"احببت عيناك وانا أقل الناظرين إليها"

"احببت عيناك وانا أقل الناظرين إليها"...13

بالمقلط :
انمار عينها ع راشد لا يطيح من المراكي
مراسيل : وانا بعد شوضعي كل م قابلت اخوكم صار عليه شي؟
انمار ضحكت : عادي يابنتي م صار الا كل خير
مراسيل : يعني بسألك هو دايم كذا؟
هزت راسها بنفي : لا بس هياف من وهو صغير م ياكل زين ف يتعب بين فتره وفتره بس موضوع نياف الله يرحمه جديده علينا اخر مره كانت قبببببللل لانسكن بيتنا ذا لما كنا ببيت جدي عبدالعزيز رحمة الله عليه
رولين : شتسون؟
انمار اشرت ع راشد : رولين امسكيه قلبي ناغزني تقل عيني تحلى يطيح
ابعدت راشد عن المراكي : رح العب برى
دخلت رويدا ومعاها صينيه : وين تعال لا تروح
راشد : اروح ولا لا؟
رويدا ضحكت : لا ماما تقول كل اول وبعدين رح العب
نزلت رويدا الصينيه وجلست تبرد له الشاهي
مراسيل ابتسمت : رويدا احس بتصيرين ام بطله
رويدا ضحكت : اما عاد ههههههههههههه
دخل ليث : ياولد
تغطوا البنات ونطقت انمار : ادخل
ليث : ياام عزيز هميم يباتس
رفعت نظرها له : زين ذاني لاحقتك
ليث : لا هو فغرفتكم يتحراتس
هزت راسها بفهم : تمام
طلع ليث ودخل راسه مره ثانيه : اذا سألكم ابوي عني تراي بالدكان
رولين : زين
راشد لف ل رويدا : ابي اروح مع ليث
رويدا : لا يابابا مراد م يبغا كل بس
مراسيل ضحكت : والله ان تصيرين ام ععسسلل
رولين ضحكت: صدق والله
انمار ضحكت وضربت رويدا : روحييي للرجال اخلصيي
رويدا : اصبري يتنظر ولا يشرب راشد شي حار ويحرقه
غمزت لها : يمكن موضوع ضروري م يقدر ينتظر وعليا عليه
مراسيل شهقت : هاه!!
انمار غضت شفايفها  السُّفليه تكتم ضحكتها: وشو م قلت شي زوجها ترى
رويدا تقدمت تضرب انمار  : انمار بلا قلة حياء ياورعه
رولين ضحكت : يويلي بس مسكتكم انمار م بتسلمون منها ومن نيْتها
قامت رويدا وهي تضحك متجهه لهميم
بغرفة هميم:
دخلت رويدا وشافت هميم يشيل اوراقه بسرعه : وش بغيت؟
هميم لف عليها : حطيتي لراشد ولد مراد شيء ياكله؟
هزت راسها ب استجابه: قل والله انك مناديني ل هالسبب؟
رفع نظره لها : ابيتس انتي بنفستس تسوين الغداء اليوم
رويدا: طيب م اعرف!
رفع حواجبه وهو معقدّها: تعلمي! ليه متزوجك انا؟
رويدا رفعت نظرها له ونطقت بحدّه : عشان ترضي عمي! مو هذا كلامك؟
مسك فكها بقوه : لسانتس طايل اشوف؟
رفعت نظرها له تحاول تخفي توترها منه : طيب؟ وش هدفك الحين؟
فتح الباب مُتقدم ليطلع : لا تراددين وسوي اللي قلت لتس عليه وخواتي عندتس اذا تبين شي يساعدونتس فيه
عند ليث طلع يركض لبيت مساعد وطق الباب :
فتح مازن : ارحبب يا الليث
ابتسم : تبقي ياحبيبي
مازن ابتسم : آمرني بغيت شيء؟
ليث هز راسه بالنّفي : لا يابو منيف بس مختفي؟ فقدتك الصدق
ضحك: ابد ماني فاضي هالايام ادرس وكذا
ليث هز راسه بفهم:زين الله يوفقك فاضي الحين؟
مازن:ايه آمرني؟
ليث : تعال معي للدكان محدٍ فيه
مازن هز راسه بفهم : زين رح والحقك
طلع ليث يركض وهو وده يقابل النيّاره
عند باب الدكان
غيث بعصبيه : اخلص اخلص ساعه اتحراك
ليث ضحك : شبلاك انت
غيث : قلت بتروح للدكان ومدري وين تقولعت
ليث : رحت انادي مازن
دخل غيث من فتح ليث الباب
جلس وضحك: وين هميم
غيث : مدري اخر مره شفته دخل غرفته بعد اللي صار ل هياف
دخل مازن : السلام عليكم
*ردوا السلام*
عند هميم :
طلع من البيت ولحقه مشعل :
مشعل : يابو عزيز
لف هميم له : سم؟
ابتسم : سم الله عدوينك مير ابسألك سامي ذا تحلّ له بنات خالكم علي؟
هميم عقد حواجبه: م ظنتي والله ليه انت شايف شي؟
مشعل هز راسه بنفي : لا بس بسأل
هميم ضحك: م سألت الا وانت شايف شي اذا عندك شي تراه بيفيدني
مشعل : الصدق شفته مع وحده وراء بيت خالك علي يوم طلعت انت واستنكرت يعني دامهم يقربون له ليه يسأل عن بيتهم ف فضولي جابني اسألك
طبطب هميم ع كتف مشعل : مدري والله عالعموم مشكور جزاك الله خير
ابتسم  مشعل لهميم وتقدم مشعل من ناداه مراد ليجلس معهم
ببيت حمد :
تقدمت النايفه وجلست جمب حسام : اهلين
حضن كتوفها : ارحبي يالنايفه
قربت منه وضربته مع كتفه : صدق م تستحي!!
رفع حواجبه ظن منه ان طارق قال لها شي : علامتس؟
النايفه: وش مهبب بدرجات البنت!!؟
عقد حواجبه بعدم فهم وعدل جلسته: دقيقه اي بنت شفيك انتي ؟
النايفه: مراسيل! مراسيل نايف آل مانع
ضحك ورفع حواجبه من فهم : شلون وصلت لكم ذي !!
النايفه : ببيت عمي راشد تراها
عقد حواجبه :شلون !ههههههههههه
ضحكت: صديقة رويدا وجايه تشوفها بس صدق انك حيوان وش قومك وهالحركات!!
ضحك: طيب م قالت وش سوت؟ حركتها وقحه وتستاهل
النايفه قربت منه وقرصت اذنه بخفه : لا ماهي وقحه بس انت تتحيون ع راسها
ضحك وقام : ايه ايه
ببيت ذياب :
دخل الياس وهو مُهلك وكتفه يحرقه واعتلى صوته : ياامي ياروين وينكم وين ابوي
صدر صوت من المقلط بصوت ام الياس : هنا يابوي تعال
دخل الياس ولقى روين منسدحه ع فخذ امها والواضح انها تو مدهنه شعرها بالزيت ، تقدم وباس راس امه : كيف حالتس ياامي
ابتسمت عتايم : بخير يالياسي
تقدم وشات روين : زحفي
روين ب ألم : يابزر
ضحك: ابعدي م شبعتي
روين ابتسمت : لا انقلع وش تبي ب امي
انسدح جمبها : ياشيخه امي قبل لا تصير امتس ب ثلاث سنين
عتايم ضحكت : بس يابزران وش هالحركات
رفع الياس نظره ل امه : الصدق رويدا واحشتني
زفرت روين : اخيه كلنا والله
دخل ذياب : السلام عليكم
ردوا الجميع السلام
قام الياس وسلم ع ابوه وعدل جلسته وروين بالمثل
زفر التعب ونطق : اقول يا عتايم
رفعت نظرها له : سم ؟
ابتسم بحزن : سم الله عدوينتس مير كيف بنتتس رويدا عساه مرتاحه؟
عتايم هزت راسها بالايجاب : ايه ماعليه خلاف
رجع ظهره ع ورى : والله مدري شلون برجع لرياض وبنتي هنا وبعد ماهو برضاها
ابتسم الياس : م عليه يبه م ردها تتعود
لف ذياب لولده: بس انا مدري وش جاني وقتها يوم  غصبتها احسني م كنت بوعييّ!
ابتسمت روين وحضنت ابوها : ماعليه ي بابا ذا قدرّها وربي كاتب يعني
طبطب ع كتف بنته ولف ل الياس : زين كلم هميم خل رويدا تمرني اليوم قبل نمشي وخليه يجي معها
ابتسم الياس وحب راس امه وابوه : ابشر عاد انا بروح انام وعالغداء صحوني
نطق ذياب : والعصر؟ بتصليه معنا
هز راسه بالإيجاب : ان شاء الله كان ربي احيانا
طلع الياس لغرفته وهو يحس كتفه بينشلع من الالم
دخل واخذ له شور سريع ولبس شورت رمادي   و وحط بلوزته السوداء ع الكنبه تقدم وفتح المكيف وفتح جواله ودق ع هميم :
عند هميم ؛ ركب سيارته ورد ع الياس : سم يابو سيف آمرني
الياس وهو يتكلم بصعوبه من الآلم : م يامر عليك عدو ترى الشايب عازمك انت ورويدا اليوم عندنا قبل نمشي
ابتسم هميم : تمشون ؟ بدري يارجال
الياس زفر بالم : تعرف شغل الوالد ولا ودي اجلس وانا واعد رويدا بعد بس الشكوى لله
هز راسه بفهم : زين ابشر
ابتسم الياس : بعد العصر ان شاء الله
هميم : ان شاء الله
قفل هميم وزفر وباله مشغول مع موضوع سامي هو مو بس شاك هو متأكد ان اللي كانت واقفه معه نوره
~بغرفة مراد~
طلعت من دورة المياه وحطت كريماتها على التسريحه
دخل مراد يتفقدها ويتطمن عليها ، ابتسم من شافها وقربت منها وحظنها ،دفن وجهه بنحرها : كيفك الحين ياامي؟
ابتسمت : احسن الحمدلله
قرب منها وطبع قبلاته على وجنتيها : دوم يااميي انتي
ابتسمت بخجل وبانت غمازتها الوحيده بخدها اليمين : تتوقع متى ولادتي؟
ابتسم من شاف غمازتها : نقول ان شاء الله هالاسبوع
ضحكت : ان شااء الله
باس راسها : الله يسهل عليتس يابعدي
ابتسمت له بحب : آميين ياحبيبي
تقدم بيطلع ولف عليها من نطقت : عادي تنادي لي راشد؟
ابتسم : ابشري يابوي
طلع مراد وهو كل م يشوفها يزداد حُبه لها ع ان ابوه م كان راضي بزواجه هذا لأنها مو منهم وفيهم بس مع اصرار مراد صار راشد يحاول يتقبلها عشان حفيده وسميّه  بس بالنسبه ل مراد مستحييل يتخلى عن حبه عشان عادات وتقاليد بس وبالنسبه له مع الوقت هالاشياء بتندفن مع الوقت هي واصحابها
ببيت مساعد :
حطت النياره الصينيه لأبوها وقامت ، لفت ع امها: بروح اتروش
هزت شماء راسها بفهم : زين بس لا تطولين عشان تساعديني بالغداء
ابتسمت : ابشري
بمكتب هميم :
دخل فادي ودق التحيه :شفيك منفس ياخوي
رفع نظره هميم له وابتسم : استرح يافادي
تقدم فادي وجلس بالكرسي المقابل هميم: شقوومك انطق ؟
ضحك: اسمع فيه واحد جانا ويعرف كل شي عني انا واهلي ويقول اسمه سامي ومدري وش وعارف انه يخوره بالحتسي بس الصدق اني خايف على ليث واهلي
فادي : اي قالي ابراهيم يباني اساعده بس وش متوقع يبا منك
زفر بضيق : شيدريني
ابتسم : زين زين رح للفريق سامح يتحراك
قام هميم :بمكتبه؟
فادي : ايه اكيد
طلع هميم ل سامح:
بمجلس راشد:
نطق راشد: زين اجلس بتمشون بعد بكرا
هز ذياب راسه بالايجاب : ايه ان شاء الله
ابتسم : اجل شرايك نطلع للعزبه باتسر ولا اليوم؟
ذياب : ان شاء الله ع خير
تقدم مراد وحط القهوه وبدا يصب لهم
ابتسم ذياب : يابو مراد هميم ورويدا جايين عندي يتقهوون ع العصر تعال معهم
راشد : لا والله بطلع عندي مشوار تتقهوى معكم العافيه
بالمطبخ:
دخلت رويدا : عندكم مقص شعر؟
طلع هميم من وراها : وشوله؟
رويدا لفت عليه : اممم شرايك يعني اظن الناس يقصون فيه اظافرهم انت وش تسوي فيه؟
رفع حواجبه ونطق بحدّه : بقص فيه لسانتس
همست بقرف: يشيخ طير
رولين رفعت كتوفها بعدم معرفه : مدري والله
رويدا: اما كيف تقصون شعركم؟
رولين : عند امي
طلعت رويدا ومسكها هميم: قص شعر م تقصينه
رويدا : على اي اساس يعني م اقصه؟
هميم بحدّه: عشان انا آمرتس م تقصينه يعني م تقصينه
نطقت : ومين انت ي بابا توكل بس
طلع هميم متجاهلها متوجه للدكان :
دخل : السلام عليكم
•ردوا السلام •
ورجع نطق :ليث تعال ابيك وخلي مازن وغيث هنا
طلع ليث بعدم فهم
وقف ليث قدام هميم : هلا؟
ابتسم : بروح للعزبه ابيك بشيء تجي معي؟
ليث : هميم اولًا تراك خرعتني ثانيًا ليه العزبه مو هنا
رفع كتوفه: م فيه شي يبن الحلال امش معي بس
طلع ليث مع هميم ومر قدام الليث شريط حياته كامل
بالعزبه:
نزلوا ليث و هميم ووقف هميم عند الونيت حق ابو مراد:
هميم : اركب
ليث ضحك: اما عاد وين تبيني افعل بك اموتك؟ تذكر يوم بغيت اقش ابوي دز بس هههههههههههه
هميم ابتسم: ياابني م قلت لك سوق اركب وبس
ركب ليث ولف ل هميم : انطق تكفى اخللص
ضحك ومد له ملف: سم
عقد ليث حواجبه بعدم فهم: شذا
هميم: م تعرف تقرا؟ افتحه واقراه شفيك مستعجل ع رزقك
فتح ليث الملف وصار يقراه شوي شوي وشهق : اوف دقيقه اححح!!!!
ضحك هميم : كيف ازبطك انا
نط ليث يحضن هميم : الله يسعدك يشيخخ يعني بتوضففف واتزوج النيااارهه !!
تلاشت ابتسامة هميم من استوعب كلام ليث وليث بالمثل
مسك ليث فمه من استوعب تنحنح ونطق بفشله : احم لا قصدي
هميم بصدمه : بنت مساعدد!!!
حق قفاه بفشله: وشو وش بنت مساعد من ذي
طاح هميم يضحك بحضنه: ييياا الله م توووقعتت اهخخخ
ليث بحدّه : يازفت م يضحك
رفع راسه يمسح خشمه: والله ي انك خفيييفف يالعضيد
ليث صفقه : هميم يااللي مني قايل م يضحك!!
طاح يضحك مره ثانيه : والله يضحكك اهخخ يبطنييي شلون م انتهبتت اهههخخ يالله ستركك
ليث م قدر يمسك نفسه وضحك: والله ياخي شف
هميم رفع ظهره يعدل جلسته: عشان كذا تبي الوضيفه يالسلوقيي
ليث طاح يضحك: الصدتز ايه بس م ابي احد يدري لأنك اول من درا
ابتسم: ايه افا عليك سرك ببير
لف ليث بيفتح باب الونيت : امش امش خل اروح اقول ل امي وللنياره
تحمى هميم لليث بضربه وضربه مع كتفه: ليثث!!! انت تقابل النياره!!؟
ليث صرخ من ضربته : لاا ياابني م اقابلها
هميم : اجل؟ ليث لا تصرعني تدري انه م يجوز !
ليث ضحك من رد فعل هميم : ياابني والله والله م اقابلها ولا عمري شفت وجهها بس اني اكلمها من ورا جدار بيتنا
هميم : الجدار اللي بين بيتهم وبيتنا!
ليث ضحك: ايه
هميم ضحك بصدمه: اوففف شلون م صادوك!!
ليث ضحك: يابوي زين تدرون ان عندكم ورع اسمه ليث امسي بس
هميم ضحك: صدق كنت بالعنك ع بالي تقابلها
ليث : بعدين تعال لا تسوي لي فيها وانت كنت تحب
عقد حواجبه وضحك: انا؟ متى حبيت
ليث ضحك: يابوي نوره ولا تتناسى
تجمدت ملامح هميم وابتسم له بتسليك : اخلص زين خل نرجع
نزل هميم ووراه ليث يتحسر ع كلمته تقدم وحضن كتوف هميم: هميم زعلت مني؟
هميم بهدووء :لا ليه ازعل اركب بس
ببيت حمد:
دخل طارق يركض لغرفته ومسكه حسام:
حسام: وين يبوييي شكلك نسيت وعدي لك
طارق ابتسم بتسليك: زين زين بعد ساعتين سوي اللي تبيه الحين امسي
رفع حواجبه بصدمه: صاحي انت؟ تدري وش ابي اساسا
رفع راسه له وهو يلبس ثوبه: مو تبي تذبحن؟ خلاص بعد ساعتين اتفضى لك الحين توكل
ضحك حسام وطلع: الله يشفيك يشيخ
صرخ طارق لحسام : يازفت الباب ارجع وقفله!
' سمع حسام طارق وسحب عليه متجاهله '
تقدم طارق من استوعب ان حسام سحب عليه : الله يقلعك يا المريض
لبس وخلص وتعطر وتبخر....الخ
وصل لغرفة نوال والنياره يدق الباب
مسكه حمد: وش قلت لك انا!! غرفة خواتك م تقربها سمعت؟؟؟
طارق لف لاابوه ونطق بجمود: بروح اخطب وعد وبملك عليها بتجي معي؟
رفع حمد حواجبه: وليه توي ادري؟
طارق ابتسم ابتسامه عريضه وتسليكيه: هذاك عرفت يبه اذا تبي تجي استعجل يرضالي عليك
نطق حمد: اكيد بجي انت ولدي اصبر لي
همس طارق من طلع حمد: وتوك تستوعب ان عندك ولد
طلعت النايفه: هلا؟
طارق ابتسم : كيفف بسس؟
ضحكت: ياحلوك والله
زفر بتوتر : اخاف اخورها بالحكي والله ماني ناقص احس صرت خفيف
طاحت تضحك: طيب قلي وش بتقول يالخفيف انت
طارق ضرب راسه : نسيت خلاص بقول اي شي هبد هببدد بخليها تخلعني ع طول
طاحت تضحك وضحكها ملى البيت: تكفىى مقدددرر  ياخيي احبكك ههههههههههههههه
تقدم حسام مع مرزوقه:
مرزوقه بنظرة استحقار له: شبيه ابوك محتاس جوه؟
غمض طارق عيونه بقرف ولف للنيافه: اذا جاء ابوتس وسأل عني قولي له اني بالسياره اتحراه
لف لحسام وضربه مع صدره: وانت اتفاهم معك بعدين على حركتك الوصخه و على موضوعنا بعد ساعتين تمام؟
طلع طارق بالسياره يتحرا ابوه :
~ببيت ابو راكان ~
كانوا محتاسين لان اساسا طارق مخبرهم قبل
وصلوا طارق وحمد واستقبلهم سالم
ابتسم سالم وتقدم يحب راس حمد
حمد: كيف حالك ياولدي
سالم ابتسم : الحمدلله ياعم تفضلوا هنا
حمد: اجل وين راكان ياولدي؟
سالم : داخل الحين اناديه
وصل سالم ل طارق : شكلك يونس وانت متوتر خليك دايم كذا
طارق ابتسم : لو مو اختك وعد كان علمتك شغل ربي
سالم ضحك: اييه صح نسيت انك بتتزوج اختي يالله عوافي
حمد نطق : سالم رح نادي راكان وشبلاك
ضحك طارق : رح يالله توكل
طلع سالم يضحك وهو يركض
دخل راكان المجلس وقام طارق وحمد يسلمون عليه:
ببيت راشد :
دخل ليث يركض للحوش:
وصل لنُهى :تخيليي
ضحكت :شوي شوي يبه شفيك
ضحك: توضفتت!!
حضنته بفرحه: ماشاء الله الف مبرووك يابوي
تقدم راشد وجلس : شبلاكم؟
سلم هميم ع راس راشد ونهى وطلع للمقلط :
ليث ابتسم: توضفت
ابتسم راشد من ابتسامة ليث :مبروك ياولدي عقبال العرس
ضحك ليث وتذكر النياره: ان شاء الله
طلع : بروح اقول ل خواتي
طلع للحوش اللي ورا يناديها:
سكت من سمع صوت شماء تنادي النياره وهمس بخرشه : بسم الله!
طلعت النياره: سمي يمه
شماء: خذي هالسطل وغسلي فيه الملابس
ابتسمت: ان شاء الله
وقفت عند الجدار وضحكت: كنت بتنقفط وتروح شربه مقلييهه
ليث ضحك: اوف يابنتي يعني سمعتيني شفيك م تردين
النياره ضحكت: عندي مازن وش تبي يسوي فينا
ابتسم وتذكر وش كان يبي منه: ايهه صح
رفعت راسها من الغسيل : هلا؟
ليث بحماس: تخيلي توضفت بالعسكريه!!
ضحكت: ماشاء الله الله يوفقك ياحبيبي
ابتسم : ايش؟
تلاشت ابتسامتها بفشله : ولا شي سلامتك بروح عشان متعب جاء
زفر ليث من راحت وضحك: ياحبيبي اهخخخ ياحظ حبييببتتسس بس
《بالمقلط》 :
هميم ب اوراقه محتاس ورويدا جمبه تكمل رسمتها
دخلت رولين  ونطقت بغضب: هميم يابزر!
رفع راسه لها وهو يكتم ضحكته : انا؟
تخصرت : لا جدتي رجع مفتاح الغرفه
هميم رفع كتوفه: ماهو معي
رولين بصراخ : هممييمم يابزر اتكلم معك جدد!!
هميم : قصري صوتتس ذا اولا ثانيا صدتز ماهو عندي
لفت بتطلع : والله لااقول ل ابوي
سحبها وطاحت بين يدينه : طيب مين عمتس؟
رولين : عمي حمد دز
ضحك : طيب حبي راسي ولا يدي واعطيتس اياه
رولين : هميمم !! يابزر لا تستعبط ع راسي وانقلع
قامت رولين متنرفزه من هميم ورايحه ل ابوها وهميم يضحك عليها
~بالحوش~ :
قدمت فنجال الشاهي : سم يبه
ابتسم راشد ل انمار : سم الله عدوينتس يابنتي
تقدمت رولين : يبه!
لف راشد لها وابتسم: شبغيتي؟
رولين : شف هميم ماخذ مفتاح الغرفه ومقفلها بعد
'اعتلى صوت راشد ينادي هميم '
طلع هميم من المقلط وهو يضحك ، مسك كتوف رولين ولفها له : قلت لتس ماهو معي يعني بكذب عليتس؟
رولين هزت راسها ب *ايه*: اي لأنك دايم تسويها!
راشد: هميم اعطي اختك المفتاح
رفع هميم نظره ل ليث اللي كان منسدح من الضحك واشر عليه : مع ليث والله
تقدمت يد نهى ل فخذ ليث وقرصته : م تستحي وشوله تاخذ مفتاح غرفة خواتك!؟
نقز ليث يحك مكان القرصه : يمهه احححح توجع!!
ضحكت رولين ومدت يدها : تستاهل اولا ثانيا هات المفتاح
طلع ليث المفتاح وهو يضحك :استاهل؟ تمام بالمشمش ياحلوه
تقدمت رولين وجلست عند راشد  : يبه شف ورعانك!
رفع نظره لها وضحك: م يضر يلعبون معتس
هميم ضحك: اقدر اروح الحين؟
نهى: رح بس وين رويدا
هميم: جوا عندي ضايعه بهالاوراق مدري وش تسوي
ابتسمت : زين
راشد: اجل وين اخوكم هياف
نطقت انمار : بغرفته يبه خليه يرتاح
غيث : منجد هالفتره صاير يضغط ع نفسه واجد ينام ابرك له من هالتفكير
راشد هز راسه بفهم : زين
تقدم هميم يطلع للمقلط :
دخل عليها وكانت تفك لوحه كبيره : وش تسوين؟
رويدا رفعت نظرها له وابتسمت : ارسم
هز راسه بفهم : أمي تسأل عنتس
نزلت نظرها للوحه: تمام شوي واطلع لها
""ببيت ابو راكان "" :
وصل الشيخ ووقع طارق
قام راكان : عن اذنكم بروح اخليها توقع
طلع راكان لها وابتسم من شافها : اهلين يانظظر عيني
ابتسمت وعد بخجل : هلا فيك يابوي
تقدم وباس راسها ومد لها الكتاب : موافقه؟
ضحكت بخجل ومسكت القلم توقع ولفت ل امها تحضنها
تقدم راكان يحضنها : الف مبروك يااامي انتي الله يوفقك
طلع راكان لهم وابتسم : تبي تشوفها الحين؟
ابتسم طارق وهز راسه بالإيجاب
جلس راكان : ابشر بس دقايق
سالم بمزح: يالمشفوح شوي شوي لا تطير
همس طارق : والله انا اللي بطيرك ياسويلم
راكان ابتسم ونطق ل سالم: اركد اركد شبلاك ع الرجال
سالم ضحك: يونس م يقدر يقولي شي
طارق :ايه اصبر بس اشوف وعدي واجي اهرسك هنا
سالم بقرف : يمه منك ياوعدي
ضحك طارق : ايه شعرفك انت ناشف م بتفهم
ضحك سالم وراكان
دخلت شايعه :
سلمت ع حمد وطارق
حمد: كيفك ياوخيتي
ابتسمت شايعه: الحمدلله انتوا كيفكم كيفك يابوي ياطارق 
طارق :بخير ياعمتي نشكر الله ونحمده
شايعه ابتسمت له: عاد انت اخذت الوعد ياويلك تزعلها
طارق ابتسم ابتسامه عريضه: اكيييدد بعيوني بنتك ياعمه
ابتسمت : ياحبيبي الله يوفقكم
طارق: آمميينن
ابتسم سالم ولف لراكان يهمس: ماش جدع كل كروته  الخفيف
ضحك راكان: منتهي الرجال
سالم طاح يضحك
بعد ربع ساعه :
دخل سالم ونادا طارق : تعال
تقدم طارق وهو يحس بفرحه عظيمه بنفس الوقت توتر ملازمه
وصل للمقلط وفتح سالم الباب : اربع دقايق ولا تمون واجد يالله
ضحك طارق : يصير خير ياخوي ابعد بس ولا تنشب لنا
ضحك سالم : ايه ادخل يالله
دخل طارق وابتسم ابتسامه عريضه من شاف الوعد
بفستان سُكري وابتسامه خجوله وشعرها الطويل البُني تقدم وبدون مقدمات حضنها ابعد ونطق بفرحه : يالله اني اسألك الثبات!! انا بحلم ولا بعلم!!
ضحكت : شدعوه مو لهلدرجه يروحي
طارق بابتسامة حب : اوفف يلبى رووح رووحتسس والله وبعدين لهلدرجه واكثر تصدقين؟
رفعت نظرها له :ايه؟
ضحك: اني ماني مصدق اني شفتتس واخيرا وصرتي حلالي خلاص
ضحكت من ضحكته : يحلوك والله
ابتسم وميل راسه: تدرين ان مافيه عرس صح؟
رفعت راسها له وهزت بالايجاب : ايوا اعرف
طارق : ان كانتس تبينه والله م يغلى عليتس يابوي
وعد : لا والله عادي م يهمني والله
ضحك وتقدم يحضنها : ياحبييي للتسس ياوعديي احبكك احببكك
وعد وهي تضحك: وانا والله اعشقك!
طارق ابعد منها : بعد بكرا باخذتس ان شاء الله
ابتسمت : ايه ان شاء الله
دق سالم الباب : ياخوي استعجل يالله
عقد حواجبه بغضب : خلاص صرتي حلالي بروح العن سالم واجيتس
ضحكت : لا خير مالك حق !
تقدم وقبّل وجنتيها: يحظه والله الكلب!
وعد ضحكت بخفه: مين سالم؟
تقدم بيطلع : لا انا يحظي فيتس بس هو الكلب
ضحكت : صدق انك محظوظ فيني احسدك
وقف عند الباب وارسل لها قُبله : يلبى الواثقين
طلع وهي تحس فراشات ببطنها طاايره
ببيت مساعد:
النياره وهي تصرخ ع مازن : يابزر اهجدد ببطنك دود لا تطيح المناكييرر!!
مازن طاحت عينه ع مناكيرها الاحمر : احمر؟ شقالو لتس جالسه مع ثور
طاحت تضحك: عزز الله رحم الله امرءٍ عرف قدر نفسه
استوعب مازن انه هدف عكسي : لا هيه اصبري
طاحت تضحك ودخلت شماء وابتسمت بفرحه : اليوم به ملكه بس محفوفه
رفعت النياره راسها : الله مين؟
جلست شماء ونطقت ب ابتسامه: طارق ووعده!
تلاشت ابتسامة مازن ونطق بكتمه: ماشاء الله!! الله يوفقهم يارب تملكوا؟
شماء هزت راسها ب الايجاب : ايه الله يوفقهم جعل طارق يعوضها عن ابوها وهي تعوضه عن امه الله يرحمهم
ابتسمت النياره: يحيااتيي همم الله يوفقهم
قام مازن: زين بروح ارقد
النياره ضحكت: ايه رح ارقد يالثور
مازن تقدم ورفسها ب ابتسامه مزيفه: توكلي بس
طلع نايف واهله راجعين لبيتهم
تقدم مشعل ل مراسيل : باقي اغراض؟
مراسيل : لا بس ذي
وقف حسام وراهم: السلام عليكم
ابتسم مشعل : عليكم السلام والرحمه
لف نظره ل مراسيل : آل مانع؟
مشعل هز راسه بالايجاب : من معي؟
حسام ابتسمت: دكتور مراسيل بالجامعه
مد مشعل يده : تشرفت والله
حسام ابتسم وصافحه : الشرف لي
لف نظره ل مراسيل : سُعدت بشوفتك يابنت نايف
ابتسمت بتسليك له دخلت جوا
مشعل ابتسم: توصي شي؟
طبطب حسام ع كتف مشعل : سلامتك
بغرفه هميم :
فكت رويدا شعرها ولاحظ هميم قصره : سويتي اللي فراسك يعني؟
لفت عليه: بسم الله شجابك انت
نزل راسه للدولاب يدخل اوراقه: شجابني؟ غرفتي ترى بتطرديني منها طال عمرتس!
رويدا: لا! م بطردك منها طال عمرك بس اخلص وش بغيت
هميم: اجهزي عشان بعد العصر بنروح لبيت ابوتس
لفت عليه: ليه صاير شي؟؟
رفع كتوفه بعدم معرفه : مدري بس يبي يشوفتس
ببيت ذياب:
دخلت روين غرفة الياس بعد ما امرتها امها تروح تصحيه :
دخلت وعقدت حواجبها من البرد : يالله سترك!! ثلاجة موتى مو غرفه
تقدمت تقفل المكيف وسحبت الغطاء : منجدك الياس !! بهالجميد وبدون تيشيرت!
الياس بألم:توكلي وشغلي المكيف
تقدمت تمشي لل كمدينه الثانيه عشان توريه الساعه من جواله ،شهقت من شافته غرقان دم من كتفه: الياسس!!!!
رفع راسه لها: ياابنتي اذني ابيها!!!
روين بخوف : هه..هذذ..هذاا وشووو!!!!
لف الياس للجانب اللي هي فيه وطارت عيونه من شاف كمية الدم اللي هو فيها غارق : اوفف وش ذا
طلعت روين تنادي ابوها وامها
دخل ذياب وروين تسحبه : شوي شوي يابنتي ماني قوي حيل
تقدمت بخوف : شوف الياس
لف عليها: منجدك يابوي؟ جايبتني عشانه م صحي!
روين : لااا الياس مليان دمم!!
لف عليه وعقد حواجبه منخرش من المنظر : بسم الله عليك ياولدي وش فيك!!!
الياس بألم: مدري مدري اخخهخههخ يكتفيي
رن الجرس * هميم ورويدا*
لف ذياب ع روين : خليك هنا وانا بروح افتح الباب نادي ل اخوك امك
فتح ذياب الباب وابتسم بحزن من شاف رويدا : اهليييينن ياابوي انتي
ابتسمت رويدا وقربت تحضنه: اهلين يا بابا
سلم ذياب ع بنته ونطق  روحي لغرفة الياس وشوفي وش فيه
عقدت حواجبها بعدم فهم: وش فيه؟
زفر بخوف ع ولده: نام وصحى وهو غرقان بدمه
ضربت راسها بخفه وشهقت: صححح جرحهه!!
طلعت رويدا تركض لغرفة الياس ودخل ذياب هميم للمجلس
بغرفة الياس :
دخلت رويدا : يمهه شفيكم!!
الياس ضحك : جتني الدوره
روين تقدمت وصفقته: م يضحك يا تافه
دخلت عتايم : رويدا!!! انتي تعرفين شبلا الياس صح!
رويدا ابتسمت بفشله : هههه لا مين قال
طلعت عتايم وعقمت رويدا جرح الياس وطلعوا للمجلس :
ذياب : ايه وش بلاه اخوك
رويدا ضحكت : ابد الياس فيه فرط حركه وقبل لا نمشي للديره هبد ع ظهره تحته حصيان وسوت له جرح شوي عميق وم كان مهم نقولكم يعني وننكد عليكم مانا نذلين
ذياب تنهد: الله يهديكم بس
الياس ضحك: عاد امس تروشت وم حطيت عليه لزقه شكله لذا السبب
رويدا : لانك صدق م تستحي
ضحك الياس : افا بس
قامت رويدا وهي تضحك تطلع ل روين وامها
لف ذياب ل هميم وابتسم: ياهميم بعد بكرا ان شاء الله حنا ماشين وودي انك م تخلي ل رويدا بخاطره شي وترا زعله من زعلي وتراه الغاليه عندي!
هميم ابتسم: ابشر ياعم
ضحك الياس : عاد ياويلك تزعل رويدا ابوي يفجر فيك
ضحك هميم ونطق : بس مو كأنه بدري ياعم؟ اجلسوا لكم كم يوم
ذياب هز راسه بالنفي : ودي والله بس شغلي يمنعني مير ليه م تجي انت ورويدا وتسكنون بالرياض؟
ابتسم هميم : لا والله ياعم م شديت اوله اشد ذالحين
الياس ضحك: ماش هميم ولد الديار م يتركها مدري شلون ربي جمعه هو ورويدا
ابتسم ذياب بحزن: مقدر ومكتوب
ابتسم الياس بتغيير للموضوع: طارق ملك
هميم لف عليه بفرحه: ماشاء الله مِن مَن؟
الياس : من بنت عمتي شايعه
هميم : ماشاء الله متى صار ذا كله ؟
الياس : قريب قبل كم ساعه وتوه مرسل بالقروب شكلك م شفته
هز راسه بالنفي : لا للحين
صدر صوت رويدا تنادي ابوها يشيل الغداء ويخطه بالمقلط
جاء الياس  بيقوم  ونطق ذياب : خليك وش تبي تغرقنا بدمك مرةٍ ثانيه اجلس بس
ضحك الياس : توجع يالغالي شقصدك
ذياب ابتسم : سلامتك بس اهجد لمره فحياتك
ضحك هميم: وهو صادق عمي اركد ببطنك دود؟
بعد الغداء :
طلعت عتايم وروين لبيت راشد اما رويدا اللي جلست بعد م طلب منها ابوها انها تجلس معه
رويدا وهي جمب ذياب وهو حاضن كتوفها همس لها بحزن: شايله بخاطرك علي ي ماما؟
رفعت راسها له وابتسمت: انا؟ ليه ازعل منك شدعوه
تنهد ذياب بحزن ونطق : ادري ياامي انك م تبين هميم وانك تتصنعين راحتك بس والله غصبٍ علي يعني انتي مغصوبه تجين للديره اسبوع دبستك فيها طول حياتك
ابتسمت رويدا وباست خد ابوها: شدعوه يا بابا لو فيه شي بيضايقني اكيد بقولك ثانيًا صح اني ماني متقبله المكان ميه بالميه بس اني بتعود عليه خصوصًا اني بديت اتأقلم وانت بابا مستحيل ازعل منك يعني
قبّل ذياب راس بنته: الله يحفظك لي ولا يحرمني منك ومن حسك ولا من اخوانك
رويدا باابتسامه : آميين ياحبيبي
اما عن كلام رويدا كان كله كذب عشان م تحمل ابوها هم كبيرزود ع همه بس هي ابدا ماهي مرتاحه للمكان ولا للشخص اللي تدبست فيه عمرها كله
اما عند هميم اللي كان دايم يسمع ان ضعف عمه ذياب عياله وخصييصًا رويدا بس ماعمره شاف هالشيء بعيونه ولأول مره هميم يشوف الضعف بعيون عمه ذياب قدامه زفر ولف على الياس من صرخ عليه: وين يابوي وين رحت!
هميم ابتسم له: وين رحت هذاني
ضحك الياس : زين بتجي بكرا للعزبه
هميم : ايه ان شاء الله
_______________________________________
اعذرووني ع التأخير ياحبايبي ولا تنسون النجمه❤
يتبع !