقهر : تزوج صحيح
رفس الجدار اللي قدامه : وبرويدا بعد! اهخخ يالقهر
مفلح : افا بس يجي شي بخاطر عبدالحكيم شي وم اخليه لك؟ اخسي والله
عقد حواجبه : وش بتسوي؟
مفلح : رويدا اعرفها زيين وهميم تزوجها بس كم يوم وهم مطلقين اخذ حاجتي وتزوجها انت
عبدالحكيم بعدم فهم: حاجتك؟ وش هي
مفلح ضحك ورفع كتوفه كأنه يشوفه : الله اعلم
هز راسه بتفهم : زين بقفل تامرني بشيء
مفلح : بالله عليك خليك قريب من ليث ونشّده انت فاهمني؟
عبدالحكيم ضحك: اهخخخ يالنذل من قالك هاه؟
مفلح ضحك من ضحكته : من غيره يعني؟ انس اكيد
عبدالحكيم: ابشر يالله مع السلامه
قفل مفلح ونطق بهمس وهو يلعب بمسحبته: بامان الله بامان الله
تقدم بيدخل ولقى العيال برى ولحقهم
عبدالحكيم عند غيث : زحف زحف يبوي
غيث : ياخوي شف هناك به مكان الا حبكت هنا؟
عبدالحكيم : وخر ورح هناك طيب
قام غيث : الله يغثك ياشيخ
جلس جمب ليث : ارحب
نطق ليث وهو صاد عنه ويلعب بالتراب : تبقى
عبدالحكيم : منت ناوي تتوضف؟
ضحك: الا ياخوي بس ادور لي للحين
عبدالحكيم : افا بس م هقيته من هميم! ليه م يتوسط لك بالعسكريه
لف ليث يطالعه : وهي سهله؟ تراه حاول
هز راسه بتفهم: اهااا زين الله يوفقك
ضحك: وش ذا وراك تسحب هرج؟
عبدالحكيم : افا يولد الخاله م يصير اتطمن عليك ؟
اشر ليث ع غيث : هذاك توأمي ترا رح تطمن عليه ولا تقربني ومعليك م بشرهه عليك ابد
رمقه بنظره : والله انك بزر كريه
قام ليث ل هميم : يسحب هرج الخوي !
هميم : من؟
ليث : عبدالحكيم
هميم ضحك: يعني ليه مستغرب ذا طبعه
ليث : لا ماهو جايزٍ لي
هميم مسك كتف ليث وجلس يطبطب عليه : ليه سامع شي
هز راسه بنفي : بس كذا ماني متطمن
ضحك: لا تطمن مافيه الا العافيه
جلس هياف وانسدح ع فخذ هميم : تكفى طالبك
هميم ابتسم : ابد اضرب الارض ولا تسمي امرني
هياف ناظر للسماء : زوجني
عقد حواجبه ودفه : ياخوي توكل الله يصلحك!
هياف : خير هميم تراي اخوك زوجني
هميم : وشايف ع جبهتي خطابه يعني؟
ليث ضحك: رح ل الياس بيلقى لك وحده انا ادرى به
هياف : كش عليكم من اخوان ما منكم منفعه
هميم حرك بيده يهشه : امسي امسي
قام هياف ل الياس : زوجني
الياس ضحك: بسس عندي
ضحك : قالها ليث خطابه
عقد حواجبه : دحدر دحدر انت وليث
هياف : لا ياخوي امزح من؟
الياس : اللي طحت قدامها اليوم
هياف ضحك: اما عاد بنت المدن ماهي مطالعه بوجهي
الياس قرب من وجهه بقوه : لها حق والله
صفقه : وش عجن الخواطر ذا!
ضحك الياس : لا يبوي امزح معك
هياف سوا نفسه يطير شعره بالهوا : عاد امي تقول الف وحده تمناك
زفر الياس وحرك راسه بقلة حيله : صدق القرد بعين امه غزال!
قام هياف بيصفقه : ياورع!
جاء مشعل : وراكم متجمعين هنا
طارق رفع كتوفه وهو يترشف شاهيه: ابد هاجين من الشيبان
مشعل ضحك : زين اقدر اجلس معاكم
طاح الياس يضحك ولف ل هياف : يونس مؤدب
هميم : ايه يارجال شدعوه
لف ليث وصفق الياس : م ودك تسد حلقك وتسكت؟
الياس : شدعوه ياخي
عبدالحكيم : نلعب بلوت ؟
الياس هز راسه بنفي : العبوا انتوا
جاء راكان : ياعيال عمي راشد يقول العشاء
قاموا الكل يتعشى
الياس قطع لحم وحطها عند هياف : كل ولا لا تكلمن
هياف : يبوي شايفني اسرائيل عشان تقاطعني!
ضحك: لا بس كل
حمد : يالياس اعتق الرجال وشبك عليه
الياس : وش اعتقه ترى مغمى عليه عشانه م يبلع
مساعد : افا ياهياف وراه ماتاكل؟
راشد : هياف! اهخ ياللي م تستحي وش قومك م تاكل جايزٍ لك حالك؟
غيث همس له : هيّا القم استقعدوا لك الشيبان
هياف لف لغيث : كل كل بس
راكان : وهم صادقين برر وراك؟
هياف : والله شف يعني مدري
الياس : لانه م يستحي بسيطه!
هميم : عز الله صدقت م يستحي!
هياف : هو وش يعني تضامن علي ولا شبلاكم؟
خلصوا عشاء ، عند المغاسل:
مشعل ابتسم : لا والله الموضوع ماهو بذيك السهوله وانا اساسا دخلت التخصص بالغلط
الياس : كيف كذا
مشعل : انا حفرت بالتحضيري لين عضيت الارض وجيت ب احول ولا اسحب يعني بس الوالده عيت
طلعوا للمجلس :
الياس : اسلم
مشعل : ايه وصار لازم ارتب رغبات وحطيته ع اني مدري وش هو والحمدلله يعني انقبلت فيه وكان هالشيء لصالحي يعني
الياس :زين يعني فيه امل
ضحك: ايه ايه معليك فيه
زفر : ياشيخ الله يبشرك فالجنه
مشعل : آميين
راشد لف ل نايف : اي اجلس يارجال عندنا وان م وسعك البيت توسعك العيون
نايف ابتسم : والله م قصرت يابو مراد وانا جيتي ذي عشان بنتي تبي تشوف بنتكم ماهي نيتي اجلس والعيال والدوام لازم نمشي
ذياب : م يضر يوم بس م يصير تمشون بالليل
حمد ضحك: وانت يا ذياب مسوي طالع منه كل رجعاتك وجياتك م تجي الا ب تالي الليول
ذياب ضحك: ياخوي فيه فرق الطريق انا حافظه لو اسوق وانا مغمض دليت بس ابو مشعل م يعرف به شي
هميم : ايه ياعم خل مشيتك الصبح اهون لك ترى
نايف ابتسم : زين ان شاء الله
الياس عدل جلسته : شكلي بسحبك تهون علي
مشعل ضحك : اهون عليك ب وش؟
الياس اشر ع وجهه : ياخوي بيطلع لي شيب وانا ب هالجامعه وتقول وش اهون عليك احس اني مطلق وعندي ٧ عيال وزوجي رافض يعطيني النفقه وش هالحاله ترى يوجع !
غيث ضحك : لا بارك الله فالكتمان
مشعل ضحك: عادي ترى م ضرني حفرت فيها لييين قلت بس
هياف جاء : والله مشكله الدكاتره
الياس اشر ع هياف : وذا بعد زيي بس الفرق هو تخصصه هندسه وانا طب
مشعل ضحك: يووه ولد الخال زيك م سلم لا ب جامعه ولا ب شغل
هياف عقد حواجبه : فال الله ولا فالك ياشيخ
طاحوا مشعل والياس يضحكون عليه
نايف : أجل ياهميم وش تشتغل انت؟
هميم : بالعسكريه ياعم
نايف ضحك : ماشاء الله انت اللي تزوجت من قريب ببنت ذياب رويدا
رفع حواجبه هميم : ايه ايه ياعم
نايف : ماشاء الله الله يوفقكم
هميم ابتسم له بتسليك : آمين آمين
هميم لف ل الياس ونطق بحدّه: قال اسمها صح؟
الياس ضحك : OpenMind يارجال مشيها للشيبه هالمره
هميم كشر بوجهه : ياشيخ سد حلقك وانت ترطن لي بذا وم فهمتك
الياس : يعمي اكيد مو قاصد
هميم : ووش علّمه ب اسمها !
الياس : ياذكي بنته صديقة رويدا
هميم زفر بغضب : وكذا عادي يقول اسمها بمجلس الرجال قدام الرجاجيل وانت تضوحك ولا كأنها اختك!
الياس : اوب اوب يبو عزيز هدي تراه كبر ابوك وابوي ذا اقوم ابرك عليه يعني؟
هميم بحدّه : مير بركت عليك ناقه قل آمين
الياس طاح يضحك : افا بس ليييه؟
•^ جلسوا يسولفون ويلعبون ... الخ ^•
"بعد نص ساعه"
عند الحريم :
سعاد وهي تلبس عباتها : كثر الله خيرتس ياوخيتي اكرمكم الله
نهى ابتسمت : شدعوه ياسعاد ماهو قدرتس وبالعافيه
روين زفرت : احس اني خايفه بس مدري من وش
النايفه حضنتها : بسم الله عليتس ليه؟
روين : والله مدري احس ماني متطمنه لبكرا
انمار : لا ان شاء الله م يصير الا كل خير
احلام وقفت عند الباب : تصبحون ع خيييير
طلعت رند وراها
رويدا ابتسمت : كيوت احس مزون ورند والنياره
مراسيل ضحكت : ايه ع عمر بعض يونسون
دخلت سناء :
رولين : يونس حامل
وعد لفت عليها : لا ابد يروحي ذا القولون يعزتي لها
طاحوا البنات يضحكون
رويدا لفت ع مراسيل : واللي ماني قايله يقول تهتمين فيها
مراسيل عقدت حواجبها : ليه وش اعرابك؟ امها؟ اختها؟ عمتها؟ خالتها؟ جدتها؟ بنتها؟ لا طبعاً ليه تهتمين فيها خل يدز بس
رويدا ضحكت :لا هو يونس بس م ابي اخذ الموضوع بجديه فهمتي
مراسيل هزت راسها بفهم : اهاا هههههههههههه
هميم : يااولد يارويدا
مراسيل : ثاني مره جيبي طاري المليون نتقاسمها ونهج ابرك لنا
رويدا ضحكت : تم
طلعت له : هلا؟
هميم زفر : ابدخل غرفتي شوفي طريق
رفعت حواجبها : واااه يالدجاجه وش وضعك بتنام الحين
رفع حواجبه ونطق بتقليد لصوتها : لا يالضريفه باخذ شي وبطلع ماني نايم
رويدا : امممم زين
دخلت بالصاله : بنات تغطوا هميم بيدخل
دخل هميم ونطق لها : الحقيني
لحقته رويدا : وشو
جلس ع السرير : ابو مشعل بينام هنا هالليله زينو لأهله فرش
رويدا هزت راسها بفهم
هميم : بسألتس
لفت تطالعه : اسألني
قام وصار يطلع الاوراق اللي يبيها وهو يكلمها : ابو مشعل يعرفك؟
رويدا : ايوا اكثر من مره رحت لبيتهم ونمت عندهم اكيد يعرفني
هميم زفر : ايوا ويعرف اسمك؟
رويدا هزت راسها : ايوا يعرفه
اخذ الاوراق وطلع : لا تنسين اللي قلت لك
رويدا : لا دقيقه هميييمم
هميم دخل راسه : بسرعه انطقي
رويدا : ليه تسأل ؟
تقدم بيطلع ونطق وهو ماشي : ماهو شغلتس
رويدا بتقليد له : مااهو شغليتس اننننن يامستفز
_______________________________________
تأخرت شوي بالهبارت لأن هالاسبوعين عندي اختبارات ، لاتنسون النجمه❤
يتبع !!