* البارت العاشر *
______________________________________
بعد ماحسيت عله محمد شارب راحت ايام جتي ايام من تزوجنه ابد مافد يوم حسسني عنده شي لو فديوم شكيت بي تلفونه بيدي واعرف الرمز وابد ماعنده سوالف بنات
جنه كلنه بكروب عله الفيس محمد هنا كام يكعد وحده بكرس يصغير وينعزل بلزاويه اجي يمه يطفي التلفون اني ابد ماشكيت بي كول سنين زواجنه بس هسه خلاني اشك بهاي التصرفات افوت للكروب تطلع عندي تعليقاته هو وبنيه من يعلقلها تعليق يعني مبين من الكلام اني جنت كل ضني ويا هاي البنيه وهيه صديقتي عله الفيس ضليت ايام عله هاي الحاله
اشوفه هيج واشوف تعليقاته اشتعل بنار هو يطلع العصر يجي بليل فه اسمع صوت السياره اطلع بره اكله الله يساعدك هو صافن بلتلفون ولا رد عليه عفته صعدت فوك لغرفتي اباوع من البالكون يمكن نص ساعه هو كاعد بره بلسياره يكتب بتلفون بس ويامن ماعرف ويتبسم مبينه تعابير وجهه
اني متت نار شتعلت فورت فات هو وره اكثر من نص ساعه مابينتله اني حسيت بي
بس كتله ليش مغير رمز تلفونك كال لا هيج ماقصد بيها شي كتله جنت قبل شامره واكلب بي وعادي ليش هسه جان يكول اهوو انتي دوريلج سالفه كتله وهاي وكعدتك بلسياره صار اكثر من نص ساعه تكتب جان يضحك
كال اني كتله ايي كال هسه جيت كتله تره طلعت وكتلك الله يساعدك وماجاوبتني وصعدت فوم بلنص ساعه اني اباوعلك تكتب وتتبسم ويامن جان يكول اهاا لا والله ماعندي شي هاي امج جانت تحجي ويايه
كتله فوك النص ساعه امي تحجي وياك وتتبسم كال لا والله جنه نسولف ونضحك عادي ماكو شي عفته وفتت للحمام اسبح
ودك عليه الباب كال هاي امج تريدج وفاتحه كامره كتله داسبح كال بس فتحي الباب عاد شفت امي كتلها داسبح وسديت الباب
بس اني كلش نقهرت كمت ابجي بلحمام لان ادري مو امي وداشوف تعليقاته ويا هاي البنيه اجه ثاني يوم كتله وديني لهلي ضايجه كال يله خلصي واوديج كملت شغلاتي وحضرت نفسي كتله جاهزه يلا ورحنه ذبني وراح مفات وياي
العصر حجيت لامي الي شفته وكتلها جنت ماشك بي بس من غير رمز تلفونه كالت يجوز وحده دخلتله وهيج صار كتله هيه هاي الي تعلقله ويعلقلها داشوف تعليقاتهم امي كالت ميخالف جوز غاهمه غلط اسالي
حجبت ويا تقريبا ساعه (٨ )ونص بليل كتله وين ماوين كال بلبيت كتله شتسوي كال ماسوي ضايج وراسي يوجعني وتعبان واريد انام
كتله يله ماشي وراح جان يوم احد اني نقهرت حيل لان ابد ماحسيت بي عنده شي لو فد يوم تغير عليه المهم رجعت ثاني يوم من اهلي اجه ابن عمتي يمنه هو يصير ابن عمه ابن خالته فه دائما يجي ويبات ونتعلل وعلاقتي بي حلوه اعتبره اخويه
فه اسولفتله عله الي صار كال اني اعرف الرمز
كتله تمام خوش حجي من ينام انطيك الجهاز وشوفلي ويامن يحجي واخذلي سكرين ودزهن اليه
كال اوك نام محمد بليل اخذت تلفونه نطيته لابن عمتي وفات بحجت الحمام ولكه المحادثه بس هو يعني هاي مو اول مره يحجي وياها ماسح محادثه قبل بس هاي ناسيها كمل ودزيلي الصور ورجعلي التلفون
اخو محمد شافني من ابن عمتي نطاني التلفون
كال شنو هاي كتله لا هيج ماكو شي وفتت للغرفه من فريت المحادثه وشفت الاسم انصدمت صدمت عمري اقره بلمحادثه وكعدت بلكاع ابجي وهو نايم طلعت مو البنيه الي يعلقلها وتعلقله
______________________________________
أنت تقرأ
الحمامة البيضاء طائره للبعيد 🕊️
Ficção Geralقصه واقعيه ... قصه بنت من اهل الغربيه مثل الحمامه بيضاء في أحدِ الأيام من أيام الربيع الجميلة، كانت حَمامة بيْضاء تُحلّق في أُفق السّماء الصّافية الزرْقاء، كان منظرُها - وهي ترفرفُ بجناحَيْها - يبْعث في النفس بهجة وسرورًا، خاصّة عندما كانت أشعة الشم...
