+في بيتَ فيصل+ ...
في وقت الظهيره،وكعادة كُل يوم ينزل فيصل متأخر على الغداء،لانه لا يحب ان يسير على نظام احد،وقد اخذ قرار على ان يستقل ويستقر بييت لوحدهِ،ولكنه يخاف ان يصارح اهله بهذا الموضوع..
نزل فيصل الى غرفة الطعام ..
ابو فيصل؛ هاه اخيرا ؟ لا لاتنزل احسن .
فيصل ؛ ابوي الغالي والله انت تدري انا اتأخر وانا بالحمام الله يكرمك واسهر بالليل مع العيال .
ام فيصل؛ طيب خلكم من هذا الحين اقعد يا يمه تغدا.
قبل فيصل خد اخته ساره بقوه،هذا ما اعتاد عليه في كل يوم وجلسَ بجانب امه .
كان فيصل متردد في ان يفاتح اهله بالموضوع او لا ، فحاول ان يكسر الصمت قبل ذلك !
فيصل؛ الا وين جدتي نوره؟
ابو فيصل؛ راحت ببيت عمك راشد تتغدى عنده.
فيصل؛ افا بس يعزمها وما يعزمنا؟
ابو فيصل؛ اللي يسمعك يقول كنك اول واحد بتكون موجود لو عزمنا اسكت اسكت بس و كل وانت ساكت .
فيصل؛ ههههههه الله يسامحك بس .
ابو فيصل ؛ الا صح ذا وش اسمه بتدق عليك بعدين ترجعها لان تدري عمك راشد مسكين اول امس طلع من المشفى وما ظني بيقدر يسوق ومحد لهم هناك انا وديتها الصباح بس شكلي مابقدر اجيبها .
فيصل؛ خلاص طيب من عيوني .
+بيتّ طيف+...
طيف؛ يا حيا الله زارتنا البركه والله ياجده.
علياء؛ جده ولا الرياض ههاهاهاها.
الجدة نوره؛ علياء ما بطلتي هالحركات؟ بتخلصين الثانويه السنه الجايه خلاص اعقلي .
طيف؛ وين تعقل ذي ههههههههه لما تحج البقره على قرونها .
ابو طيف؛ بس انتوا الثنتين، طيف وين اختك نوف؟
طيف؛ مدري تغدت وطلعت غرفتها .
الجدة نوره؛ راشد(ابو طيف) يا يمه اهتم بصحتك هالايام ماغير تطيح بالمشفى .
ابو طيف؛ اييي والله يمه،الا ذا طمنيني عن اخوي وزوجته واولادهم عساهم بخير؟
الجدة نوره؛ اي بخير حمدلله،كلهم بخير فيصل توظف الاسبوع الماضي ما شاء الله هههههه شكله ناوي على زواج .
ابو طيف؛ اما ؟ بالبركه ان شاء الله .
الجدة نوره؛ اييه جهز بناتك عاد .
ابو طيف؛ هههههههههه ما تتركين سوالفك يا يمه،تدرين انتي ان عبدالله اخوي نظر عيني وان بغى وحده من بناتي والله ما ارده .
طيف؛ لا يبه لازم تاخذ رأينا وش تخططون بس كذا؟
ابو طيف؛ هاه شوفي هذي نهايه الدلع دلعتيهم والحين حنا ابتلشنا يمه .
الجدة نوره؛ لاه ياولدي ما ابتلشت بنتك هذي يبي لها درس تتعلم منه .
طيف؛ وش درس يا جده عمي عبدالله ماعنده غير فيصل،عاد تصدقين من متى ماشفته من كنت باول ثانوي بعرس ناصر اخوي .
الجدة نوره؛ اي وش فيه فيصل؟ صحيح ان عبدالله ولدي على قد حاله بس فيصل بسم الله عليه وش زينه كل ما مشيت عرس قالوا الحريم حفيدك ما بغى يخطب ..
طيف؛ كان خطبتي له وافتكينا هههههههههه .
الجدة نوره؛ ايه خلاص لقيت له.
طيف؛ اما من هي؟
الجدة نوره؛ مب الحين بتعرفين .. (طبعاً جدتها نوره تفكر بشيء واحد بس وهو ان تكسر غرور طيف بأي طريقه وتجعلها تخضع لحب فيصل ولكنها لم تعلم كيف ستجمع هذين القلبين ) .
طيف؛ ههههههه طيب بالنهايه اكيد بعرف .
-بعد لحضات من الحديث- رنّ هاتف الجدة نوره.
الجدة نوره؛ هلا يمه فيصل.
فيصل؛ هاه ياجده تبين امرك ولا انبسطتي عندهم؟
الجدة نوره؛ ورا ابوك وينه؟؟
فيصل؛ هو وصاني اردك البيت لانه تعبان شوي ويبي يريح .
الجدة نوره-وهي تنظر الى طيف- ؛ اييه كويس كذا .
فيصل؛ هاه امرك؟
الجدة نوره؛ ايه ياولدي .
فيصل؛ طيب دقايق بس وانا عندك.
اغلقت الجدة هاتفها..
طيف؛ بتروحين تو الناس؟
الجدة نوره؛ اي ي يمه هذا فيصل دق علي.
ابو طيف؛ تو الناس يمه ورا ما تنامين عندي اليوم؟
الجدة نوره؛ ماعليه بس تجي الاجازه بجي عندكم ان شاء الله الحين كلكم مداومين بالبيت محد بيبقى معي الصباح،هناك اتونس مع ام فيصل شوي .
طيف؛ خلاص يا جده الاسبوع هذا بالاجازه تجين انتي واغراضك وانا بقعد معك من الصباح.
الجدة نوره؛ خلاص طيب ان شاء الله يابنتي.
دخلتّ الخدامه الى الصاله..
الخادمه؛ مدام هذا ولد مال انتي برا!
الجدة نوره؛ ايه شكله فيصل جاء يالله يا يمه راشد دير بالك على نفسك طيب، وهاه يا طيف ما اوصيك على ابوك واخواتك.
طيف؛ ولا يهمك يا جده سلميّ على عمي وعمتي وسوير كثيير اشتقتلها.
الجدة نوره؛ يوصل .
ابو طيف؛ ويينه فيصل خليه يدخل.
طيف؛ وي لحضه يبه بطلع غرفتي .
ابو طيف؛ يالله اطلعي بسرعه،وقولي للخدامه تخليه يدخل.
ركضتّ طيف الى الدرج،ولكن الدرج كان مقابل لباب البيت ، وفي اللحضه التي كانت تركض فيها بأسرع ما يمكن دخل فيصل للبيت ولمح شعرها الطويل الاسود و وقف عند الباب يتسائل من كانت تلك.
ابوطيف؛ فيصل وش فيك واقف عند الباب تعال تعال ادخل .
فيصل؛ هلا والله عمي كيفك؟ وش اخبارك؟
ابو طيف؛ حمدلله بخير ، كبرت والله ياولدي ما شاء الله ، الله يوفقك.
فيصل؛ امين يارب،اسمحلي والله يا عم جيتك على سرعه بس اني مستعجل .
ابو طيف؛ لا ياولدي مسموح سلم ع والدك ها .
فيصل؛ يوصل، يالله يا جده مشينا.
خرجَ فيصل و الجده نوره من بيت عمهّ عبدالله ، وهو بالسياره بطريق العوده..
فيصل؛ يا جده بسألك ما شاء الله عمي عبدالله بناته كم اعمارهم؟
الجدة نوره؛ ليه تبي تخطب؟
فيصل؛ لا انا اسأل بس .
الجدة نوره؛ اكبرهم طيف ٢٠سنه الحين وبعدها تجي علياء بثالث ثانوي وبعدين نوف اظن ١٣ او ١٤سنه.
فيصل؛ ماشاء الله.
الجدة نوره؛ اي ذيك الايام كانو لسى صغار والله.
فيصل؛ اييه السنين تمشى،وحنا نمشي و وصلنا البيت ياجده ههههههههههه .
الجدة نوره؛ ايه ، يلا يا ولدي انتبه لنفسك ولا تتاخر لليل .
فيصل؛ طيب .
أنت تقرأ
لو أن صوتك قابل للعناق
Romanceاخبرها أنهُ يحزن عندما تبتعد،اخبرها انهُ لا يتنفس الا بقربها،ولا ينام الا على صوتها،ولا يصحى الا ليُحدثها،قال لها تعالي،تخطي الحدود لمرّه،كوني لي فقط، كوني متهوره بحبي اشبعيني من حنانكّ، اهلكيني بعذب صوتك،احبيني كما احببتك فقط. #مُقتبس من الرواية ..
