الحمامة البيضاء طائره للبعيد 🕊️

الحمامة البيضاء الطائرة للبعيد🕊️

الكاتبة :وداد رياض
القصه: الحمامة البضاء الطائره للبعيد🕊️
االبارت: الثالث عشر

°°°°°°°°°°°°°°°°°°°°°°°°°°°°°°°°°°°°°°°°°°°°°°

كعدت الصبح ولبست وكشخت ع اخر حبه كنو رايحه لمناسبه
وخليت شي خفيف بوجهي ماسكاره حمره وردي فاتحه بناتيه شويه مورد لخدودي وكحله على اساس انو اني اريد ابين لمحمد قويه وعادي مامهتمه اصلن احسن ديصير هو صح متوكف حياتي عليه ولا اهتمله عادي بعد كلمن طريقه

رحنه اني وامي واخويه فهد وابن عمي وصلنه وشفته وره ما تعاوفني (٣ ) اشهور هو وعمامه ثنين وخال ابو

سلمت علهم بس هو لا ابتعد من يمهم
واني هم ماسلمت عليه جان لابس بنطرون اسود وقميص ابيض

صح جنت ابين اله انو اني قويه وعادي مامهتمه اذا عافني بس شفته نقهرت ودمعت عيني لانو كسرني وتخله عني بسهوله
وهو هم عيونه تلمع وماوكع عيونه من عليه يباوعلي بأنو مقهور وضايج كعدنه بلانتضر وره شويه صاحو علينه ندخل باحث الاجتماعي حته يفتهم الموضوع و يصلح بيناتنه

كالو وحدهم يدخلون دخل ويانه عمه المكروه هو الخرب بيناتنه وهو الي شجعه يطلك حقير ماقبل الي بلباب بس دفع الباب وفات واني كلت لاخويه فهد تعال وخليته يدخل كعدنه وسأل شنو السباب المشكله وليش

حجتله اني الي صار وكتله جابني لاهلي ماعدنه شي ولا اكو بيناتنه خلاف بعدين كلب عليه وعافني وره( ٢٥ ) يوم ينشر منشور خاطب ويتزوج
كتله اتزوج اقرب الناس الي اختي احنه ربيناها نايمين بفراش واحد واربين ع تربيت وحده وتعليم واحد حياتنه واسرارنه وحده

تخبل ذب القلم كله الله واكبر ليش هيج ضل ساكت ماجاوبه على اي سؤال يسأله ميجاوب اني اجاوب كتله لو متزوج (١٠ ) من الشارع ولا هاي جان مانقهرت هلكد كسرني وكسر بنتنه بقرب ناس حرفياا انتقم بطريقته واذاني

كال حقج والله حقج كال يعني مابيها مجال ابد ترجعين وخطيه بنتج وانتي بعدج صغيره كتله ابد ابد مستحيل كال ليش هيج قافله صالحو الامور بعدكم باول طريقكم لازم تنطي فرصت الخاطر بنتج من هذا كلام راد يقنعني حاول ويايه هواي

كتله ابد من سابع المستحيلات كال والله تحز بداخلي انتي بعدج بهل عمر وهيج يصير بيج
كتله هاهيه الحمد لله اني راضيه بل كاتبه رب العالمين جان فكر هو بيه وبنته قبل ميتصرف هيج هاي نتيجه تصرفاته من يتخله بعائله

يسأله انته تريد طلك يكله لا اريده اذا ترجعلي هسه ارجعها ماريد اطلك اني ولا مفكر هي تريد

كتله ابد كال مادام هو يريد كتله اني بدون ضره شلون جنت عايشه وياهم مو عاد هسه ضره
كال بيت وحد كتله ابد ابد متصير مستحيل اتشارك ويه اختي بشي الي هي تقبل اني ماقبل نزل من عيني بعد ماريده حاول ويايه هواي تقريبا (٣ )ساعات يحجي ويايه
كتله ابد كال يعني كلام اخير حته اوقع كتله وقع كال والله حرمات وبعدج صغيره كتله هاهيه الحمد لله هو هيج احسن هو من بدايه غلط

محمد طلع ماعرف شيجيب من بره جان يكول الباحث هو ميريد يطلك وعيونه تحجي هل شي ويريدها ميت عليها بس مو بيده كتله ايي مو بيده يمشي بشور امه وقع وطلعنه كملنه اجرائات وفتنه للقاضي وطلكنه

بس اني هنا نهاريت بجي اقعب شعور احس دنيا ضلمت بوجهي مدري شصار بيه احس هو كلشي الي وراح تخله عني بسهوله
وره ما كملنه لان نقهرت هو كوه متحمل عيونه تلمع يريد يبجي وطول الوقت ابد ماحجه شي مبين عليه مقهور طلعنه مشينه هو يباوع ورا
واني اباوع ورايه وافترقنه كلمن بدربه راح وبعد ماعرف عنه شي بعد هو مو الي بعد اني مو اله نتهى كلشي بهذا اليوم😭💔

رجعت البيت عادي هاي الحمد لله الله كاتبلي هيج نقهرو اهلي و عمامي لانو بعدني صغيره وعندي طفله المهم الحمد لله.

______________________________________

مرت ايام عدت ايام و اني بين الي اتذكر وابجي وبين الي هاهيه الحمد لله لزمت عده مال طلاك صدفه بدلت خطي والارقام خبطت عندي خط قديم وجديد لان محفوظات بجهاز

عدت فتره عله تبديل رقمي ولكيت رقمه موجود واني دخلت كتبتلها على التلي يعني رزلتها بأنو احنه صديقات ومابينت عليها هههههه كتبتلها رزاله ليش متسألين عليه وتكولين وينها ليش ماكو ليش ماسألتي عليه انتي مو اختي كتبتلها جريده وكتلها هذا رقمي الجديد احفضي

فه هيه جاوبتني بفرحه وترحيب وحبيبتي ومشتاقتلج وين هل غيبه اني جنت مستمره ارزل بيها مخليت شي محجيته عليها تالي كالت كافي مو ذليتني ذل وشبعتني مسبه ورزايل عاد سألتي شلونج اخبارج شتشوين متسوين

واني حجتلها يعني على حياتي بعد الانفصال وهيه جانت تعرف محمد واهله وتجيني للبيت من جنت يمهم فه كلهم يعرفوها صديقة العائله يعني حجينه هواي بس جان حجيها غريب وحسيت انو بالغلت بحبها واشتياقها الي

بل كلام فه سألتي عله سمسمه وشلون صابره بدونها وكتلها بأنو ابجي عليها واتخيلها واتذكرها

وصارلي شكد ماشيفتها جان تكول راح ادزلج صورها الهه
كتلها منيلج كالت شفت عمتها ناشرتها واخذت سكرين لصور احتفضت بيهن
فه دزتلي كبرانه وشكلها متغير من دزتلي كلش نقهرت وبجيت وكتلها كالت لا اني ماريد ابجيج اني من دزتلج اريدج تشوفيها وهيج اني بوقتها دخلت عليه على التلي مادخلت لا وتساب ولا فايبر بوقتها جان اكو فايبر كبل دخلت عله التلي لان ادري بيها بس تلي تستخدمه بقينه نحجي

وجنت كلما اكللها اريد اروح انام متقبل تكلي بعد وكت واني جنت معوده نفسي انام وماسهر فه تبقه تحلفني خل نبقه نسولف ومشتاقتلج وتسألني واني اجاوبه مثل الغبيه
ههههه وهواي اكو اشياء بكلامها غريب واستغرب منه بس ماعرفت شنو اكول هاي شبيها شاربه شي شبيه كتلها شبيج شاربه شو كلامج غريب

مره تكلي اليوم احله يوم بحياتي لان حجيت ويا اعز انسان عله كلبي صار فتره ماعرف عنه شي واحبج ومشتاقتلج كلشش
ومره تكلي احله صدفه بحياتي مره تكلي اني بديالى كتلها شعندج بديالى تكلي يم اصدقاء ابوية رحنه كلنه ونتونس كتلها ابد ماكلتلي عدكم اصدقاء بديالى

تكلي لا عدنه بس يجوز ناسيه اكلج فه ستغربت من كلامها بقينه سالفه تجر سالفه وتحاول تقنعني انو ابقه اسولف وياها بقينه للفجر نحجي ونمت