"احببت عيناك وانا أقل الناظرين إليها"

"احببت عيناك وانا أقل الناظرين إليها"...7

بعد نص ساعه :
ابو مراد : تفضلوا ع العشاء يارجال
قاموا الكل يتعشون
عند الحريم :
شماء : ماشاء الله يابنات وش هالزين
الكل بردود مختلفه : من حلاتس ، من ذوقتس ، ياعمري ياخاله .....الخ
رويّن تربعت : ابوك يالجو النايم سوو شي
وعد ضحكت : امشوا نرقص
رولين صرخت : لااا! الرجال بالمقلط هنا والله يجزركم هميم بعد العشاء ارقصوا ع كيفكم
وعد : اوههه هالهميم هم صدق !
رويدا كشت ع نفسها : اخيه ع حظي بس
طاحوا البنات يضحكون معاد رولين وانمار
رولين: هيه حدتس بعدين تعالي حاصلك هميم
رويدا رمقتها بنظره
انمار : صحيح م يحق لك اخونا ترى
رويدا : ايه ماشاء الله على اخوكم !
انمار مسكت فمها تمنع ضحكتها من طريقه كلامها : ايه ايه
نهى : يالله ياحريم خل نتعشى يالله تفضلن
جلسوا الحريم بالصاله يتعشون والرجال بالمقلط
ولما خلصوا :
نهى : يا وعد ويارولين روحن للمقلط شيلن وانمار ورويدا خليكن معي وروين ونياره روحن للمطبخ ونايفه ونوال شيلن الدلال ودخلنهن جوا
تفرقوا البنات سمعًا لكلام ام مراد :
عند وعد ورولين
وعد : انقزي جيبي التبسي ( صينيه كبيره او شي زي كذا )
رولين حطت يدها ع خشمها وثقلت صوتها بمزاح : ع هالخشم يامُوووووزززهه
وعد وهي تضحك : اخلصي يالله
رولين طلعت عيونها وغمزت : حلوينن طلعتي ثقيله
وعد ضحكت : خلاااصص روحييي
طلعت رولين وهي تضحك عليها
مازن عند المغاسل حط يده بجيبه يتحسسه : وين جوالي!
هياف : يمكن ب المقلط
مازن : ايه شكله بروح اشوف
كانت وعد راميه طرحتها بجنبها ع اساس محد بيرجع وجالسه تربط شعرها عشان م يزعجها وما انتبهت للجوال الي جمبها
دخل مازن وشافها جالسه وتشتم بالربطه لأنها عالقه بشعرها : افف شعري بيتقطعع حسبي الله
مازن طلعت عيونه : اسللممم
من الخرشه وعد سحبت الربطه بقوه ولفت : يمه !
*مازن صد *
وعد : من انت ووش جابك!!!
ضحك :اللهم الثبات بس هاتي الجوال اللي جمبك
وعد بشبه حدّه : تخسي واحترم نفسك
اخذت طرحتها اللي جنبها وقامت : ابعد لو سمحت بطلع وخذ اللي تبي
مازن : ولو م طلعت !
وعد : بصرخ
مازن : شسمتس ياحلوه؟
وعد : ابعد لو سمحتت !!
رولين من بعيد : وعد تعالي خالتي نهى تبيك
مازن : وعد! عاشت الاسامي ياحلوه
وعد : عرفت اسمي الحين ؟ توكل بطلع
مازن ضحك وابعد : سمي
وعد طلعت وهي متقرفه من نفسها
اما مازن اللي ضحك بقوه وتقدم ل جواله : لو بكذا ع طول بنساك ههههههههههه
طلع مازن وقابل هياف : لقيته
هياف طبطب مع كتفه: زين
جلس مازن جمب راكان وابتسم وقال بعقله: بااذن الله م يقرب موعد البعثه الا وهالحلوه معي
لف الياس له ولقاه سرحان : راكان اصفق مازن
راكان صفقه : يابوو شعندك
الياس غمز له : هااا شفيك
مازن زفر :ابد وش
الياس ضحك وفجأه طرت عليه رولين؛رفع حواجبه وهو م وده يعلق قلبه ب شي غير الطب الي هو حلمه من هو صغير وقال بعقله : يوم قربت لهدفك بتخلي شي تافه يكسرك ويشغلك عن حلمك الأساسي اكيد لا!
لف ل سالم : سويلمه صب شاهي
سالم : سويلمه؟ اعقب والله انك عقبت! انطقه عدل كان ودك اصب لك ولا دزها
ضحك الياس : شخصوني والله صب يا ساااااالم
ضحك : غصب
اخذ  الشاهي : مشكور ياسويلمه
رفسه : هات هات الشاهي هات
طاح يضحك : خلاص ياورع امزح معك والله
رمقه بنظره : ايه يصير خير
صغر الياس عيونه وقال بضحك : امممم من باقي م جدولت عليه !
طاحوا يضحكون وطاحت عينه ع هميم اللي قدامه يهوجس نقز لعنده : وش عندك يالحبيب وين وصلت
اشر هميم ع مكان الياس اللي قبِل : توكل مالي خلقٍ لك !
الياس حط يدينه ع وجهه بتمثيل الصدمه: افااااا افاااا
هميم حط يده ع خده وابتسم : وش تبي
غمز له : أبيك
قام وسحبه : رح رح
ابو حسام : ياويلي عليك ياولدي لايكون بك فرط حركه وش بك تجننت
الياس حط يدينه ع ركبه بتمثيل لهدة الحيل : زوجوني وم عليكم بعقل والله
طارق طارت عيونه : لايكون ودك بوحده وتلمح !!!!
الياس حك رقبته : وين يابوي لا اكيد
طاحوا كلهم يضحكون
ابو مراد : الياس خبري بك للحين تدرس
الياس كش ع نفسه : ايه ٥ سنين وشكلي مطول به ياذالحظ
ابو الياس : ياولد لاتتفاول ع نفسك وان شاء الله السنه اللي تجي متخرج !
الياس بفشله : سم يبه
ابو مراد حط يده ع جبينه : انت مثل هياف يدرس بهالكتب وياقلت له متى تتوضف يقولي بصير مهندس قريب م عنده م عند ابوي !
طاحوا كلهم يضحكون
الياس : لا معليك انا قدها
ابو مراد بتسليك: ايه ايه
الياس لف ل طارق : شاك بقدراتي !
طارق وهو يمسح خشمه : ايههه اهخخخ
عند هياف :
طلع للمطبخ وصوت ل رولين :
رولين : زين زين
طلعت : وش بغيت؟
هياف اشر لها بمعنى تعالي وجلس على العتبه حقت المطبخ
رولين كشرت : فيك شي
حط يدينه ع كتوفها : انتي اللي فيك شي ؟
ضحكت بخرشه : لا وش فيه
هياف : واللي صار اليوم بالمطبخ وشو ؟ لايكون زعلتك بشيء!
ضحكت : لا وينن
هياف : اجل ؟ وش علمك
رولين :وش علمي ؟ ولا شيء بس كنت متضايقه م عليك م سويت شي
ابتسم هياف بشك : متأكدة؟
هزت راسها ب "ايه " : اي اي والله م فيه شي
قام وتقدم بيمشي : زين يالله اجل
حضنته بسرعه ودخلت للمطبخ
طلع وهو مرتاح نفسيًا ان خواته مو شايلين عليه عكس هميم اللي م كان يهتم وبالنسبه له لو مارضوا حزتها بيرضون بعدين
عند الرجال :
قام علي : يالله تمسون على خير اكرمكم الله
قاموا كلهم : وانت من اهله وردود مختلفه...
طلع هو وعياله وزوجته وبعدها ابو حازم وطارق وزوجته وبناته وابو راكان واهله وابو متعب بعد ...الخ
ابو الياس : يالله اجل بنمشي حنّ بعد
ابو مراد : وين ياخوك بدري
ابتسم : لا والله بنسري خلاص
لف ل الياس : ناد امك وخواتك
ابو مراد : باامان الله اجل
طلع الياس لباب المطبخ وقابل رولين اللي للأن م راحت وجالسه تهوجس
الياس ابتسم : رولين ؟
رولين مسكت طرحتها وحطتها عليها : ايه هلا
الياس : ناديلي خواتي وامي بنسري
رولين : لا !
الياس كشر : وش اللي لا ناديهم!
رولين :حرام عليك بدري ترا روحوا انتوا م جلست معهم
ضحك : انتي اللي جالسه هنا لحالتس محد قالتس
رولين : الياس ! بلا عباطه رح خلاص ماهم جايين
طلع جواله ودق ع رويدا ورد هميم بحكم ان معه جوالها
الياس : يابنتيي نادي امي ويالله
كتم هميم ضحكته
الياس : الوو معي ؟ ترا ودي اسولف معك انتي وروين اعجلوا يالله
هميم : مضيع مضيع
الياس كشر :رقم رويدا ذا !!
هميم : ايه اخذت جوالها طيب
الياس تخصر : وبحكم وش ؟
رفع حواجبه : بحكم انها زوجتي وم عندنا بنات معهم جوالات
الياس : البخ طيب
ضحك : يصير خير توكل
قفل وناظر قدامه واثر رولين دخلت : حسافه م مداني اتأمل زين
ضحك واتصل ع روين :
جاء من وراه هميم وهو يكلم روين
الياس : اخلصي ولا بشخصنها متروشن عند الباب ومحد جاء !! واقولكم سوالف يحبها قلبك انتي ورويدا
ضحك هميم : افا من قال تتروشن ؟ اطلعهم لك الحين
فز الياس : يابوييي وش تبي
تقدم هميم وهو يضحك : ياام الياس ترا عمي يبيكم اعجلوا يرضالي عليك !
تقدم ل الياس : يطلعولك هنا الحين
وفعلاً بس دقيقتين وهم جايين
الياس تخصر : منجدكم!! صارلي ربع ساعه هنا
رويدا م انتبهت ل هميم اللي وراها على بالها راح حضنت الياس : اقول وش عندك سوالف تحمست
رفع حواجبه وصد : يالله يابو ذياب توصّي؟
لفت بصدمه من صوته
الياس : سلامتك ياحبيبي
طلعوا اهل ذياب ل لبيت ذياب
وتقفلت انوار بيت ابو مراد معلنه نوم الجميع معاد الملحق كعادته يجتمعون فيه عيال ابو مراد عاده منهم
بالملحق :
هميم يهوجس لأن زواجه بعد ٤ ايام
هياف زفر : ياخي هميم تزوج !! احس يويل قلبي توه بزر ولدي
ليث ابتسم : عقبالي
غيث : ايه صح ترا للحين م راح عن بالي موضوع الدكان شكلك تحب ياحلو
ليث يضيع الموضوع : ثاني حفيد قرب
هميم فز : شلون !
طاحوا يضحكون
هياف : مو منك بس زوجه مراد قربت تولد قريب
زفر : ايه زين الله يسهل عليها وش عليكم انتوا
هميم انسدح : طفوا اللمبات بنام
غيث قام : لا لا لا بنلعب بلوت قم لاابرك عليك
هميم رفسه مع ركبته : ابركت عليك ناقه يالسلوقي تقلع بناام وراي دوام يالعطالين !
هياف كش عليه : تراي تعقدت من هالمووضوع وابوي !
ليث قرب من هميم : ع الطاري وش صار ع وضيفتي؟
هميم غمض عيونه : م صار شي وش تبي فيها
ليث زفر بضيق : ولا شي بتوضف!
هميم : عمرك ٢٢ والعطالي اللي وراك وصل ال٢٥ وم فكر بالوضيفه وش مستعجل عليه
ليث راح لفراشه : ولا شي ولا شي
وقام يفكر بالنياره وهو واعدها يتزوجها ع السنه الجديده ومستحيل بيتزوجها وهو مامعه وضيفه
زفر طوييلل بضيق وغمض عيونه
هياف لف ل غيث : نفسيات ذولا طف طف اللمبه بس خل ننام ورانا صلاه
غيث ضحك : زين زين
بالمسجد بعد صلاة الفجر :
تقدم ذياب ل هميم :
هميم : سم ياعم امرني ؟
ذياب : م يامر عليك عدو يابوي
هميم ابتسم
ذياب : مير ياولدي اني شايلٍ بخاطري عليك واااجد
رفع حاجبه : افا ياعم !
مسك كتف هميم : م يصير ياولدي اعطيتك بنتي امانه وطلعت لك من بيت ابوها م قد احدٍ رفع يده عليها يصير تجيني يدك مطبعه ع يدها!
ابتسم وعرف ان رويدا قالت له : ياعم هي قالت لك وش سويت لها وم قالت لك ليه سويت كذا ! م يصير بعد
ابتسم : وش سوت؟ عشانها رفضت تعطيك جوالها يحق لها  وبعدين ولو امسك نفسك ياولدي هذا وم كملتَم اسبوع مديت يدك عليها بعدين وش بيصير! انا ماني عندكم ب الديره وذي اول واخر مره انبهك ياولدي رويدا بعيونك م تمسها بضرر
حب راس ذياب : ابشر ياعم وحقك علي بس الجوال معليش م بيرجع لها هذا خواتي م معهن جوال م ضرهن ولا هو بيضرها ان شاء الله
طبطب على كتفه : الله يرضى عليك ياابوي ويهديك
نرجع شوي بالزمن :
ببيت ذياب :
جت رويدا ل ابوها فيها البكيه
كانت لابسه توب يوضح يدها من قريب كتفها *عضدها*
نزلت شعرها لورا ضهرها: شوف بابا
ضحك : انتي والياس تصارعتوا؟
وعيونها تغورق : لااا
كشر : افا وش اجل ؟ ذي فعلا اصابع اكبر من الياس وش فيه ؟
نزلت دموعها : هميم مد يده علي
فز : ايشش!! ع اي اساس؟؟؟
رويدا مسحت دموعها : جاء وقالي اسوي شاهي وقهوه ..........وقالت له كل شي
نرجع للحاضر :
تقدم هميم ل الياس :
الياس بشرهه واضحه: والله م هقيتك تعور رويدا كذا
هميم ابتسم : شفيكم علي !
كشر : شفينا؟؟ مين ؟
هميم : انت وعمي
رفع حواجبه : اما ابوي كلمك ما توقعت
عقد حواجبه : ليه م توقعت
الياس حط يده ع كتف هميم : لا ابد سلامتك يالحبيب بس لاتنعاد
( الياس م كان وده يقول ل هميم ان ابوه برضوا تكلم مع رويدا عشان هميم م يستغل هالشيء ضد رويدا انوا خلاص اهلها م بيشوفوني غلط )
ضحك هميم وحط يده ع خشمه : ع هالخشم
الياس ابتسم : عليه الشحم!
بعد يومين بدون احداث:
ببيت ذياب بالصاله :
رويدا : لامنجدكم انتوا مستحيل بتروحون لبيتنا وبتتركوني بهالديره وبصير زوجة هالهم!
ذياب حط يده ع راسه : وش تبيني اسوي ياماما طيب
عتايم : ياامي انتي ربي كتب لك واكيد خيره وحنّ م بنروح ونتركك ع طول اكيد بنرجع وانتي تعرفين الياس كل يومين ينزل للديره بنخلي روين معه
رويدا : بس انا م ابي هميممم افهموااا !!!!! وبعد يومين زواجنا انتوا مستوعبين
قام ذياب وهو ماعاده بقادر يتحمل ولو جلس اكثر بيغمى عليه بسبة ضغطه المرتفع
وعند الياس اللي م كان راضي ابد باللي يصير لأخته ووده يفك كل شي بينها وبين هميم لجل بس راحتها
وعتايم اللي تحس انها شايله هم كبيررر عليها
طعت روين وهي مصدعه ومو قادره تستوعب ولا شي وبنفس الوقت خايفه ومتحزنه ع اختها
وعند مشاعرها تجاه هميم اكيد حاولت تنساه ماهو بهالسهوله طبعاً لأنه حب طفوله بس بتحاول تبعد تفكير عنها لأنه بيصير زوجٍ لأختها خلاص
وعند رويدا اللي كانت منهاره وب اسبوع بس انقلبت حياتها 180° وتحس انها خسرت كل شي واولهم نفسها بكونها زوجه ل اكثر شخص تعاديه وتكرهه
ببيت حمد وبغرفه نايفه :
نوال : نايفه ودي نروح للمول عشان زواج رويدا
نايفه حطت يدها ع راسها : اوففف نسيتهههه !!
نوال ضحكت :منجدكك
نايفه : اي والله امشي خلاص ل طارق
نوال كشرت : لا طبعًا نروح مع السواق ولا مع ذالمدمن!
نايفه ضربتها بالمخده الصغيره : نوال !! اهجدي واطلعي برا
طلعت نوال : ترا بروح مع السواق خلك روحي مع طارق ذا
نايفه: اذلفي!
عند ليث للنياره :
النياره : ودي اروح للرياض مع مازن بس متعبب
ابتسم : متعب اسم ع مسمى هههههههههه
النياره : اف منجد ماادري وش دخله ياخي
جلس ع الارض وتكى بظهره للجدار : بقولك
جلست وسوت زيه : ايه؟
تنهد بتوتر : ليه م تلبسين نقاب
ضحكت: ليه؟
ليث : ياخي ودي اشوف عيونك تدرين من متى م شفتها ؟
ضحكت : ايه من متى ؟
ليث ضحك بفشله : مااذكر بس من كنا صغار من قبل لاتتغطين
النياره ضحكت: شفيها الغطوه كويسه م عليك
هز راسه ب *لا * : كيف تشوفين
جت بتتكلم وشمت ريحه دخان : تدخن؟
هز راسه ب *ايه *كانها تشوفه
رفعت حواجبها : معي انت؟
ضحك وضرب راسه بغباء : اي اي
قالت له بغضب : ليه تدري مضرر!!
لف للجدار :بدري عليك من ٩ شهور
رفعت حواجبها بصدمه: لأنك حيوان م تستحي
ضحك بقوه :طيب اسمعي
النياره: اسمعك
تنهد: ياخي اهلي م يفقدوني صارلي٥ ساعات مو معهم ولا احد كلف يرفع جواله علي وم ينادوني الا يابغوني افتح الدكان ولا اجيب شي
ابتسمت بحزن : ياخي عادي انا احسدك اهلي كل شوي يبوني عندهم! وضاغطيني مره
ليث : عشانهم يخافون عليك ياامي مو موضوع مشككين فيك تمام؟
هزت راسها : ايوا
سمع هياف يناديه : يانيارتي بروح هياف يناديني
ضحكت : شفت اهتموا لك
ضحك من سمع ضحكتها : بقولك من الحين انا رايح افتح الدكان
حطت يدها ع بطنها : هههههههههههههههههه الله معاك
ابتسم وطلع يركض وهي رجعت لأنه متعب ناداها
ببيت ابو متعب :
طلعت روين :
متعب بشك : وش كنتي تسوين
رفعت كتوفها بتوتر : ابد اكنس الحوش فيه شي
قالها بحدّه وهو شاك : ايه بنروح ل اهل امتس
زفرت : زين
لف لها : وشيليلك اغراض بنجلس هناك لفتره
عضت شفايفها بقهر : متى ؟
متعب : الحين
رفعت حواجبها بصدمه : والجهمه!! وشوله الحين تراه الظهر
متعب زفر : لو وصلنا قده اذن المغرب ضبيّ غراضتس وانتي ساكته
ضربت الارض برجلها : بنمر الدكان ابي اغراض
مازن : ابشري
متعب رفع راسه وتكتف : وشوله ماهو لازم
مازن غمض عيونه للنيارة بمعنى ( ماعليك )
ابتسمت : تمام
طلعت تحط اغراضها وهي متضايقه لانها بتروح لخوالها وم بتلحق تشوف ليث ولاتقوله ولا حتى تودعه
بمزرعه راشد واخوانه :
ذياب مسك كتفه : بسرعه ياولدي لاتتأخر
سعود : سم سم ياشيخ
ابتسم له ذياب وطلع لأخوانه
هميم حب راس ذياب : هلا ياعم
ولحقه اخوانه وعيال عمه
اشر الياس على بيت الشعر : تراهم هناك الكل
ذياب : جبتم الحريم؟
هياف هز راسه ب *لا* : شوي ونجيبهم
ذياب : زين الله معكم طلع الياس وهميم ل سعود وطارق وهياف وليث وغيث رجعوا جوا :
الياس : هلا ياسعود
سعود رفع راسه : هلابك ياشيخ
ضحك الياس واشر ع وجهه : بالله عليك ذا وجه شيخ
ابتسم سعود :وش اقولك؟
الياس : قل اسمي وم تقصر
حط يده ع خشمه : ع هالخشم
ابتسم : عليه الشحم
سلم ع هميم
هميم طبطب ع كتفه : الله يقويك
هز راسه وابتسم
طلعوا كلهم وسعود كان يحس الدنيا طايره فيه ولازم يسوي اي شي عشان يقابل روين
بعد ساعه وربع :
طلع سعود يركض وصدم بوحده رفع راسه : السموحه ياااا
روين بألم رفعت راسها : سعودد؟؟
ابتسم وصد : اي
ابتسمت : م توقعت بشوفك مره ثانيه
ضحك : القدر ناوي يجمعنا مره ثانيه
روين : ايوا هههههههه
*تقدمت وخلته وراها وهو يحس قلبه يرعد يبرق *
جلست عند رويدا : شفت سعود مره ثانيه
عدلت جلستها وكشرت : ومن يصير ذا
روين: تذكرين اللي دق ع هميم اني ضايعه فالبر وكذا هذا هو
هزت راسها ب *فهمت* :اماا
ضحكت:اي والله
قامت : شفتي هميم
هزت راسها .* لا *: لا والله م شفته
ضربت رجلها بالارض بقهر : ودي اكلم مراسيل بس جوالي معهه
روين مدت جوالها : كلمي الياس يناديه
ابتسمت بقوه : يسعدليي عقلك يشيخهههه
ضحكت:اعجبك افا عليك بس
طلعت رويدا تكلم الياس :
الياس : سمي ؟
ابتسمت من سمعت صوته : سم الله عدوك
عادي تنادي هميم ويجيب جوالي معه ابي اكلم ضروري
ضحك : ابشري الحين يجيك
رويدا : تُبشر بالجنه
قفل الياس ودخلت جوال روين لها وجلست تنتظر
طلعت نهى لها : يارويدا ادخلي عن البرد وش تسوين هنا
قامت : احتري هميم
ضحكت نهى : هميم يابغيتيه يجي يطول ادخلي بس لاتمرضين
هزت راسها : ابشري
واول م جلست طلع هميم يناديها
نهى ضحكت : الله يقويك ويعينك ههههههه
ضحكت وطلعت له
لقته يدخن قربت وهي تهف بالهوا عشان الدخان ونطقت بقرف : منجدك تدخن؟
هز راسه ب ايه وهو يرمي دخانه : وش تبين بجوالتس؟
رويدا: ابي اكلم
هميم: من تكلمين
رويدا رفعت حواجبها من أسلوبه اللي اول مره شخص يعاملها فيه: صديقتي بس شوي والله من جينا للديره م كلمتها وبعد يومين العرس صح؟ ابيها تجي له
هميم ابتسم بخفه : تكلمين عندي وبسرعه
ابتسمت بوسع ثغرها : تمام
طلع جوالها وحطه بيدها ولفت بتدخل مسكها :قلنا عندي
زفرت بقهر : طيب
مراسيل : رويدا؟ كيفكك
رويدا ابتسمت : مو كويسه الصدق
كان يشوفها مبسوطه مره واللي كان يسمعه : لا منجد مو كويسه، تدرين احنا وين؟ ، بالديره وعرسي بعد يومين ، هههههه توقعي من مين؟، لااا وين ، ايوا قربتي ، ايييي بالضبطط عليك نور تخيلي حتى انا م توقعت،وصار كل شي بسرعه وبالغصب بالنسبه لنا كلنا ،تجين واقولك كل شي؟،عادي تجي معك ،والله عادي حاولي اقنعيها عشاني
لفت له وهو يقولها بصوت خافت: تراك طولتي
زمت شفايفها بقهر : شوي بس
هز راسه بنفي : اخلصي يالله
رويدا : مراسيل؟ لو بكلمك بكلمك من جوال روين بقفل الحين ولا تدقين ع جوالي ، ايواا بقفل الحين بقولك بعدين ليه ،مع السلامه ياروحي
ضحك وهي تعطيه الجوال: من بقى م تعرف بعايلتنا ماشاء الله؟
رفعت كتوفها بعدم معرفه : بسألها المره الجايه ان شاء الله
ضحك وبعدين تذكر انه وده يقولها كلام بس شافها مبسوطه أجله الى بعد زواجهم : يالله ادخلي ولا عاد تطلعين بدون شي عليك
وقفت عند باب الخيمه : ان شاء الله
دخلت وهو رجع للرجال
وجلست جمب روين : ترى مراسيل بتدق عليك بأي وقت تمام؟
هزت راسها : تمام
نهى : يارويدا جيبي صينيه القهوه من المطبخ
قامت رويدا : سمي
وحلقتها نوره
عند نوره ورويدا
لفت رويدا من سمعت صوتها تتكلم : اسمعي يابنت ذياب علمٍ يوصلك ويتعداك هميم مستحيل يحب احدٍ كثري ولا لبسك ذا بيهتم له! وانتي مجرردد بدييييلههه يعني لاتتوقعين منه يهتم لك لأنه كانت النيه أختك بس ماكانت موجوده ف لقوك انتي ورموك له ومستحيل يعبرك ولا يعبر مشاعرك لأنك م تعنين له ولااا شيء ف اتمنى تنسحبين احسن لك *رويدا انجرحت كثير من كلام نوره بس م بينت ابدًا ولا بتحاول تبين بس اللي هي تشوفه ان فعلًا هي بديله ونص كلامها صح *
اخذت الصينيه : مايهذري المهذري الا من قوة السخونه
م كانوا يدرون ان هميم برى يسمع كل حرف وكل شي ،طلعت عشان ترجع للخيمه ولقته برى ووجه احمر من العصبيه : هميمم؟
هميم لفها للمطبخ : مو ذي حقتكم ادخلي
نتحنح: ياولد
حطت نوره الطرحه براسها ودخل هميم : هلا والله هميم كيف حالك
هميم لف لرويدا : ليه تشيلين هالصينيه
رويدا وكانت ودها تبكي : خالتي نهى قالت اجيب الصينيه وم ادري ايت وحده
ابتسم وسحبها منها :بس ذي ثقيله بتعور يدينك؟
رويدا : م حسيت ب شيء الصدق
اخذ الصينيه الي جمبها : ذي عادةً م تصير لكم امشي معي انا بوديها عنك
هزت راسها بنفي : لا خلاص انا بوديها
هميم : مو قد قلتي لي م ودك تعورين اصابعك؟ خلاص هاتيها
طلعت نوره وهي تفوور لجل تطلع للخيمه
طلع هميم ووراه رويدا لف عليها : حطي شالك عليك
حطته وم ردت عليه كالعاده
وصلوا للخيمه
هميم : ياولد يا أنمار
أنمار طلعت : هلا هميم ؟
هميم : خذي ذي الصينيه ولا تخلون رويدا تشيل شيء ثقيل
أنمار أبتسمت و هزت راسها: ان شاء الله
طلع هميم بعد م تأكد ان رويدا وأنمار دخلوا : والله البلشه نوره ذي م تفهم وم ودها تبعد عن البنت وذي شكلها حساسه!!
نوره اللي كانت تحس بقهر وغيض كبير من سمعت كلامه لرويدا وكلامه لأنمار
أنمار حطت الصينيه وجلست جمب رويدا : صار شي فيكم شي ؟
رويدا هزت راسها بنفي ثلاث مرات تؤكد كلامها : جاء للمطبخ وقالي كذا لأني قبل قلت له م ابي اعور اصابعي بس
ضحكت : الله يديمه كذا لك
رويدا ابتسمت : اميين
_____________________________________
يتبع !