YOU ARE GOING TO FALL FOR ME

II

Ka alarm ri ka hriat chuan peihlo deuhin ka thu chhuak a, bs a kan homework vawiina min zawh tur te chu kan sawi leh vel a, eco a kan homework pawh ka ennawn leh vek.

Lehkha thiam theilo ka ni biklo a, ka thiante aia thiam loh hi ka duh lo hle bawk a chuvangin ka zir nasa a kan thianho ah chuan ka titha ber zel bawk.

Dar ka en chuan dar 6 a lo ri tawh a, u Mimitei a thawh tawh ka rin vangin ka chhuk a, choka lamah thawm a lo ri rak rak tawh.

"Morning" ka va tihchuan a phu chiam a, keipawh min tiding chawt mai. "Morning.. Thawm te rawn neive ta che" a ti zui a, "Sorry" tiin ka nuihtlawn ta vel mai mai.

Rawng chu kan bawl dun a, dar 7 rik chuan ka nu pawh a rawn haw a, a chauh deuh vanga a mut rih mai tur thu min hrilhin a kal zui nghal mai.

"U Mimite, keichu kan inchhung hi reh ka ti, nuam pawh ka tilo" tiin ka thu thla a, "Ngati maw?" a tih chuan "Kan chhungte ho nen hian ka tetlai ang khan kan hlim tawhlo ka ti mai mai mawle. Inchhung a reh tawh bawk si"

"I ngaihdan chu ka hre thiam. Kan kum te alo upa ve zel a, kan hlimpui ber thin nang lah I lo lian ve tawh a, nulat I hre ve tawh bawk nen nuihna tur hi a tam vak tawh lo a.

Nangte hi mak ka ti zawk che nia, fa mal ka hriatah chuan I inla baby lo ber ang mawle. Kan duat che nen hian I tawngkam leh chevel hi a felfai dup mai bawk sia" a ti deuh duah a, ka thil lo ngaihtuah vang chuan ka nui hak mai.

"Putea hian nupui nei se tha nimai" ka tih chuan kan nui dun hak hak mai. Ka chhungte hian min duat viau mahse inlak baby kual vel hi ka peih zawng pawh nilo.

Chu ai chuan puitling taka awm a, tawngkam felfai tak leh nun zahawm tak neih hi ka duh ber. Kan hausak vang hian chutia awm chu ka duh ani lo va, hmeichhia ka ni a mi ina lawi tur ka ni a.

Mo zahawm, puitling leh inringtawk tak nih a, ka lawina chhungkua leh an thenawm leh an chhungkhat lai na zawng zawng te tanga mo tha nih hlawh ka duh vang ani pakhat 🤭🤭

"Hey" tihpaha ka hmai zawna kut a rawn vai chuan ka harhchhuak zawk mai. "Thil ngaihtuah vung vung zel suh" a ti a, ka nui hak ringawt.

"Morning, ka naute pahnih te u" tiin putea chuan kan chalah a rawn fawp ve ve a, "Kum 30 ka tling ve tep tawh, chala fawh sak rual ka ni tawh lo" tiin u Mimitei chu a phun bul bul mai.

"Mimite, kum upa tak pawh nimahla, kan tan chuan Matei nen hian kan chhungkaw naute in ni reng dawn. Bakah in tan putea nimah ila, keichuan ka fate ang tluk zetin ka hmangaih cheu tih hre reng rawh u.

Abik takin Mimitei hi sawi fo duh lo mah ila khawlaia keima hmuh che inia, ka fa ang chiah ini ber a chuvang chuan in tetlai atanga ka tih ang hi chu phunpui lo hram hram rawh u" a ti dam dap a, ngawi reng chuan u Mimitei nen putea thusawi chu ngaithlain kan bu nghat nghat mai.

"Mimite, ngaihzawng te hi i neilo em ni? I hmel a tha bawk si a, duhtu te hi I neilo em ni?" putea'n a tih tak daih chuan ka awm a lo nuam huai mai.

U Mimitei chuan "Neilo,min bemtu chu an awm a mahse ka duhlo chhan chu mi hausa fapa duatsual anti tlat a, va hre em em lo mah ila college vela a awmdan atang hi chuan a ang ka tia" tiin a chhang a.

Heihi lawm kan chhungkua a nawm leh pakhatna chu thil engmah hi zep hi a awm ngailo hrim hrim. Ngaihzawng lamah ngat phei hi chuan engkim hi min hriatpui vek zel a, kan ngaihzawngte hi an hre ve vek zel bawk a, chaw ei hian an la sawm ziah zui😩

"Mate, ka pa leh ka pu te va ko la, chaw ei hnaih ila tha ang" u Mimitei in a tih chuan ka tho vat a, sitting room a an lo thu chu chaw ei kan peih tawh thu hrilhin ka kalsan lehnghal vat mai.

Chaw kan ei lai chuan kan titi bawrh bawrh a, kan nui ring thei hlawm khawp mai. Kan ei kham chuan u Mimitei nen chuan kan seng fel a, sil ka tum chuan insiam turin min lo ti vat a, first period a neih loh vangin a hmanhmawh ve vak loh thu min hrilh bawk vang chuan insiam turin ka room lam ka pansan ta zawk a.