الكاتبة:وداد رياض
القصه: الحمامة البيضاء طائرة للبعيد🕊️
*. البارت السادس .*
______________________________________
رجعت للبيت وراحت ايام عاديه وجتي اشهور واني نفس المعانات يوميه وحالتي النفسيه تتعب
بس متحمله لخاطر محمد هو يصبرني ومن يصير شي يقهرني او يضوجني ميقبل هو يواسيني بكلشي
هو يعوضني يطلعني يونسني يشتريلي اي شي اريده بس احجي
ويكلي امي مابيدي شي عليها وماكدر ازعلها اتحمليها لخاطري واسكت لان هو زين وياية رغم ما راتبه تاخذه هي كله واذا يريد شي ياخذ منها
واذا احتاج شي لازم اكللها انطيني واني استحي ماكللها وحته اذا اكللها تنطيني شي قليل
بس هو كام من الراتب يبقي عله صفحه شي قليل متدري وينطيني بلبوكه ويكول كولي من اهلي رغم هو معرض بوقته حياته للخطر ويتعب وهاي بس راتبه ل امه
كضينها هيج وهو هم مامقصر عليه بشي صديقه عندك كوزمتك فاتح يمه بل دفتر حساب ياخذني عليه شريد ياخذلي يعني ماطلع من يمه اذا مو ١٥٠ لو ٢٠٠ الف مكياج وعطور وشغلات تجميل وشامبوات ومرطبات وعنايه بشره وجسم وشعر
وميهمه جان هو الي مغطي عله هواي امور تضوجني بس جان ماله كلمه عله امه
★★★★★★★★★★★★★★★★★★★★
قربت فترت ولادتي وبلشت اجهز ملابس طفله واني جانت بيه بنيه واحنه ثنينه جنه نريد بنيه ومكيفين حيل بيه ومحمد دائمن جان يكلي اريده تشبهج نفس عيونج وبشرتج وبرائتج واحبه مثلج وادلله اميرة ابوه جان منتظره اكثر مني يتمى اجيب هو يمي
اني ومحمد جنته ملتهين نقرر شنو نسميه وندور اسم طفله ونريد شي نتفق عليه
خلصت فترة حملي وصاروقت ولادتي بنهايه شهر (٩) وهو محمد سبحان الله جان لازم يعني يروح للدوام باجر بس كاللهم مرتي عله باب ولاده واخذ اجازه ع كود ولاتي من اولاد يكون يمي وحاظر ولاده مجان يريد يعوفني بوحدي كلبه ما انطاه
وصارت بيومها الفجر بل (٤) ونص الفجر حسيت من النوم فتت للحمام كلشي مابيه وره شوية صارت عندي ولاده وقوية ومكمت اصيح طلوكه قويه اجتني يعني هجمت عليه مره وحده كعدته محمد هو نصدم وميدري شيسوي وهم خايف هليه ومكيف
راح ركض كال لامه كعده من مومه كله يمه شهد دتطلك حتجيب
كالتله بعدها بعدها هاي بجر خل تستوي
كال امي تكول بعد خل تزيد وجان اعيط من الالم كتله شتزيد راح اموت طلعت الطفله
وكمت بعد ماتحمل من الالم واصيح حته الجيارين حسو عليه وجنت طفله صغيره كلشي ماعرف
واهلي بعيدين ماخلوني اتصل على اهلي اكللهم كالت عمتي اله تجيبين ياله لان يضل بالهم
رحت وصلنه للمستشفى بل(٦ ) الصبح
وطببوني انطوني ابره ومغذي وعافوني واني الوب ومقبلو يفوتون احد وياية بس ايلاف جانت داوم بنفس المستشفى مصوره شعاعيه كوه خلوها تفوت ويايه
واني توسلت بيهم وكفت يمي ولزمت ايدي وتشجعني وتقويني كعدوني كالو حته تكدرين تجيبين واني صغيره وماتحمل وبس اصيح كلبت مستشفى وعافوني
شوية وحده مقابيلي صاحت تره طلع راس الطفل خطيه اجوي يركضون وكالت لايلاف روحي جيبي ملابس الطفله ورئسن نيمتني وجرحتي بلمكص الالم كله مال الطلوكه والصباح والعياط مو مثل من جرحتي بلمكص لحد هاي الحضه الصوت من تكص شلون جان بأذني
راحت ايلاف وباوعت عله الساعه بل(٧/١٠ )دقايق وجان اجيب بس متت شفت الموت بعيوني وحيل تاذيت من الوجع مابيه حيل بعد المهم طلعت طفله الحمدالله بعد عناء طويل
(2015/1/30)تاريخ ميلاده
______________________________________
اجتي ايلاف لكتني جايبه كيفت فرحت بوستني كالت مبروك حبيبتي تتربه بعزكم ودلالكم
اخذو الطفله عافوها بدون ملابس وجانت بارده كلش شهر واحد بارد وستبردت واسمع صوتها تصرخ اني اول وحده جبت بلصاله احس نفسي نولدت من جديد
كملو كلشي ونقلوني لغير غرفه ماجابوها حاطيها بلخدج لانو مستبره شوية روحي يمه
جابوها وشفتها جانت مثل الملاك تجنن صغيره حيل وناعمه وبيضه
اجتي عمتي باركتلي ومحمد طب وباركلي كلي الحمدالله ع سلامتكم حبيبتي الف مبروك ياربي تعيشين وتفرحين بيه تتربه بعزنه ودلالنه الله ميحرمني منكم حبيبتي اميرتي شكرا ع احله هديه نطيتينياه ام سما
واني جاوبته حبيبي ابو سماوي الله يسلمك وتسلم الله يخليك النه باس راسي ولزم يدي وهم باسه
وخابرت اهلي كلتلهم جبت اني بل مستشفى امي وابوية كيفو وكامو يبجون لان جانو خايفين عليه وصارب (١١ )الصبح طلعوني من المستشفى
رجعنه للبيت ذبوني بلبيت وبنتي سمسمه
وراح جاب الطلي حته يذبحو فجران دم
وعزم بيت جدهم وسوو غده
واني جنت تعبانه ونعسانه ذبيت نفسي ونمت جانو اخواته ايلاف ورحمه وبنت عمتي مها الي جانت رابيه ويانه بلبيت اني ديزت عليها حته داريني وماقصرت ويايه خطيه
والبنات هم ماقصرو وعمتي اول يوم والثاني خلص الثالث صارت الساعه ب (١٢) الظهر واني ميته جوع نايمين كلهم محد جابلي ريوك عمتي طالعه وهنه نايمات
واني ارضع تعرفون الجايبه لازم تريد مدارا واني صغيره مو حيل اعرف وافتهم بيج شغلات
اني شفت الوضع هيج كمت اني خدمت نفسي محد دايرلي بال انقهرت يعني بعدني نفسه ومحد دايرلي بال سبوع مخلصت
كلت هيج شغله متفيد كمت اني اسوي لنفسي واني اغسل ملابس طفله واني اكل واني وحدي عله الطفله وجانت ناااااااعمه حيل
اقل الكلوين وزنها صغيرة كلش واخاف الزمها بس تعودت شسوي عمتي بهاي ايام ولادتي كامت تشتغل يم دكتور اسنان سكرتيره وعافتني وحدي
وايلاف خطيه هم عدهه دوام وشغل وامي متكدر تجيني بسبب الاوضاع يمهم خطيه محمد من يجي يساعدني شويه بسمسمه هو جان كلش فراكان ومكيف جان يحجي وياه ويلعبه ويشيله واني هم جانت فرحت عمري بنيتي اكعد احجي وياه وحجيله كلشي يصير ويايه
أنت تقرأ
الحمامة البيضاء طائره للبعيد 🕊️
Genel Kurguقصه واقعيه ... قصه بنت من اهل الغربيه مثل الحمامه بيضاء في أحدِ الأيام من أيام الربيع الجميلة، كانت حَمامة بيْضاء تُحلّق في أُفق السّماء الصّافية الزرْقاء، كان منظرُها - وهي ترفرفُ بجناحَيْها - يبْعث في النفس بهجة وسرورًا، خاصّة عندما كانت أشعة الشم...
