الكاتبهة:وداد رياض
القصه:الحمامه البضاء طائره للبعيد🕊️
*. البارت الخامس .*
______________________________________
وكعدنه تريكنه وتحظرنه دنروح بيت جده
رجع لبيت جده ورحت.رحت اني ومحمد تلكونه هلاهل وجكليت وذبحو دجاج وكيفو بينه ومن فتنه للبيت هاي عاده مال اكب طاست تمن وطاست مي ادفعهن برجلي اوفوت للبيت وطبينه وكعدنه كلنه سوه داروح لغرفتي ابدل هم كلولي كومي روحي بدلي حتى نصب غده صعدنه اني ومحمد
جان مخيلتي غرفه واخشاب وكذا مال عروس وترتيب غير مثل كل عروس
بس شفت الصدمه عبالي
صعدت وانتضر اوصل لغرفتي كتله وين الغرفه جان يكلي فوتي بدلي هنا بغرفت عمي عمر
كتله اعرف وين احنه نام جان يكول نام وياهم بنفس الغرفه جبير احنه بصفحه همه بصفحه صراحه نصدمت من حجيه
اني هنا فتحت حلكي بقيت صافنه عبالي يشاقه كتله تحجي صدك كال ايي والله مؤقت
كتله عرسان وجدد البارحه تزوجنه ونام بغرفت عمك وياهم سوه شلون انت تقبله يعني مقتنع بهل حجي وراضي بي
طلعت اركض ابجي بسطح شبعت بجي كتله انته كتلي الغرفه فارغه تنيمني ويا عمك شلون قتنعت شلون ترضاه
جان يكول شسوي لعد غير مؤقت بين مندبر الاوضاع
كتله بس مو هيج تصدمني وتستعجل عله الزواج عله الاقل ندورلنه بيت جانن البيوت كوه تحصلين لان المهجرين ترسو بغداد كوه تحصلين بيت اجار
المهم اني بلسطح دابجي ولكيت جرباية ام النفر جريتها طببتها الحمام الي مامأسين بواري بي ولا مي بس سيراميك وكاشي نضفته وغسلته وحطيت جرباية بي ودوشك اخذت من مرت عمهم ولحاف جاني هديه
ورحنه بنفس اليوم للسوك جبت بنكه منضديه وجرارات اخلي بيها ملابس ومرايه صغير بس باب ماكو دكيت بطانيه وضع عرس هذا
______________________________________
المهم عده اول يوم شلون مجان مجنت راضيه بل وضع ولا ادري بي بس نحطيت امام امر الواقع بس حيل نقهرت ونصدمت كلت يله ميخالف نكضي شلون مجان
بنص اليل اريد اطلع انزل للحمام وجان اعثر واكع عله وجهي عثرت بأبن عمه لمحمد وكمت ابجي كتله يعني اريد اطلع للحمام اعصر بي وشكو نايم بحلك الباب ماكو مكان جوه نايم هنا واذا اريد احجي وياك لازم اشورك حته الصوت ميطلع
جنت حيل مقهوره فرحت عرسي كله راحت
كضينها شلون مجان كم يوم جبرت نفسي ع وضع
كتله بعد ماتحمل لازم نطلع منا هاي مو وضعيه لان مرتين عثرت بأبن عمهك هو هم حجه وكالي صار تامرين من عيوني بس انطيني مجال كم يوم وتريدي يجرالج
كام يدورلنه عله بيت بيوم السابع مفروض يوم سبعه ونسوي لمه مثل عالم بس جان حاله حال ايام راحت
لكه بيت الحمد لله بس كلشي ماعدنه غراض بس الملابس عادي اهم شي واحد وحده واني كلش فرحت ورتاحيت هو هم جان مرتاح وفرحان
عاد شوية شوية احنه نكون نفسنه لان بدينه من الصفر المهم انتقلنه بي وضبطنه كم شغله بي من كهرباءيات وبراريد كلهن سواهن جدد
وبلشنه نشتري اثاث صح شغلات بسيطه بس عادي شويه شويه نلم نفسنه
ماجبنه اشياء بعني ضخمه وهاي كلنه مؤقت
الحمد لله رتاحيت اخذت راحتي كلش اني. وياه هو هم دائمن يكول الحمدالله بلشنه من صفر شويه شويه نكون نفسنه مرت ايام بحياتنه تخبل
أنت تقرأ
الحمامة البيضاء طائره للبعيد 🕊️
Ficção Geralقصه واقعيه ... قصه بنت من اهل الغربيه مثل الحمامه بيضاء في أحدِ الأيام من أيام الربيع الجميلة، كانت حَمامة بيْضاء تُحلّق في أُفق السّماء الصّافية الزرْقاء، كان منظرُها - وهي ترفرفُ بجناحَيْها - يبْعث في النفس بهجة وسرورًا، خاصّة عندما كانت أشعة الشم...
